Mose I, 12:2 - BAIBLO ALOO NGMAMI KLƆUKLƆU Ɔ

² Ma ha mo nina babauu, nɛ a maa pee je ma agbo. Ma gbaa mo, nɛ ma ha o ma he biɛ, nɛ a maa gu o nɔ kɛ gbaa nihi babauu.

Mose I, 12:2 ပူးပေါင်းရင်းမြစ်များ

Samuel II, 7:9

Imi lɛ i kɛ mo nyɛɛ kɛ ya kɛ ba; nɛ imi nɔuu lɛ i kpata o he nyɛli ɔmɛ tsuo a hɛ mi ngɛ o blɔ ɔ nɔ. Ma ha nɛ o ma na biɛ kaa nimli nguahi nɛ ngɛ zugba a nɔ ɔ a ti nɔ ko.

Galatabi 3:14

Kristo pee enɛ ɔ, bɔ nɛ pee nɛ gbaami nɛ Mawu wo Abraham si ngɛ he ɔ, kɛ gu Kristo nɔ ɔ, ma je li ɔmɛ a nine nɛ su nɔ. Kɛkɛ ɔ, kɛ gu hemi kɛ yemi nɔ ɔ, Mumi ɔ nɛ Mawu wo he si ɔ, wa nine maa su nɔ.

Mose I, 18:18

E nina ma ba pee je ma kpetekpleenyɛ nɛ a he maa wa, nɛ ma gu e nɔ kɛ gbaa je ma amɛ tsuo.

Mose I, 35:11

Jehanɛ Mawu de lɛ ke, “Imi ji Mawu Ope ɔ nɛ; mo fɔ bimɛ babauu. Niinɛ, je mahi kɛ matsɛmɛ maa je o mi.

Mose I, 46:3

Mawu de lɛ ke, “Imi ji Mawu, o tsɛ Isak Mawu ɔ. Koo ye gbeye kaa o maa ya Egipt; ejakaa ma ha nɛ o nina maa pee ma agbo ngɛ lejɛ ɔ.

Mose I, 26:4

Ma ha o nina maa hiɛ babauu kaa dodoehi ngɛ hiɔwe, nɛ i kɛ zugba nɛ ɔ tsuo ma ha mɛ. O nina nɔ a maa gu kɛ gbaa je ma amɛ tsuo.

Mose I, 24:35

Yawɛ gbaa ye nyɔmtsɛ ɔ saminya, nɛ e pee lɛ niatsɛ. Yawɛ ha lɛ tohi, nahi, sika hiɔ, sika tsu, kɛ nyɔguɛhi nyumuhi kɛ yihi, afukpɔngɔhi, kɛ tejihi.

Galatabi 3:7

Lɔ ɔ he ɔ, nyɛ ná nyɛɛ le kaa nihi nɛ heɔ Mawu yeɔ ɔ, mɛ ji Abraham nina.

Mose II, 1:7

Se a nina nɛ ji Israel bi ɔmɛ ɔ, bi ngɛ a he; a fɔ babauu nɛ a he hiɛ, nɛ a hyi zugba a nɔ tɔ. A he hu wa saminya.

Mose I, 13:16

Ma ha nɛ o nina maa hiɛ babauu kaa tabo zu, nɛ e be hie kanemi; ke nɔ ko nyɛ kane tabo zu ɔ, lɛɛ e ma nyɛ kane o nina.

Mose I, 15:5

Kɛkɛ nɛ Yawɛ ngɔ Abram kɛ je kpo nɛ e de lɛ ke, “Hyɛ hiɔwe nɛ o ka kaa o ma nyɛ maa kane dodoe ɔmɛ lo; bɔ nɛ dodoe ɔmɛ hiɛ babauu ɔ, ja o nina hu maa hiɛ.”

Mose V, 26:5

Mo de ngɛ Yawɛ hɛ mi ke, ‘Aram no si kpalɔ ji ye nɛ̃. E kɛ nihi bɔɔ pɛ nɛ ho Egipt ya; e ya to nubwɔ ngɛ lejɛ ɔ, se a ba pee ma agbo nɛ he wa saminya.

Mose II, 32:10

Lɔ ɔ he ɔ, moo hɛ mo kɛ ya se; i kɛ mɛ maa to ní nɛ ma kpata a hɛ mi; se moo lɛɛ ma ha o kɛ o weku kɛ nina maa bɔ kɛ pee ma kpetekpleenyɛ.”

Mose I, 28:14

O nina maa hiɛ babauu kaa tabo zu. A maa ha zugba a nɔ tsuo kɛ je beleku je kɛ yaa si bonyoku je, jehanɛ kɛ je omleyi je kɛ yaa si leneyi je. Mo, kɛ o nina a nɔ a maa gu kɛ gbaa je ma amɛ tsuo.

Mose I, 27:29

Je ma amɛ ma sɔmɔ mo, nɛ nimli adesahi ma kpla si ha mo. O maa ye o nyɛmimɛ ɔmɛ a nɔ, nɛ o nyɛbimɛ ɔmɛ ma kpla si ha mo. Nihi nɛ gbiɛɛ mo ɔ, a maa gbiɛ mɛ; ni nɛmɛ nɛ gbaa mo ɔ, a maa gbaa mɛ.”

Mose I, 19:29

Lɔ ɔ he ɔ, benɛ Mawu kpata ma amɛ nɛ ngɛ kɔ̃ ɔ mi ɔ a hɛ mi ɔ, e kai Abraham, nɛ e ha nɛ Lot tu fo kɛ je ma amɛ a mi he nɛ e ngɛ ɔ, nɛ e kɛ he e yi wami.

