Mose I, 13:13 - BAIBLO ALOO NGMAMI KLƆUKLƆU Ɔ

¹³ Sodom ma a, yiwutsotsɛmɛ ji mɛ, nɛ a pee yayami kɛ si Yawɛ.

Mose I, 13:13 ပူးပေါင်းရင်းမြစ်များ

2 Petro 2:10

Nimli nɛ ɔmɛ a ti nihi pɔtɛɛ ji ni nɛmɛ nɛ ya nyɛɛɔ he lo mi akɔnɔ yaya se, se Mawu mlaa a lɛɛ a bui. Kikɛmɛ a lakpa tsɔɔli nɛ ɔmɛ a tsui wa; a woɔ a he nɔ, nɛ nibɔ ní kpakpahi nɛ ngɛ hiɔwe po a bui; se mohu a jɛɔ mɛ.

Yuda 1:7

Nyɛ kai Sodom kɛ Gomora, kɛ mahi nɛ bɔle mɛ kɛ kpe ɔ. Ma nɛ ɔmɛ a mi bi ɔmɛ fiɛ yo kɛ nyumu yakayaka fiɛmi, nɛ a ya nyɛɛ akɔnɔ yayahi a se kaa bɔ nɛ jamɛ a bɔfo ɔmɛ pee ɔ nɔuu. Nimli nɛ ɔmɛ a tue gblami ji kaa a ngɔ mɛ ngɔ wo la nɛ gbo we mi, konɛ a pee okadi kɛ ha nihi tsuo.

Romabi 1:27

Nyumu ɔmɛ hu ja nɔuu, a hla we yihi a se blɔ. Se ke akɔnɔ yaya te si ngɛ a mi ɔ, a kɛ a sibi nyumuhi mohu ya naa bɔmi. Nyumuhi kɛ a sibi nyumuhi tsu zo níhi, nɛ tue gblami nɛ sa mɛ kaa nihi nɛ bɔ musu ɔ, a ná ngɔ wo a he mi.

Yeremia 23:24

Anɛ nɔ ko ma nyɛ maa laa e he ngɛ he ko nɛ i be lɛ nae lo? Anɛ nyɛ li kaa i ngɛ he tsuaa he lo? I ngɛ hiɔwe kɛ zugba tsuo.

Hebribi 4:13

Nɔ́ ko nɔ́ ko be nɛ a kɛ laa Mawu. Nɔ́ tsuaa nɔ́ ngɛ je nɛ ɔ mi fɔɔ si paa ngɛ Mawu hɛ mi. Nɛ nɔ tsuaa nɔ maa bu lɛ nitsɛ e we akɔtaa ngɛ e hɛ mi.

Mateo 9:13

Nyɛɛ ya nɛ nyɛ ya hla ngmami nɛ ɔ sisi: ‘Mɔbɔ nami i ngɛ hlae, se pi bɔ sami!’ I bɛ nɛ ma ba tsɛ nihi nɛ peeɔ nɔ́ nɛ da, se mohu yayami peeli.”

Mose I, 18:20

Kɛkɛ nɛ Yawɛ de Abraham ke, “I nu Sodom kɛ Gomora he sane yaya babauu nitsɛ, kaa a yayami ɔ nya wa.

Yohane 9:31

Wa le kaa Mawu bui yayami peeli tue, se nɔ nɛ yeɔ lɛ gbeye, nɛ e peeɔ Mawu suɔmi nya ní ɔ, Mawu buɔ lɛ tue.

Mateo 9:10

Benɛ Yesu ngɛ ní yee ngɛ Mateo we ɔ mi ɔ, tó tsuli babauu, kɛ ni kpa komɛ nɛ a buu mɛ yayami peeli ɔ ba ba piɛ Yesu, kɛ e kaseli ɔmɛ a he kɛ ye ní ɔ.

Yesaya 1:9

Kaa Yawɛ Tabohiatsɛ ɔ ha we nɛ wa ti ni komɛ a yi nɛ na wami ɔ, wa ko pee kaa Sodom kɛ Gomora.

