Mose I, 14:19 - BAIBLO ALOO NGMAMI KLƆUKLƆU Ɔ

¹⁹ nɛ e gbaa lɛ, nɛ e de ke, “Mawu Hiɔwe No, Hiɔwe kɛ zugba bɔlɔ ɔ nɛ gbaa Abram!

Mose I, 14:19 ပူးပေါင်းရင်းမြစ်များ

Mose I, 14:22

Abram he nɔ ke, “I na Mawu Hiɔwe No ɔ, nɔ nɛ pee hiɔwe kɛ zugba a,

Efesobi 1:3

Sina ha Mawu, wa Nyɔmtsɛ Yesu Kristo Mawu ɔ, kɛ e Tsɛ ɔ! Ejakaa nɛ wa ngɛ Kristo mi ɔ, Mawu dloo wɔ mumi mi ní kpakpahi tsuo nɛ ngɛ hiɔwe ɔ.

Efesobi 1:6

E sa kaa wa je Mawu yi kaa e gu e dloomi nɛ hɛ mi ngɛ nyami ɔ nɔ ngɔ e bi nɛ e suɔ ɔ ngɔ ke wɔ yaka gu!

Mateo 11:25

Jamɛ a be ɔ mi ɔ, Yesu de ke, “Tsaatsɛ, hiɔwe kɛ zugba Nyɔmtsɛ! I naa mo si, ejakaa níhi nɛ o ngɔ kɛ laa ní leli, kɛ ga leli ɔ, o je kɛ tsɔɔ nihi nɛ li nɔ́ ko.

La 24:1

Je ɔ, Yawɛ nɔ́. Zugba a, kɛ e mi ní, kɛ nimli nɛ ngɛ zugba a nɔ ɔ, Yawɛ níhi ji mɛ tsuo.

Rut Womi 3:10

Nɛ Boaz de lɛ ke, “Yawɛ maa gbaa mo, ye bi, kaa o kɛ nɔ́ nɛ o pee nɛ ɔ tsɔɔ weku no kpakpa peemi he okadi pe níhi kulaa nɛ o pee ha o nganyɛ ɔ po, kaa o ya nyɛɛ we nihewi ohiatsɛmɛ, loo niatsɛmɛ a se.

Ni Tsumi 16:17

Yiheyo nɛ ɔ nyɛɛ waa kɛ Paulo wa se kɛ ngmlaa ke, “Kikɛmɛ a nimli nɛ ɔmɛ ɔ, Mawu, Hiɔwe No ɔ tsɔli ji mɛ; nɛ a ngɛ fiɛe kɛ ngɛ nyɛ tsɔɔe bɔ nɛ nyɛ maa pee nɛ a he nyɛ yi wami.”

Luka 10:21

Jamɛ a be ɔ, Mumi Klɔuklɔu ɔ ha Yesu na bua jɔmi, nɛ e de ke, “Tsaatsɛ, hiɔwe kɛ zugba Nyɔmtsɛ, i naa mo si kaa níhi nɛ o ngɔ kɛ laa ní leli ɔ, o je tsɔɔ ni guhi. Ee, Tsaatsɛ, nɔ́ nɛ sa o hɛ mi ɔ, lɔ ɔ o pee ɔ nɛ.

Mika 6:6

Ke i ma nɛ ma ba ja Yawɛ, hiɔwe Mawu ɔ, mɛni ma hɛɛ kɛ ba ha lɛ? Anɛ ma ngɔ na bihi nɛ a ye jeha kakaaka kɛ ba sá sami bɔ ha lɛ lo?

La 115:16

Hiɔwe ɔ tsuo e nɔ́, se zugba a lɛɛ e ngɔ kɛ ha nimli adesahi.

Samuel II, 2:5

e tsɔ nɛ a kɛ sɛ gbi ya ha mɛ ke, “Yawɛ maa gbaa nyɛ kaa nyɛ je nyɛ suɔmi kpo ngɔ ha Saul, nyɛ nyɔmtsɛ ɔ, nɛ nyɛ pu lɛ!

Mose I, 49:28

Yakob bimɛ, Israel wɛtso nyɔngma kɛ enyɔ ɔmɛ ji nɛ ɔmɛ nɛ. Benɛ a tsɛ ɔ kɛ mɛ ye nyagbe sɛ, nɛ e gbaa mɛ ɔ, munyuhi nɛ e tu mɛ ji nɛ ɔmɛ nɛ; nɔ tsuaa nɔ ná e nɔ́.

Mose I, 47:10

Kɛkɛ nɛ Yakob gbaa Farao ɔ ekohu, nɛ e je e ngɔ.

Mose I, 47:7

Yosef ngɔ e tsɛ Yakob hu kɛ ba tsɔɔ Farao ɔ. Yakob gbaa Farao ɔ,

Mose I, 27:4

Kɛ pee niye ní nɛ ngɔɔ kaa bɔ nɛ i suɔ ɔ. Ngɔɔ ba ha mi nɛ ma ye, nɛ ma gbaa mo loko ma gbo.”

Marko 10:16

Kɛkɛ nɛ e wo jokuɛwi ɔmɛ ngɛ e kɔni bɔkɔ mi, nɛ e ngɔ e ninehi ngɔ pue a nɔ, nɛ e gbaa mɛ.

La 50:10

Ejakaa pu mi lohwehi, kɛ lohwehi nɛ ngɛ yokuhi tsuo a nɔ ɔ, ye níhi ji mɛ.

Mose I, 24:3

ngɛ Yawɛ, hiɔwe kɛ zugba Mawu ɔ biɛ mi, kaa o be yo hlae kɛ ha ye binyumu Isak kɛ je Kanaan bi ɔmɛ nɛ i kɛ mɛ ngɛ ɔ a kpɛti.

Samuel I, 15:13

Benɛ Samuel ba su Saul ngɔ ɔ, Saul fɔ lɛ nɛ e de lɛ ke, “Yawɛ nɛ e gbaa mo! I ye Yawɛ fami ɔ nɔ.”

Mose V, 10:14

Yawɛ, nyɛ Mawu ɔ nɔ́ ji hiɔwe ploplooplo ɔ tsuo, zugba a, kɛ nɔ́ tsuaa nɔ́ nɛ ngɛ zugba a nɔ ɔ.

Kronika I, 29:11

O kle, o ngɛ he wami, kɛ hɛ mi nyami; o yeɔ kunimi, nɛ o yeɔ matsɛ. Nɔ́ tsuaa nɔ́ nɛ ngɛ hiɔwe kɛ zugba a, o nɔ́. Matsɛ ji mo, nɛ o yeɔ nɔ́ tsuaa nɔ́ nɔ.

Kronika II, 31:8

Benɛ Matsɛ Hezekia, kɛ ganɔ ɔmɛ ba na nike ní babauu nɛ a kɛ ba a, a je Yawɛ kɛ e ma Israel ɔ a yi.

La 115:15

Yawɛ nɛ bɔ hiɔwe kɛ zugba a, é gbaa nyɛ.