Mose I, 12:7 - BAIBLO ALOO NGMAMI KLƆUKLƆU Ɔ

⁷ Yawɛ je e he kpo kɛ tsɔɔ Abram nɛ e de lɛ ke, “Zugba a nɛ ma ngɔ kɛ ha o nina a ji nɛ ɔ nɛ.” Lɔ ɔ he ɔ, Abram ma bɔ sami la tɛ ngɛ lejɛ ɔ kɛ ha Yawɛ, nɔ nɛ ba je e he kpo kɛ tsɔɔ lɛ ɔ.

Mose I, 12:7 ပူးပေါင်းရင်းမြစ်များ

Galatabi 3:16

Abraham, kɛ e nina Mawu wo si ɔ nɛ. Ngmami ɔ de we ke, “Kɛ e nina amɛ”, kaa nɔ́ nɛ a he hiɛ, se mohu e de ke, “Kɛ o nina”, nɛ tsɔɔ kaa nɔ kake pɛ; nɛ lɛ ji Kristo.

Mose I, 17:8

Zugba nɛ o ba to nubwɔ ngɛ nɔ nɛ ɔ, ma ngɔ kɛ ha mo, kɛ o nina. Kanaan zugba a tsuo maa pee o nina nɔ́ kɛ maa ya neneene, nɛ ma pee a Mawu.”

Mose I, 17:1

Benɛ Abram ye jeha nyingmi nɛɛ kɛ nɛɛ ɔ, Yawɛ je e he kpo ngɔ tsɔɔ lɛ, nɛ e de lɛ ke, “Imi ji Mawu Ope ɔ nɛ. Moo bu mi, nɛ o pee nɔ́ nɛ da daa.

Mose I, 18:1

Yawɛ je e he kpo ngɔ tsɔɔ Abraham ngɛ Mamre tso ngua amɛ a he. Bɔ nɛ e ba ji nɛ ɔ nɛ: ligbi ko benɛ pu nya wa ngmangmaangma nɛ Abraham hii si ngɛ e bo tsu sinya a nya,

Mose I, 13:15

Zugba a nɛ o ngɛ hyɛe ɔ, ma ngɔ lɛ tsuo kɛ ha mo, kɛ o nina, nɛ e maa pee nyɛ nɔ kɛ maa ya neneene.

Mose I, 13:4

nɛ e ma bɔ sami la tɛ ɔ ngɛ ɔ. Lejɛ ɔ lɛ e ja Yawɛ ngɛ.

Mose I, 13:18

Lɔ ɔ he ɔ, Abram gbɛ e bo tsu ɔ, nɛ e ba hi tso ngua amɛ a kasa nya ngɛ Mamre, ngɛ Hebron. Nɛ e ma bɔ sami la tɛ ha Yawɛ, nɛ e ja lɛ ngɛ lejɛ ɔ.

Mose II, 33:1

Yawɛ de Mose ke, “Ma a nɛ o kpaka kɛ je Egipt zugba a nɔ ɔ, o kɛ mɛ nɛ je hiɛ ɔ kɛ ho zugba a nɛ i wo Abraham, Isak, kɛ Yakob si ke ma ngɔ kɛ ha a nina a nɔ ya.

Mose I, 32:30

Yakob wo lejɛ ɔ biɛ ke Peniel, nɛ e de ke, “I wo kikɛmɛ a biɛ nɛ ɔ, ejakaa i na Mawu hɛ mi kɛ hɛ mi, se i gbo we.”

Mose I, 26:25

Isak ma bɔ sami la tɛ ngɛ lejɛ ɔ, nɛ e ja Yawɛ. Lɔ ɔ se ɔ, e ma e bo tsu ɔ, nɛ e nyɔguɛ ɔmɛ tsua vu kpa ngɛ lejɛ ɔ.

Mose IV, 32:11

‘Nyumuhi nɛ a je Egipt kɛ ba, nɛ a ye kɛ je jeha nyingmi enyɔ kɛ yaa a, akɛnɛ a nyɛɛ we ye se kɛ pi si he je ɔ, i ngɛ kita kae kaa ke a ti nɔ ko na zugba a nɛ i wo si ke ma ngɔ kɛ ha Abraham, Isak, kɛ Yakob ɔ fii!

Mose I, 12:8

Lɔ ɔ se ɔ, e hia kɛ je lejɛ ɔ kɛ ho yoku zugba a nɛ ngɛ Betel beleku je ɔ nɔ ya. E ya ma e bo tsu ɔ ngɛ lejɛ ɔ, ngɛ Betel kɛ Ai a kpɛti; Betel ngɛ bonyoku je, nɛ Ai ngɛ beleku je. Lejɛ ɔ hu e ma bɔ sami la tɛ ha Yawɛ nɛ e ja lɛ.

