Mose I, 13:9 - BAIBLO ALOO NGMAMI KLƆUKLƆU Ɔ

⁹ Zugba a tsuo ji tilaa ngɛ o hɛ mi nɛ ɔ nɛ. Moo po zugba a he nɛ o suɔ, konɛ o hi o dɛ he; ke o ngɔ muɔ nɔ je ɔ, ma ngɔ hiɔ nɔ je. Ke hiɔ nɔ je o suɔ jio, imi hu ma ngɔ muɔ nɔ je.”

Mose I, 13:9 ပူးပေါင်းရင်းမြစ်များ

Mose I, 13:10

Lot hyɛ zugba a tsuo kɛ kpe, nɛ e na kaa nyu ngɛ Yordan kɔ̃ ɔ mi tsuo babauu kaa bɔ nɛ Yawɛ Ngmɔ ɔ ngɛ ɔ, aloo kaa bɔ nɛ Egipt zugba a ngɛ kɛ ma Zoar blɔ ɔ. Sane nɛ ɔ ba loko Yawɛ kpata Sodom kɛ Gomora hɛ mi.

Mose I, 13:8

Abram de Lot ke, “Nyɛmimɛ ji wɔ; wa ko pɛ, nɛ wa ko ha nɛ pɛ ba sɛ wa lohwe nɔ hyɛli ɔmɛ hu a kpɛti.

Mose I, 20:15

Abimelek de Abraham ke, “O nɛ, ye zugba nɛ ngɛ o hɛ mi tilaa a nɛ; he tsuaa he nɛ o suɔ ɔ, moo hi lejɛ ɔ.”

Mose I, 34:10

Ke nyɛ kplɛɛ ja a, waa kɛ nyɛ maa hi si. Wa zugba a fɔɔ si ha nyɛ; nyɛɛ kɛ wɔ maa hi si faa, nyɛ maa ye jua, nɛ nyɛ ma na nyɛ nitsɛmɛ nyɛ weto ní.”

La 120:7

Imi lɛɛ he jɔmi nɔmlɔ ji mi, se ke i tu munyu kɛkɛ mɛɛ lɛɛ a hia ta!

Yeremia 40:4

Lɔ ɔ he ɔ, i ngɛ pã nɛ ɔ jee ngɛ o kɔni si mwɔnɛ ligbi nɛ ɔ. Ke o suɔ kaa o kɛ mi maa ya Babilonia a, i kɛ mo maa ya nɛ ma ya hyɛ o nɔ saminya ngɛ lejɛ ɔ. Se ke e dɛ ha mo kaa o kɛ mi maa ya a, lɛɛ mo ko ya. Hyɛ, zugba a tsuo lɛ ngɛ o hɛ mi nɛ ɔ nɛ. He tsuaa he nɛ hi ha mo nɛ o suɔ kaa o maa ya a, yaa.”

Romabi 12:18

Ke e maa hi ɔ, nyɛɛ bɔ mɔde nɛ nyɛɛ kɛ nɔ tsuaa nɔ nɛ hi si ngɛ he jɔmi mi.

1 Korintobi 6:7

Kaa nyɛ nyɛ nɛ nyɛɛ kɛ nyɛ he ngɛ munyu yee ɔ, lɔ ɔ kɛkɛ tsɔɔ kaa nyɛ je mi bami sɛ́ Kristo se nyɛɛli saasaa. Nyɛ ha nɛ ni kpahi pee nyɛ yayami mohu jinɛ tse e ko hi! Nyɛ ha nɛ ni kpahi sisi nyɛ mohu jinɛ tse e ko hi!

Hebribi 12:14

Nyɛɛ bɔ mɔde nɛ nyɛɛ kɛ nihi tsuo nɛ hi si ngɛ tue mi jɔmi mi. Nyɛɛ bɔ mɔde nɛ nyɛɛ pee klɔuklɔu, ejakaa nɔ nɛ be klɔuklɔu ɔ, e be Nyɔmtsɛ ɔ nae.