Mose I, 13:10 - BAIBLO ALOO NGMAMI KLƆUKLƆU Ɔ

¹⁰ Lot hyɛ zugba a tsuo kɛ kpe, nɛ e na kaa nyu ngɛ Yordan kɔ̃ ɔ mi tsuo babauu kaa bɔ nɛ Yawɛ Ngmɔ ɔ ngɛ ɔ, aloo kaa bɔ nɛ Egipt zugba a ngɛ kɛ ma Zoar blɔ ɔ. Sane nɛ ɔ ba loko Yawɛ kpata Sodom kɛ Gomora hɛ mi.

Mose I, 13:10 ပူးပေါင်းရင်းမြစ်များ

Mose V, 34:3

Yuda zugba a leneyi je, kɛ nga kplanaa a nɛ ngɛ kɛ je Zoar kɛ ya su ma ngua a nɛ tã ngɛ mi, nɛ e biɛ ji Yeriko ɔ.

Yesaya 51:3

“Ma jɔɔ Yerusalem bua; nihi tsuo nɛ ngɛ Yerusalem we doku ɔmɛ a mi ɔ, ma jɔɔ a bua. E zugba a pee nga kplanaa lɛɛ, se ma ha e ma plɛ pee ngmɔ kaa ngmɔ ɔ nɛ i pee ngɛ Eden ɔ. Ma a mi bi ɔmɛ a bua maa jɔ saminya, a ma nya nɛ a ma la yi jemi, kɛ sina lahi.

Mose I, 14:8

Kɛkɛ nɛ Sodom, Gomora, Adma, Zeboiim, kɛ Bela matsɛmɛ ɔmɛ ya bua a ta buli ɔmɛ a nya ngɛ Sidim Kɔ̃ ɔ mi,

Yoel 2:3

A maa ye nɔ́ tsuaa nɔ́ pɛsɛpɛsɛ kaa bɔ nɛ la sãã nɔ́ ɔ. Ngɛ a hɛ kpɛ ɔ, zugba a maa hi kaa Eden ngmɔ ɔ mi pɛ; a se je ɔ maa pee zugba kplanaa. A be nɔ́ ko nɔ́ ko piɛe.

Mose I, 14:2

gba ta wo matsɛmɛ enuɔ komɛ: mɛ ji Sodom matsɛ, Bera; Gomora matsɛ, Birsha; Adma matsɛ, Shina; Zeboiim matsɛ, Shemeber; kɛ Bela (aloo Zoar) matsɛ.

Ezekiel 28:13

Eden, Mawu ngmɔ ɔ nitsɛ mi nɛ o hi. Tɛ kpakpa nɛ ɔmɛ tsuo o kɛ dla o he: rubi, daimond, topaz, beril, kanelian, yaspi, safiro, emerald, kɛ garnet. O ngɛ sika tsu he dlami níhi, kɛ heha ní babauu. Ligbi ɔ nɛ a bɔ mo ɔ, jamɛ a ligbi ɔ nɔuu lɛ a dla mo saminyayoo jã.

Matsɛmɛ I, 7:46

Matsɛ ɔ ha nɛ a sɔ̃ ní ɔmɛ ngɛ akɔblee galɔ ní tsumi he nɛ ngɛ Sukot kɛ Zaretan a kpɛti, ngɛ Yordan kɔ̃ ɔ mi ɔ.

Ezekiel 31:8

Mawu ngmɔ ɔ mi seda tso ɔmɛ po a he fɛu kɛ lɛ sɔɛ. Sɛsɛo ɔmɛ kɛ a kɔni nguangua amɛ hu kɛ lɛ sɔɛ. Papao ɔmɛ kɛ a kɔni wawi ɔmɛ na we lɛ kulaa. Niinɛ, e he fɛu ɔ nɔ be. Tso ko tso ko be Mawu ngmɔ ɔ mi nɛ a kɛ maa to e he.

Yeremia 48:34

“Heshbon kɛ Eleale bi ngɛ awe nyae, nɛ a ngɛ ngmlaa a he nue ngɛ Yahaz tɔɔ. Ngmlaa a ngɛ pɛe ngɛ Zoar, Horonaim, kɛ Eglat Shelishiya tɔɔ. Nimrim pa a po gbli.