Romabi 4:11

Pomi nɛ a po lɛ ɔ ji okadi ko kɛkɛ nɛ maa nɔ mi kaa hemi kɛ yemi nɛ Abraham ngɛ he je ɔ, Mawu he lɛ momo kaa nɔ nɛ da, be mi nɛ a na we nɛ a po lɛ tete. Lɔ ɔ he ɔ, nihi tsuo nɛ heɔ Mawu yeɔ, nɛ pohu a pui mɛ, nɛ Mawu buu mɛ dali ɔ, Abraham peeɔ a tsɛ.

Mose IV, 14:12

Ma ngɔ gbenɔ hiɔ kɛ fɔ a nɔ, nɛ ma kpata a hɛ mi. Se moo lɛɛ ma pee mo ma nguaa; ma nɛ kle pe mɛ, nɛ he wa pe mɛ hulɔ.”

Matsɛmɛ I, 1:47

Jehanɛ se hu, matsɛ tsɔli ɔmɛ ya nɛ a ya ha Matsɛ David manye, nɛ a de lɛ ke, ‘O Mawu ɔ nɛ ha nɛ Salomo nɛ na biɛ pe mo, nɛ e yi nɔ hu nɛ jɔ pe o be ɔ mi.’ Kɛkɛ nɛ Matsɛ David ma e yi si ngɛ e sa a nɔ,

Mika 7:20

Wɔ o ma, Abraham kɛ Yakob a nina a, o maa gbaa wɔ, nɛ o maa na wɔ mɔbɔ daa kaa bɔ nɛ o wo wa nɛmɛ ɔmɛ si blema lokoo ɔ.

Mose I, 18:19

I hla Abraham, bɔ nɛ pee nɛ e fa e bimɛ ɔmɛ kɛ e nina a nɛ a bu mi tue, nɛ a pee nɔ́ nɛ da, kɛ nɔ nɛ hi. Ke a pee ja a, nɔ́ tsuaa nɔ́ nɛ i wo lɛ si kaa ma pee ha lɛ ɔ, ma pee.”

Mose I, 24:1

Jehanɛ lɛɛ Abraham bwɔ kotokoto, nɛ Yawɛ gbaa lɛ, nɛ e nɔ́ tsuaa nɔ́ ya nɔ.

Mose I, 25:11

Benɛ Abraham gbo se ɔ, Mawu gbaa e bi Isak. Jamɛ a be ɔ mi ɔ, Isak hia kɛ ho ma ko mi ya nɛ e ya hi lejɛ ɔ. A tsɛɛ ma nɛ ɔ ke “Hɛ kalɔ ɔ nɛ naa mi ɔ vu.”

Mose I, 26:3

Hii si ngɛ hiɛ ɔ; i kɛ mo maa hi si, nɛ ma gbaa mo. Ma ngɔ zugba nɛ ɔ tsuo kɛ ha mo, kɛ o nina; nɛ si nɛ i wo o tsɛ Abraham ɔ, ma ye nɔ.

Mose IV, 22:12

Mawu de Balaam ke, “O kɛ mɛ ko ya, nɛ koo gbiɛ Israel ma a hulɔ; ejakaa a gbaa mɛ.”

Mose IV, 23:20

Hyɛ, gbaami a fa mi ke ma ba gbaa. Lɛɛ e gbaa momo; imi lɛɛ i be nyɛe ma kpale se.

La 107:38

Yawɛ gbaa e ma a; e ha nɛ a he ba hiɛ babauu nitsɛ; a lohwehi hu e ha we nɛ a nɔ nɛ gbɔ́.

Ezekiel 34:26

“Ma gbaa mɛ; nɛ ma ha a maa hi ye yo klɔuklɔu ɔ he tsuo kɛ kpe. Ma ha hiɔmi maa nɛ bɔ nɛ sa ngɛ e be mi ha mɛ. Ma gbaa mɛ kɛ hiɔmi babauu.

Zakaria 8:13

Nyɛ Yuda bi, kɛ Israel bi, sa a, nyɛ ngɛ kaa gbiɛmi kɛ ha je ma amɛ, se jehanɛ lɛɛ ma he nyɛ yi wami, nɛ nyɛ maa pee gbaami. Lɔ ɔ he ɔ, nyɛ wlua nyɛ; nɛ nyɛ ko ye gbeye!”

Mose I, 17:20

Nɔ́ nɛ o bi kɛ ha Ishmael ɔ hu i nu; ma gbaa lɛ, nɛ ma ha e ma fɔ bimɛ, nɛ e ma na nina babauu nitsɛ. E maa pee matsɛbinyumuhi nyɔngma kɛ enyɔ a tsɛ, nɛ ma ha e nina ma ba pee je ma agbo.

Hiob 35:8

Ke o pee yayami ɔ, o nyɛmi nɔmlɔ adesa lɛ naa nɔ́; ke o pee kpakpa a, o nyɛmi nɔmlɔ adesa lɛ naa he se.

Yesaya 51:2

Nyɛ susu nyɛ nɛ̃, Abraham, kɛ Sara hu nɛ fɔ nyɛ ɔ a he. Benɛ i tsɛ Abraham ɔ, e be bi ko kulaa, se i gbaa lɛ, nɛ i ha lɛ bimɛ; nɛ i ha e nina hiɛ babauu.