Mose I, 14:17 - BAIBLO ALOO NGMAMI KLƆUKLƆU Ɔ

¹⁷ Benɛ Abram ya ye Kedorlaomer kɛ matsɛmɛ nɛ piɛ e he ɔ a nɔ kunimi nɛ e kpale e se kɛ ma a, Sodom matsɛ ba kpee lɛ ngɛ Shave Kɔ̃ ɔ nɛ e biɛ kpa ji Matsɛ Kɔ̃ ɔ mi.

Mose I, 14:17 ပူးပေါင်းရင်းမြစ်များ

Samuel II, 18:18

Benɛ Absalom ngɛ je mi ɔ, e ma kaimi titima ko kɛ ha e he ngɛ Matsɛ kɔ̃ ɔ mi; ejakaa e de ke, “I be binyumu ko nɛ a kɛ ma kai ye biɛ.” Lɔ ɔ he ɔ, e kɛ lɛ nitsɛ e biɛ wo titima a; nɛ kɛ ba si mwɔnɛ ɔ, a tsɛɛ lɛ Absalom kaimi nɔ́.

Hebribi 7:1

Melkizedek ɔ, Salem matsɛ, kɛ Mawu Ope ɔ we osɔfo ji lɛ. Be ko ɔ, Abraham kɛ matsɛmɛ komɛ ya hwu ta, nɛ e ye a nɔ. Benɛ e kpale kɛ ma a, e kɛ Melkizedek ba kpe, nɛ Melkizedek gbaa lɛ.

Abɛ Womi 19:4

Ke nɔ ko na ní ɔ, e naa huɛmɛ babauu; ohiatsɛ lɛɛ e huɛ kake ɔ po kuaa lɛ.

Abɛ Womi 14:20

Ohiatsɛ ɔ, e nyɛmi tete po sume lɛ. Se niatsɛ lɛɛ e ngɛ huɛmɛ babauu.

Samuel I, 18:6

Benɛ David gbe Goliat nɛ e kɛ ta buli ɔmɛ kpale a se kɛ ma a, Israel yi ɔmɛ je a ma amɛ tsuo a mi kɛ ba, nɛ a kɛ bua jɔmi la, kɛ do, kɛ kpa saku ba kpee Matsɛ Saul.

Manyadali 11:34

Benɛ Yefta kpale kɛ ma e we ɔ mi ngɛ Mizpa, nɛ e maa hyɛ ɔ, e biyo ɔ ji nɛ ɔ nɛ je kpo kɛ ma lɛ kpee mi kɛ fao fiami, kɛ domi. Lɛ pɛ ji e bi; e be binyumu, loo biyo kpa ko ngɛ e se.

Mose I, 14:1

Jamɛ a be ɔ mi ɔ, Babilonia matsɛ, Amrafel; Elasar matsɛ, Ariok; Elam matsɛ, Kedorlaomer; kɛ Goim matsɛ, Tidal

Mose I, 14:5

Jeha nɛ ji nyɔngma kɛ eywiɛ ɔ mi ɔ, Kedorlaomer kɛ matsɛmɛ nɛ piɛ e he ɔ ba nɛ a ba gbe Refa bi ɔmɛ ngɛ Ashterot Kiriataim, Zuz bi ɔmɛ ngɛ Ham, kɛ Em bi ɔmɛ ngɛ Kiriataim nga a nɔ.

Mose I, 14:10

Muɔhi nɛ amã ngɛ a mi babauu ngɛ Sidim Kɔ̃ ɔ mi, nɛ benɛ Sodom kɛ Gomora matsɛmɛ ɔmɛ ngɛ fo tue ngɛ ta a nya a, a nɔɔ muɔ ɔmɛ a mi; se matsɛmɛ etɛ ɔmɛ nɛ piɛ ɔ, mɛ lɛɛ a tu fo kɛ ho yoku ɔmɛ a nɔ ya.