Mose I, 13:15 - BAIBLO ALOO NGMAMI KLƆUKLƆU Ɔ

¹⁵ Zugba a nɛ o ngɛ hyɛe ɔ, ma ngɔ lɛ tsuo kɛ ha mo, kɛ o nina, nɛ e maa pee nyɛ nɔ kɛ maa ya neneene.

Mose I, 13:15 ပူးပေါင်းရင်းမြစ်များ

Kronika II, 20:7

Anɛ pi mo, wa Mawu ɔ nɛ o fie zugba nɛ ɔ nɔ bi ɔmɛ kɛ je hiɛmɛ nɛ ɔ benɛ o ma, Israel ma a lo? Anɛ pi mo nɛ o ngɔ zugba nɛ ɔ kɛ ha o huɛ Abraham nina, konɛ e pee a nɔ́ kɛ ya neneene lo?

Mose I, 12:7

Yawɛ je e he kpo kɛ tsɔɔ Abram nɛ e de lɛ ke, “Zugba a nɛ ma ngɔ kɛ ha o nina a ji nɛ ɔ nɛ.” Lɔ ɔ he ɔ, Abram ma bɔ sami la tɛ ngɛ lejɛ ɔ kɛ ha Yawɛ, nɔ nɛ ba je e he kpo kɛ tsɔɔ lɛ ɔ.

Mose I, 35:12

Zugba a nɛ i ngɔ kɛ ha Abraham kɛ Isak ɔ, i kɛ ma ha mo kɛ o nina.”

Mose I, 15:18

Jamɛ a ligbi ɔ, Yawɛ kɛ Abram so, nɛ e de lɛ ke, “Ma ngɔ zugba nɛ ɔ tsuo kɛ ha o nina, kɛ maa je Egipt pa a nya kɛ yaa si Yufrate pa a nya.

Ni Tsumi 7:5

Mawu ha we Abraham nitsɛ zugba a kpɔ nɛ maa su nane ma he kake tete po. Se Mawu wo lɛ si kaa e ma ha nɛ zugba a ma ba pee e kɛ e nina a nɔ́. Benɛ Mawu wo si nɛ ɔ, Abraham be bi po.

La 37:29

Nihi nɛ peeɔ nɔ́ nɛ da a, zugba a maa pee a nɔ́ nɛ a maa hi nɔ daa.

La 37:22

Nihi nɛ Yawɛ gbaa mɛ ɔ, a nine maa su zugba a nɔ. Se ni nɛmɛ nɛ e gbiɛ mɛ ɔ, mɛɛ lɛɛ a ma kpata a hɛ mi.

Mateo 5:5

“A gbaa ni nɛmɛ nɛ a he jɔ, ejakaa nɔ́ nɛ Mawu wo he si ɔ, a nine maa su nɔ.

Mose IV, 34:2

e wo Israel bi ɔmɛ mlaa nɛ ɔ, “Ke nyɛ su Kanaan zugba a nɛ i ngɔ kɛ ngɛ nyɛ hae ɔ nɔ ɔ, nyɛ huzu ɔmɛ maa pee enɛ ɔmɛ.

Mose II, 33:1

Yawɛ de Mose ke, “Ma a nɛ o kpaka kɛ je Egipt zugba a nɔ ɔ, o kɛ mɛ nɛ je hiɛ ɔ kɛ ho zugba a nɛ i wo Abraham, Isak, kɛ Yakob si ke ma ngɔ kɛ ha a nina a nɔ ya.

Mose I, 48:4

E de mi ke, ‘Ma ha mo bimɛ babauu, nɛ o nina ma ba pee mahi babauu. Ma ngɔ zugba nɛ ɔ ngɔ ha o nina, nɛ e maa pee a weto ní kɛ maa ya neneene.’ ”

Mose I, 28:13

Kɛkɛ nɛ Yawɛ ba da si ngɛ e kasa nya, nɛ e de ke, “Imi ji Yawɛ, o nɛ̃ Abraham kɛ o tsɛ Isak a Mawu ɔ. Zugba a nɛ o hwɔɔ si ngɛ nɔ nɛ ɔ, ma ngɔ kɛ ha mo kɛ o nina.