Yesaya 15:5

Ye tsui ngɛ yee ngɛ Moab he! Ma mi bi ɔmɛ tu fo kɛ ho Zoar, kɛ Eglat Shelishiya ma amɛ a mi ya. Ni komɛ kuɔ yoku ɔ kɛ ho Luhit ya, nɛ ni komɛ hu tu fo kɛ ho Horonaim ya kɛ ya boboobo, kɛ kɔmɔ yemi babauu.

La 107:34

Zugba nɛ baa ní saminya a plɛ pee ngo zɔ zugba; ejakaa nihi nɛ hi lejɛ ɔ, yayami sɔuu a pee.

Mose I, 6:2

Mawu binyumu ɔmɛ ekomɛ na kaa yi nɛ ɔmɛ a he ngɛ fɛu; lɔ ɔ he ɔ, a ngɔ a ti ni nɛmɛ nɛ a suɔ.

Mose I, 3:6

Yo ɔ na kaa tso ɔ ngɛ fɛu; e na kaa tso ɔ yiblii ɔ maa ngɔ, nɛ e ma ha nɛ nɔ maa le ní. Lɔ ɔ he ɔ, e tsɔ eko nɛ e ye, nɛ e ha e huno ɔ hu eko nɛ e ye.

Mose I, 11:27

Tera nina ji nɛ ɔmɛ nɛ. Tera fɔ binyumuhi etɛ: Abram, Nahor, kɛ Haran. Haran fɔ binyumu nɛ e biɛ ji Lot.

Mose I, 13:9

Zugba a tsuo ji tilaa ngɛ o hɛ mi nɛ ɔ nɛ. Moo po zugba a he nɛ o suɔ, konɛ o hi o dɛ he; ke o ngɔ muɔ nɔ je ɔ, ma ngɔ hiɔ nɔ je. Ke hiɔ nɔ je o suɔ jio, imi hu ma ngɔ muɔ nɔ je.”

Mose I, 13:11

Lot ngɔ Yordan kɔ̃ ɔ tsuo, nɛ e hia kɛ ho beleku je ya. Bɔ nɛ ba nɛ mɛ ni enyɔ ɔmɛ a mi gba ji nɛ ɔ nɛ.

Mose I, 47:6

Egipt zugba a lɛ ngɛ o hɛ mi tilaa nɛ ɔ nɛ. Ha nɛ o tsɛ kɛ o nyɛmimɛ ɔmɛ nɛ a hi Goshen zugba a nɔ; lejɛ ɔ ji he nɛ hi pe zugba a tsuo. Ke o na kaa a ti ni komɛ le lohwe lɛmi ní tsumi nɛ ɔ saminya a, ha nɛ a ya hyɛ imi nitsɛ ye lohwe ɔmɛ a nɔ.”

Hiob 40:23

Ke pa a he wa tete po, e yi gbeye. Ke Yordan pa a nitsɛ fia kɛ ba pue e hɛ mi pohu, e bui tete.

Ezekiel 16:46

“O nyɛmiyo nɔkɔtɔma Samaria, kɛ e mi bi ɔmɛ ngɛ o kasa nya ngɛ omleyi je, nɛ o nyɛmiyo jokuɛyo Sodom, kɛ lɛ hu e mi bi ɔmɛ ngɛ o leneyi je.

Ezekiel 16:49

O nyɛmiyo Sodom, kɛ e mi bi ɔmɛ woɔ a he nɔ; a ngɛ niye ní babauu, a ngɛ he jɔmi mi, nɛ a tue mi jɔ mɛ; se a yi bua ohiatsɛmɛ, kɛ nihi nɛ e fi mɛ ɔ.

Ezekiel 31:9

I ha nɛ e pee fɛu saminya kɛ e kɔnihi babauu. Tsohi tsuo nɛ ngɛ Mawu ngmɔ ɔ mi ngɛ Eden ɔ, a hɛ kɔ e nɔ.

Ezekiel 47:18

“Beleku je huzu ɔ je Hauran kɛ Damasko a kpɛti, kɛ Gilead kɛ Israel zugba a hu a kpɛti ngɛ Yordan pa a he kɛ ya su Tamar tɔɔ ngɛ Ngo wo ɔ nya.