Mose I, 14:5 - BAIBLO ALOO NGMAMI KLƆUKLƆU Ɔ

⁵ Jeha nɛ ji nyɔngma kɛ eywiɛ ɔ mi ɔ, Kedorlaomer kɛ matsɛmɛ nɛ piɛ e he ɔ ba nɛ a ba gbe Refa bi ɔmɛ ngɛ Ashterot Kiriataim, Zuz bi ɔmɛ ngɛ Ham, kɛ Em bi ɔmɛ ngɛ Kiriataim nga a nɔ.

Mose I, 14:5 ပူးပေါင်းရင်းမြစ်များ

Mose V, 3:11

Bashan matsɛ, Og pɛ ji oblaihi nɛ a tsɛɛ mɛ Refaim ɔ a ti nɔ nɛ piɛ. E dade sa tso ngɛ Amon bi ɔmɛ a ma nɛ a tsɛɔ Raba a kɛ mwɔɔ. Sa tso ɔ kami ji gugue enyɔ kɛ nine mi blimi enyɔ, nɛ e blimi ji gugue kake kaa bɔ nɛ níhi a susumi mlaa a ngɛ ɔ.

Mose V, 1:4

Jamɛ a be ɔ mi ɔ, Yawɛ gbe Amor bi ɔmɛ a matsɛ, Sihon nɛ hi Heshbon ɔ, kɛ Bashan matsɛ, Og nɛ hi Ashtarot ngɛ Edrei ɔ momo.

Mose I, 15:20

Hit bi, Periz bi, Refaim bi,

Mose V, 3:22

Nyɛ ko ye mɛ gbeye, ejakaa Yawɛ, nyɛ Mawu ɔ maa hwu ha nyɛ.’ ”

Yeremia 48:23

Kiriataim, Betgamut, Betmeon,

Yeremia 48:1

Bɔ nɛ Yawɛ Tabohiatsɛ, Israel Mawu ɔ de ngɛ Moab he ji nɛ ɔ nɛ: “Musu tloo Nebo bi ɔmɛ, ejakaa a kpata a ma a hɛ mi! A pue Kiriataim hɛ mi si, nɛ a ngɔ ma a. A ku mɔ ngua a ngɔ pue si, nɛ a bɔ lɛ ahlua.

Yesaya 17:5

Israel zugba a maa pee kaa ngmɔ nɛ a kpɔ e nɔ blɛfo tsuo ta, loo kaa bɔ nɛ Refaim kɔ̃ ɔ mi peeɔ falifali ke a kpɛte ní ta lejɛ ɔ.

La 106:22

Hyɛ nyakpɛ níhi nɛ e tsu ngɛ lejɛ ɔ! Hyɛ ní nguanguahi nɛ e pee ngɛ Wo Tsu ɔ nya!

La 105:27

Mawu ha nɛ a pee okadihi, kɛ nyakpɛ níhi ngɛ Egipt zugba a nɔ.

La 105:23

Kɛkɛ nɛ Yakob pue nɔ kɛ ho Egipt ya ya to nubwɔ ngɛ jamɛ a zugba a nɔ.

La 78:51

E gbe bitɛtehi tsuo ngɛ we tsuaa we mi ngɛ Egipt zugba a nɔ.

Kronika I, 14:9

Filisti bi ɔmɛ ba su Refaim kɔ̃ ɔ mi, nɛ a bɔni ní hami ngɛ lejɛ ɔ.

Kronika I, 11:15

Ligbi ko ɔ, benɛ Filisti ta a ba bua a he nya ngɛ Refaim kɔ̃ ɔ mi ɔ, katsɛmɛ nyingmi etɛ ɔmɛ a ti ni etɛ pue nɔ kɛ ho tɛ sa ko nɔ ya ngɛ he nɛ David ngɛ ngɛ Adulam tɛ puɔ ɔ kasa nya.

