Mose I, 14:12 - BAIBLO ALOO NGMAMI KLƆUKLƆU Ɔ

¹² Abram wɔfase Lot ngɛ Sodom jamɛ a be ɔ mi; nɛ a ngɔ lɛ hu kɛ e níhi tsuo kɛ je.

Mose I, 14:12 ပူးပေါင်းရင်းမြစ်များ

Mose I, 12:5

Abram ngɔ e yo Sarai, kɛ e wɔfase Lot, kɛ weto ní, kɛ nyɔguɛhi nɛ a na ngɛ Haran ɔ, nɛ a pue nɔ kɛ ho Kanaan zugba a nɔ ya. Benɛ a ya su Kanaan ɔ,

Kpojemi 3:19

Nihi nɛ i suɔ mɛ ɔ, i kaa a hɛ mi, nɛ i gblaa a tue. Lɔ ɔ he ɔ, o hɛ nɛ dɔ, nɛ o tsake o tsui.

Mose I, 11:27

Tera nina ji nɛ ɔmɛ nɛ. Tera fɔ binyumuhi etɛ: Abram, Nahor, kɛ Haran. Haran fɔ binyumu nɛ e biɛ ji Lot.

Kpojemi 18:4

Kɛkɛ nɛ i nu gbi kpa nɛ tu munyu kɛ je hiɔwe ke, “Ye ma! Nyɛɛ je kpo ngɛ e mi oo, nyɛɛ je ma a mi! Nyɛ ko ya piɛ ma mi bi ɔmɛ a he kɛ pee yayami, konɛ haomi nɛ ba a nɔ ɔ, ko ba nyɛ hu nyɛ nɔ!

Hiob 9:23

Ke nɔ nɛ pee we yayami gbo tlukaa a, Mawu muɔɔ.

Mose IV, 16:26

E de ma a ke, “Nyɛɛ hɛ nyɛ kɛ je nimli yiwutsotsɛmɛ nɛ ɔmɛ a bo tsu ɔmɛ a he. Ke pi ja a, a ma kpata nyɛɛ kɛ mɛ tsuo nyɛ hɛ mi ngɛ a he yayami ɔmɛ a he.”

Mose I, 14:11

Matsɛmɛ eywiɛ ɔmɛ ha nɔ́ tsuaa nɔ́, kɛ niye ní tsuaa niye ní ngɛ Sodom kɛ Gomora kɛ je.

Mose I, 14:14

Benɛ Abram nu kaa a ba nu e wɔfase Lot kɛ ho ɔ, e kɛ e tsɔli lafa etɛ kɛ nyɔngma kɛ kpaanyɔ nɛ a le ta hwumi hia ta kɛ nyɛɛ matsɛmɛ eywiɛ ɔmɛ a se kɛ ya su Dan tɔɔ.

Mose I, 14:16

Abram kpɔ ní ɔmɛ nɛ a ba ha a tsuo ngɛ he nyɛli ɔmɛ a dɛ. Jehanɛ, e wɔfase Lot, kɛ e ní ɔmɛ, kɛ e yi ɔmɛ, kɛ ni kpa amɛ nɛ a ba nuu ɔ hu, e nine su mɛ tsuo pɛpɛɛpɛ a nɔ.

Mose I, 11:31

Tera ngɔ e binyumu Abram, kɛ e bibi Lot, Haran binyumu ɔ, kɛ e nganyɛ Sarai, Abram yo ɔ, nɛ e kɛ mɛ je Ur ngɛ Babilonia kɛ yaa Kanaan. Se benɛ a su ma a nɛ a tsɛɛ Haran ɔ, a ya to lejɛ ɔ.