Hebribi 11:13

Nimli nɛ ɔmɛ tsuo nɛ he Mawu ye ɔ, nɔ́ nɛ a wo mɛ he si ɔ, a nine sui nɔ loko a gbo. A na ní ɔmɛ ngɛ lokoo kɛkɛ nɛ a nya he, nɛ a ye odase ngɛ ma hɛ mi kaa nibwɔhi, kɛ ma se bi kɛkɛ ji mɛ.

Romabi 9:8

Enɛ ɔ tsɔɔ kaa pi Abraham bimɛ nɛ e fɔ ngɛ he lo nya a ji Mawu bimɛ. Se mohu si nɛ a wo Abraham ɔ, ni nɛmɛ nɛ heɔ yeɔ ɔ, mɛ ji Abraham nina.

Mose I, 22:9

Benɛ a su he nɛ Mawu tsɔɔ Abraham ɔ, Abraham ma bɔ sami la tɛ, nɛ e to lɛ́ ɔ ngɔ pue nɔ. E fi e bi Isak, nɛ e kɛ lɛ fɔ lɛ́ ɔ nɔ ngɛ bɔ sami la tɛ ɔ nɔ.

Mose I, 17:3

Abram kpla si nɛ e kɛ e hɛ mi bu si; nɛ Mawu de lɛ ke,

Mose I, 15:18

Jamɛ a ligbi ɔ, Yawɛ kɛ Abram so, nɛ e de lɛ ke, “Ma ngɔ zugba nɛ ɔ tsuo kɛ ha o nina, kɛ maa je Egipt pa a nya kɛ yaa si Yufrate pa a nya.

Galatabi 4:28

Jehanɛ, ye nyɛmimɛ, wɔ lɛ a wo si kaa wa ma ba pee Mawu bimɛ, kaa bɔ nɛ a wo si loko a fɔ Isak ɔ nɛ.

Mose V, 30:20

Nyɛɛ suɔ Yawɛ, nyɛ Mawu ɔ; nyɛɛ bu lɛ tue, nɛ nyɛ pee e suɔmi nya ní pɛpɛɛpɛ. Ke nyɛ pee ja a, zugba a nɛ e wo nyɛ nɛmɛ Abraham, Isak, kɛ Yakob si ke e kɛ ma ha mɛ ɔ, nyɛɛ kɛ nyɛ nina maa hi nɔ.”

Mose V, 6:10

“Kaa bɔ nɛ Yawɛ wo nyɛ nɛmɛ Abraham, Isak, kɛ Yakob si ke e ma ha nyɛ zugba ko kɛ e nɔ mahi nɛ pi nyɛ nɛ nyɛ po,

Mose V, 1:8

Zugba nɛ ɔ tsuo nɛ imi Yawɛ, i wo nyɛ nɛmɛ Abraham, Isak, kɛ Yakob si ke ma ngɔ ha mɛ, kɛ a nina a nɛ. Nyɛɛ ya nɛ nyɛ ya ngɔ zugba a tsuo kulaa.”

Mose II, 6:3

I je ye he kpo tsɔɔ Abraham, Isak, kɛ Yakob kaa Mawu Ope; se ye biɛ Yawɛ ɔ lɛɛ i ha we nɛ a le.

Mose I, 33:20

Yakob ma bɔ sami la tɛ ngɛ lejɛ ɔ, nɛ e kɛ Israel Mawu ɔ biɛ wo lɛ.

Mose I, 28:13

Kɛkɛ nɛ Yawɛ ba da si ngɛ e kasa nya, nɛ e de ke, “Imi ji Yawɛ, o nɛ̃ Abraham kɛ o tsɛ Isak a Mawu ɔ. Zugba a nɛ o hwɔɔ si ngɛ nɔ nɛ ɔ, ma ngɔ kɛ ha mo kɛ o nina.

Mose I, 26:3

Hii si ngɛ hiɛ ɔ; i kɛ mo maa hi si, nɛ ma gbaa mo. Ma ngɔ zugba nɛ ɔ tsuo kɛ ha mo, kɛ o nina; nɛ si nɛ i wo o tsɛ Abraham ɔ, ma ye nɔ.

Mose I, 8:20

Noa ma bɔ sami la tɛ ha Yawɛ, nɛ e ngɔ we mi lohwehi nɛ a he tsɔ ɔ eko tsuaa eko kɛ sã sami bɔ ngɛ nɔ: pɛlitsɛmɛ kɛ nane eywiɛɛywiɛtsɛmɛ.