Kronika I, 4:40

A ya ná zugba ko nɛ fɔɔ si gbajaa ngɛ lejɛ ɔ. Zugba a hi saminya kɛ ha lohwe lɛmi; e nɔ jɔ, nɛ tue mi jɔmi hu ngɛ lejɛ ɔ. Ham nina ji ni nɛmɛ nɛ hi lejɛ ɔ sa a.

Samuel II, 23:13

Benɛ ní kpami be su ta a, katsɛmɛ nyingmi etɛ ɔmɛ a ti ni etɛ pue nɔ kɛ ya na David ngɛ Adulam tɛ puɔ ɔ mi, be mi nɛ Filisti ojo fiali a kuu ɔ hu ya bua a he nya ngɛ Refaim kɔ̃ ɔ mi.

Samuel II, 5:22

Se Filisti bi ɔmɛ kpale a se nɛ a ya pue si ngɛ Refaim kɔ̃ ɔ mi ekohu.

Samuel II, 5:18

Filisti bi ɔmɛ ba nɛ a ba gba wo Refaim kɔ̃ ɔ mi.

Yoshua 13:31

Gilead ma a fa, kɛ Ashtarot kɛ Adrei ngɛ zugba nɛ a ngɔ kɛ ha Manase wɛtso fa a mi. Ma nguahi nɛ ngɛ Bashan matsɛ, Og nɔ yemi he ɔ ji ma nɛ ɔmɛ. A ngɔ ma nɛ ɔmɛ tsuo ngɔ ha Manase binyumu Makir nina fa a we puɔ nya we puɔ nya.

Yoshua 13:19

Mefaat, Kiriataim, Sibma, Zeretshahar ngɛ kɔ̃ ɔ nya,

Yoshua 13:12

Bashan matsɛ, Og nɔ yemi he ɔ hu piɛ zugba nɛ ɔ he. Og ye matsɛ ngɛ Ashtarot kɛ Edrei; nɛ lɛ nɔ kake pɛ ji nɔ nɛ piɛ ngɛ oblaihi a nina nɛ a tsɛɛ mɛ Refaim ɔ a kpɛti; ejakaa Mose ya tua mɛ, nɛ e fie mɛ kɛ je lejɛ ɔ.

Yoshua 12:4

Matsɛ enyɔne ɔ ji Bashan matsɛ, Og. Lɛ ji Refaim nina nɛ piɛ ɔ a ti nɔ kake nɛ hi Ashtarot kɛ Edrei.

Mose V, 3:20

Nyɛɛ piɛ nyɛ nyɛmimɛ Israel bi ɔmɛ a he kɛ ya si a maa ngɔ zugba a nɛ Yawɛ ngɛ mɛ hae ngɛ Yordan pa a bonyoku je ɔ; nɛ Yawɛ ma ha mɛ hu a maa hi nɔ kaa bɔ nɛ e pee ha nyɛ ɔ. Lɔ ɔ se loko nyɛɛ kpale kɛ ba zugba nɛ i ngɔ ha nyɛ ɔ nɔ.’

Mose I, 14:4

Jinɛ a sɔmɔ Kedorlaomer jeha nyɔngma kɛ enyɔ, se jeha nɛ ji nyɔngma kɛ etɛ ɔ mi ɔ, a tsɔ atuã.

Mose IV, 32:37

Ruben bi ɔmɛ hu kpale po Heshbon, Eleale, Kiriataim,

Mose V, 3:13

Manase wɛtso fa a hu, i ha mɛ Gilead zugba nɛ piɛ ɔ, kɛ Bashan tsuo, he nɛ Og ye tsɛ ngɛ ɔ; lɔ ɔ ji Argob zugba a tsuo.” Sa a, a tsɛɛ Bashan ke oblaihi a zugba.

Yoshua 9:10

kɛ bɔ nɛ e pee Amor bi ɔmɛ a matsɛmɛ enyɔ ɔmɛ nɛ a ngɛ Yordan beleku je ɔ: Heshbon matsɛ, Sihon, kɛ Bashan matsɛ, Og nɛ hi Ashtarot ɔ.