Matsɛmɛ II, 21:6

E ngɔ e binyumu kɛ sã sami bɔ; e kla, nɛ e tsu kunya, nɛ e kɛ kpade tsɛli, kɛ azetsɛmɛ bɔ. E pee yayamihi babauu kɛ si Yawɛ, nɛ e kɛ wo e mi mi la.

Samuel I, 15:18

E tsɔ mo, nɛ e de mo ke, ‘Yaa nɛ o kɛ Amalek yayami peeli ɔmɛ ya hwu nɛ o kpata a hɛ mi, nɛ e ko piɛ a ti nɔ kake po.’

Mose I, 38:7

Yuda bitɛte Er pee e he nɔmlɔ yayami. Nɔ́ nɛ ɔ ngɔɛ Yawɛ nya; lɔ ɔ he ɔ, Yawɛ gbe lɛ.

Mose I, 15:16

Yi nɔ eywiɛ se ɔ, o nina maa kpale kɛ ba hiɛmɛ nɛ ɔ ekohu; ejakaa i be Amor bi ɔmɛ fiee kɛ je zugba a nɔ kɛ yaa si jamɛ a be ɔ mi. Jamɛ a be ɔ mi ɔ, a yi mi wami ɔ nya maa wa, nɛ ma gbla a tue.”

Mose I, 10:9

Yawɛ gbaa lɛ nɛ e ba pee detsɛ ngua. Enɛ ɔ he je ɔ, a kɛ e biɛ buu abɛ ke, “Yawɛ nɛ ha nɛ o ba pee detsɛ ngua kaa Nimrod!”

Mose I, 6:11

Se nimli kpa amɛ lɛɛ a peeɔ yayami ngɛ Mawu hɛ mi, nɛ basabasa ngɛ je ɔ mi he tsuaa he.

Yohane 9:24

Yuda bi ɔmɛ kpale tsɛ nyumu ɔ nɛ a fɔ lɛ hɛ yuyuilɔ ɔ ekohu, nɛ a bi lɛ ke, “Ka wɔ kita ngɛ Mawu hɛ mi ngɛ hiɛmɛ nɛ ɔ kaa o maa tu wɔ anɔkuale! Wɔɔ lɛɛ wa le kaa nɔmlɔ nɛ tsa mo ɔ yayami peelɔ ji lɛ.”

Mose I, 39:9

I ngɛ he wami ngɛ we nɛ ɔ mi kaa bɔ nɛ lɛ hu e ngɛ ɔ. Nɔ́ ko nɔ́ ko be nɛ ye nyɔmtsɛ ɔ je we he gbi ha mi, kaa ja mo pɛ; ejakaa moo lɛɛ e yo ji mo. Mɛni he je mɔ nɛ ma tsu yi wu tso ní kaa kikɛ nɛ ɔ, nɛ ma pee yayami kɛ si Mawu?”

Mose IV, 32:23

Se ke nyɛ yi nyɛ si womi ɔ nɔ ɔ, lɛɛ nyɛ na nɛ nyɛɛ le kaa nyɛ pee yayami kɛ si Yawɛ; nɛ bɔ tsuaa bɔ nɛ pee ɔ, nyɛ ma na nyɛ yayami ɔ he tue gblami.

Mose I, 19:13

ejakaa wa yaa kpata ma a hɛ mi. Yawɛ nu ma nɛ ɔ mi a he sane yayamihi babauu nitsɛ, nɛ lɔ ɔ he ɔ, e tsɔ wɔ konɛ wa ba kpata Sodom hɛ mi.”

Samuel I, 2:17

Eli binyumu ɔmɛ pee yayami agbo ngɛ Yawɛ hɛ mi, ejakaa a bui Yawɛ bɔ sami ɔ.

Yeremia 23:14

Se i na kaa Yerusalem gbali ɔmɛ po pe mɛ kɛ yayami peemi; a puɛɔ gba, nɛ a yeɔ lakpa; a ya piɛɔ nihi a he nɛ a kɛ peeɔ yayami; nɛ enɛ ɔ he je ɔ, nɔ ko kpa we yayami peemi. Ngɛ imi ye hɛ mi ɔ, nimli yayamihi ji mɛ tsuo pɛpɛɛpɛ kaa Sodom kɛ Gomora bi.