Mose I, 28:4

Mawu Ope ɔ nɛ gbaa mo, kɛ o nina kaa bɔ nɛ e gbaa Abraham ɔ, konɛ zugba nɛ ɔ nɛ o ba to nubwɔ ngɛ nɔ ɔ, e ba pee o nɔ́, ejakaa Mawu kɛ zugba a ha Abraham.”

Mose I, 24:7

Yawɛ Mawu nɛ ngɛ hiɔwe ɔ, ngɔ mi kɛ je tsaatsɛ we mi, kɛ ye weku li a zugba nɔ, nɛ e wo mi si ke e kɛ zugba nɛ ɔ ma ha ye nina. Yawɛ nitsɛ maa tsɔ e bɔfo ɔ kɛ nyɛɛ o hɛ mi nɛ o ma ya hla yo ngɛ lejɛ ɔ ba ha ye bi ɔ.

Yesaya 63:18

Wɔ o ma klɔuklɔu ɔ, wa hi o he klɔuklɔu ɔ be bɔɔ, kɛkɛ nɛ wa he nyɛli ba ywia o ma a!

Mose V, 34:4

Jehanɛ, Yawɛ de Mose ke, “Zugba a nɛ i wo Abraham, Isak, kɛ Yakob si ke ma ngɔ ha a nina a ji nɛ ɔ nɛ. I ha nɛ o na zugba a kɛ o hɛngmɛ lɛɛ, se be o lejɛ ɔ yae.”

Mose I, 18:18

E nina ma ba pee je ma kpetekpleenyɛ nɛ a he maa wa, nɛ ma gu e nɔ kɛ gbaa je ma amɛ tsuo.

Mose I, 13:17

Yaa nɛ o ya kpa zugba a tsuo nɔ, ejakaa ma ngɔ kɛ wo o dɛ mi.”

Mose I, 15:7

Jehanɛ Yawɛ de Abram ke, “Imi ji Yawɛ nɛ e kɛ mo je Ur ngɛ Babilonia kɛ ba hiɛ ɔ, konɛ ma ngɔ zugba nɛ ɔ ngɔ ha mo ɔ nɛ.”

Mose I, 28:14

O nina maa hiɛ babauu kaa tabo zu. A maa ha zugba a nɔ tsuo kɛ je beleku je kɛ yaa si bonyoku je, jehanɛ kɛ je omleyi je kɛ yaa si leneyi je. Mo, kɛ o nina a nɔ a maa gu kɛ gbaa je ma amɛ tsuo.

Mose I, 50:24

Yosef de e nyɛmimɛ ɔmɛ ke, “E be kɛe nɛ ma gbo. Se Mawu maa hyɛ nyɛ nɔ kɛ̃, nɛ e ma kpaka nyɛ kɛ je zugba nɛ ɔ nɔ kɛ ya zugba a nɛ e wo Abraham, kɛ Isak, kɛ Yakob he si ɔ nɔ.”

Mose II, 32:13

Mo kai o tsɔli Abraham, Isak, kɛ Yakob. Mo kai mo nitsɛ o kita nɛ o ka ke, ‘Ma ha nɛ nyɛ nina maa hiɛ babauu kaa hiɔwe dodoehi, nɛ ma ngɔ zugba nɛ ɔ tsuo nɛ i wo nyɛ e he si ɔ kɛ ha mɛ, nɛ e maa pee a nɔ kɛ ya neneene ɔ.’ ”

Mose V, 9:5

Pi kaa nyɛ hi, loo nyɛ peeɔ nɔ́ nɛ da he je nɛ Yawɛ ha nyɛ yaa ngɔ a zugba a. Mohu ɔ, a yi mi nɛ wa a he je nɛ Yawɛ, nyɛ Mawu ɔ ngɛ mɛ fiee ha nyɛ ɔ nɛ. Jehanɛ hu, Yawɛ pee ja, bɔ nɛ pee nɛ e ye si nɛ e wo nyɛ nɛmɛ, Abraham, Isak, kɛ Yakob ɔ nɔ.

Kronika I, 16:18

Yawɛ de lɛ ke, “I kɛ Kanaan zugba a ma ha mo; e maa pee o weto ní.”