Ni Tsumi 7:5

Mawu ha we Abraham nitsɛ zugba a kpɔ nɛ maa su nane ma he kake tete po. Se Mawu wo lɛ si kaa e ma ha nɛ zugba a ma ba pee e kɛ e nina a nɔ́. Benɛ Mawu wo si nɛ ɔ, Abraham be bi po.

Hebribi 11:8

Hemi kɛ yemi lɛ ha nɛ Abraham bu Mawu tue, benɛ a tsɛ lɛ nɛ a de lɛ ke e je he nɛ e ngɛ ɔ kɛ ya zugba nɛ ma ba pee e weto ní ɔ nɔ. Abraham pue nɔ kɛ ho, pohu e li he nɛ e yaa.

Mose I, 24:7

Yawɛ Mawu nɛ ngɛ hiɔwe ɔ, ngɔ mi kɛ je tsaatsɛ we mi, kɛ ye weku li a zugba nɔ, nɛ e wo mi si ke e kɛ zugba nɛ ɔ ma ha ye nina. Yawɛ nitsɛ maa tsɔ e bɔfo ɔ kɛ nyɛɛ o hɛ mi nɛ o ma ya hla yo ngɛ lejɛ ɔ ba ha ye bi ɔ.

Mose II, 6:4

Jehanɛ se hu, i kɛ mɛ so kaa Kanaan zugba a nɛ a ya to nubwɔ ngɛ nɔ ɔ, ma ngɔ kɛ ha mɛ.

Mose II, 32:13

Mo kai o tsɔli Abraham, Isak, kɛ Yakob. Mo kai mo nitsɛ o kita nɛ o ka ke, ‘Ma ha nɛ nyɛ nina maa hiɛ babauu kaa hiɔwe dodoehi, nɛ ma ngɔ zugba nɛ ɔ tsuo nɛ i wo nyɛ e he si ɔ kɛ ha mɛ, nɛ e maa pee a nɔ kɛ ya neneene ɔ.’ ”

Mose V, 9:5

Pi kaa nyɛ hi, loo nyɛ peeɔ nɔ́ nɛ da he je nɛ Yawɛ ha nyɛ yaa ngɔ a zugba a. Mohu ɔ, a yi mi nɛ wa a he je nɛ Yawɛ, nyɛ Mawu ɔ ngɛ mɛ fiee ha nyɛ ɔ nɛ. Jehanɛ hu, Yawɛ pee ja, bɔ nɛ pee nɛ e ye si nɛ e wo nyɛ nɛmɛ, Abraham, Isak, kɛ Yakob ɔ nɔ.

Mose V, 34:4

Jehanɛ, Yawɛ de Mose ke, “Zugba a nɛ i wo Abraham, Isak, kɛ Yakob si ke ma ngɔ ha a nina a ji nɛ ɔ nɛ. I ha nɛ o na zugba a kɛ o hɛngmɛ lɛɛ, se be o lejɛ ɔ yae.”

Kronika I, 16:16

somi nɛ e kɛ Abraham so, kɛ si nɛ e wo Isak ɔ.

Mose I, 13:17

Yaa nɛ o ya kpa zugba a tsuo nɔ, ejakaa ma ngɔ kɛ wo o dɛ mi.”

Mose I, 28:4

Mawu Ope ɔ nɛ gbaa mo, kɛ o nina kaa bɔ nɛ e gbaa Abraham ɔ, konɛ zugba nɛ ɔ nɛ o ba to nubwɔ ngɛ nɔ ɔ, e ba pee o nɔ́, ejakaa Mawu kɛ zugba a ha Abraham.”

Mose I, 35:7

Yakob ma bɔ sami la tɛ ngɛ lejɛ ɔ, nɛ e kɛ Betel Mawu ɔ biɛ wo lɛ; ejakaa lejɛ ɔ ji he nɛ Mawu je e he kpo ngɔ tsɔɔ lɛ ngɛ, benɛ e tu e nyɛmi Esau nya fo ɔ.

Mose I, 35:12

Zugba a nɛ i ngɔ kɛ ha Abraham kɛ Isak ɔ, i kɛ ma ha mo kɛ o nina.”

Mose I, 50:24

Yosef de e nyɛmimɛ ɔmɛ ke, “E be kɛe nɛ ma gbo. Se Mawu maa hyɛ nyɛ nɔ kɛ̃, nɛ e ma kpaka nyɛ kɛ je zugba nɛ ɔ nɔ kɛ ya zugba a nɛ e wo Abraham, kɛ Isak, kɛ Yakob he si ɔ nɔ.”

