Mose I, 12:6 - BAIBLO ALOO NGMAMI KLƆUKLƆU Ɔ

⁶ Abram nyɛɛ kɛ be ngɛ zugba a nɔ kɛ ya su tso ngua a nɛ ngɛ More ngɛ Shekem ɔ he. Jamɛ a be ɔ mi ɔ, Kanaan bi ɔmɛ ngɛ zugba a nɔ kɛ mwɔɔ.

Mose I, 12:6 ပူးပေါင်းရင်းမြစ်များ

Hebribi 11:9

Hemi kɛ yemi lɛ ha nɛ Abraham ya to nubwɔ ngɛ zugba nɛ Mawu wo lɛ si ke e ma ha lɛ ɔ nɔ be saii. E kɛ Isak, kɛ Yakob nɛ siwo ɔ kɔɔ a he ɔ hi bo tsuhi a mi.

Mose V, 11:30

(Yo enyɔ nɛ ɔmɛ ngɛ Yordan pa a bonyoku je ngɛ Kanaan bi ɔmɛ a zugba a nɔ, ngɛ Yordan kɔ̃ ɔ mi. A ngɛ bonyoku je, nɛ a kɛ tso ngua amɛ nɛ ngɛ More kɛ Gilgal ɔ a he kɛ we kulaa.)

Mose I, 35:4

A ngɔ a ma se mawu ɔmɛ tsuo nɛ ngɛ a dɛ ɔ, kɛ a tue nya ní ɔmɛ ba ha Yakob; nɛ Yakob pu ngɛ tso ngua a sisi ngɛ Shekem kasa nya.

Manyadali 7:1

Ligbi ko ɔ, Yerubaal nɛ ji Gideon, kɛ e we bi ɔmɛ tsuo te si mɔtu kpla, nɛ a ya bua a he nya ngɛ Harod nyu vu ɔ nya. Midian ta a ngɛ omleyi je ha mɛ ngɛ More yo ɔ kasa nya, ngɛ kɔ̃ ɔ mi.

Mose I, 13:7

Enɛ ɔ he je ɔ, pɛ ba sɛ Abram lohwe nɔ hyɛli ɔmɛ kɛ Lot lohwe nɔ hyɛli ɔmɛ a kpɛti. Jamɛ a be ɔ mi ɔ, Kanaan bi ɔmɛ, kɛ Periz bi ɔmɛ ngɛ zugba a nɔ kɛ mwɔɔ.

Ni Tsumi 7:16

A ngɔ a gbogbo ɔmɛ kɛ ba Shekem ba pu ngɛ yɔkɔ ko mi. Yɔkɔ nɛ ɔ, Abraham lɛ je sika kɛ he ngɛ Hamor bi ɔmɛ a dɛ.

Yohane 4:5

E ba su Samaria ma ko nɛ a tsɛɛ Sikar a. Lejɛ ɔ kɛ zugba kpɔ nɛ Yakob ngɔ ha e bi Yosef ɔ he kɛ we kulaa.

Matsɛmɛ I, 12:1

Rehoboam pue nɔ kɛ ho Shekem ya, ejakaa Israel omleyi je ma kpekpemi ɔ tsuo ya bua a he nya ngɛ lejɛ ɔ nɛ a wo lɛ matsɛ.

Manyadali 9:1

Yerubaal binyumu Abimelek pue nɔ kɛ ho e nyɛ nyɛmimɛ ɔmɛ a ngɔ ya ngɛ Shekem, nɛ e ya de e nyɛ weku ɔ, kɛ a we puɔ nya a tsuo ke

Yoshua 24:32

A pu Yosef wuhi nɛ Israel bi ɔmɛ ngɔ kɛ je Egipt kɛ ba a ngɛ Shekem, ngɛ zugba ko nɛ Yakob he ɔ mi. E he zugba nɛ ɔ kɛ sika hiɔ kpɔ lafa ngɛ Shekem tsɛ, Hamor bimɛ ɔmɛ a dɛ. Zugba nɛ ɔ ba pee Yosef nina a weto ní.

Yoshua 20:7

Lɔ ɔ he ɔ, ngɛ Yordan pa a bonyoku je ɔ, mahi nɛ a hla kaa wesa hehi ji nɛ ɔmɛ nɛ: Kedesh ngɛ Galilea, ngɛ Naftali yo ɔ nɔ; Shekem ngɛ Efraim yo ɔ nɔ, kɛ Kiriat Arba ngɛ Yuda yo ɔ nɔ. Kiriat Arba biɛ kpa ji Hebron.

Mose I, 34:2

Benɛ Hamor binyumu Shekem na Dina a, e nu lɛ pani nya nɛ e kɛ lɛ hwɔ. Hamor nɛ ɔ, Hiv no ji lɛ, nɛ lɛ ji jamɛ a zugba a nɔ yelɔ.

Mose I, 33:18

Yakob kpale e se kɛ je Mesopotamia kɛ ba Shekem ngɛ Kanaan zugba a nɔ fiafiaafia, nɛ e ba ma e bo tsu ɔmɛ ngɛ zugba ko nɔ, ngɛ ma a nya.

Mose I, 10:15

Kanaan bitɛte ji Sidon, kɛ e senɔ nyumu Het.

Matsɛmɛ I, 12:25

Matsɛ Yeroboam ya po ma ngɛ Shekem ngɛ Efraim yo ɔmɛ a nɔ, nɛ e hi lejɛ ɔ. Pee se ɔ, e je ya po ma ngɛ Penuel.

La 60:6

Mawu de ngɛ e he klɔuklɔu ɔ ke, “Ma hwɔ lele kɛ gba Shekem mi; nɛ ma dla Sukot kɔ̃ ɔ mi kɛ ha ye ma a.

Mose I, 34:30

Yakob de Simeon kɛ Levi ke, “Nyɛɛ kɛ mi wo amanehlu mi pɛ; jehanɛ lɛɛ Kanaan, kɛ Periz bi ɔmɛ, kɛ nɔ tsuaa nɔ nɛ ngɛ zugba a nɔ ɔ maa nyɛ mi. I be we bi babauu; ke nimli nɛ ɔmɛ tsuo bla ngɔ wo ye he, nɛ a ba tua mi ɔ, a ma kpata wɔ tsuo wa hɛ mi.”

Hosea 6:9

Osɔfo ɔmɛ buaa a he nya kaa bɔ nɛ ojo fiali woɔ ka haa nihi ɔ. Shekem blɔ nɔ po, a poo nɔ nɛ a gbeɔ nɔ basabasa. A peeɔ yiku níhi babauu.