Mose II, 17:15

Mose ma bɔ sami la tɛ ko nɛ e wo lɛ ke, “Yawɛ ji ye we aflangaa.”

Mose II, 24:4

Mose ngma níhi tsuo nɛ Yawɛ de lɛ ɔ. E nɔ jena makɛ ɔ, e ya puɛ bɔ sami la tɛ ngɛ yo ɔ sisi, nɛ e ma titima nyɔngma kɛ enyɔ ngɛ Israel wɛtso nyɔngma kɛ enyɔ ɔmɛ a nya.

Mose IV, 26:53

“Dla zugba a kɛ ha wɛtso ɔmɛ ngɛ a hiɛmi nya, konɛ e pee a nɔ.

Yoshua 1:6

O he nɛ wa, nɛ o pee kã; ejakaa mo nɛ o maa nyɛɛ ma nɛ ɔ hɛ mi kɛ ya ngɔ zugba a nɛ i ka a nɛmɛ ɔmɛ kita ke i kɛ ma ha mɛ ɔ nɛ.

Yoshua 8:30

Pee se ɔ, Yoshua ma bɔ sami la tɛ ngɛ Ebal yo ɔ nɔ kɛ ha Yawɛ Israel Mawu ɔ.

Yoshua 22:10

Benɛ Ruben wɛtso ɔ, Gad wɛtso ɔ, kɛ Manase wɛtso fa a ba su Gelilot, ngɛ Yordan pa a he ɔ, a ma bɔ sami la tɛ agbo ko ngɛ pa a nya.

Manyadali 6:24

Gideon pee bɔ sami la tɛ ngɛ lejɛ ɔ kɛ ha Yawɛ, nɛ e wo lɛ biɛ ke, “Yawɛ ji he jɔmi.” Bɔ sami la tɛ nɛ ɔ maa si ngɛ Abiezer bi ɔmɛ a ma a mi ngɛ Ofra kɛ ba si mwɔnɛ ɔ.

Samuel I, 7:17

Lɔ ɔ se ɔ, e kpaleɔ kɛ baa e ma mi Rama, nɛ e ba kojoɔ ngɛ lejɛ ɔ hulɔ. E ma bɔ sami la tɛ hu ha Yawɛ ngɛ Rama.

Samuel II, 24:25

E puɛ bɔ sami la tɛ ha Yawɛ ngɛ lejɛ ɔ; nɛ e sã sami bɔhi, kɛ tue mi jɔmi bɔhi. Yawɛ bu e kue fami ɔ tue, nɛ gbenɔ hiɔ ɔ se po ngɛ Israel.

Matsɛmɛ I, 18:32

E kɛ tɛ nɛ ɔmɛ dla puɛ bɔ sami la tɛ kɛ ha Yawɛ. E tsua muɔ kɛ bɔle bɔ sami la tɛ ɔ, nɛ e mi kuɔ bɔ nɛ nyu lita nyɔnyma kɛ eywiɛ, loo nɔ maa ya mi.

Kronika I, 16:18

Yawɛ de lɛ ke, “I kɛ Kanaan zugba a ma ha mo; e maa pee o weto ní.”

Kronika II, 20:7

Anɛ pi mo, wa Mawu ɔ nɛ o fie zugba nɛ ɔ nɔ bi ɔmɛ kɛ je hiɛmɛ nɛ ɔ benɛ o ma, Israel ma a lo? Anɛ pi mo nɛ o ngɔ zugba nɛ ɔ kɛ ha o huɛ Abraham nina, konɛ e pee a nɔ́ kɛ ya neneene lo?

Kronika II, 20:11

Wa sina ji kaa a ba nɛ a ba fie wɔ kɛ je zugba nɛ o ngɔ ha wɔ nɛ waa hi nɔ ɔ nɔ.

Ezra 3:2

Yehozadak bi Yoshua, e nyɛmimɛ osɔfo ɔmɛ, kɛ Sheatiel bi Zerubabel, kɛ e weku li ɔmɛ ba ma Israel Mawu ɔ bɔ sami la tɛ ɔ ekohu, konɛ a sã sami bɔhi ngɛ nɔ kaa bɔ nɛ Mawu nɔmlɔ Mose mlaa a tsɔɔ ɔ.

Yeremia 3:18

Jamɛ a be ɔ mi ɔ, Israel bi, kɛ Yuda bi maa ye a he kɛ je nyɔguɛ si himi mi ngɛ omleyi je zugba a nɔ, nɛ a ma tsa bo nya kɛ kpale kɛ ba zugba a nɛ i ngɔ kɛ ha nyɛ nɛmɛ ɔmɛ kaa a weto ni ɔ nɔ ekohu.”