Mose I, 12:17 - BAIBLO ALOO NGMAMI KLƆUKLƆU Ɔ

¹⁷ Abram yo Sarai he je ɔ, Yawɛ ha hiɔ nɛ nya wa ko ba sɛ Farao ɔ kɛ e we mi bi ɔmɛ a kpɛti.

Mose I, 12:17 ပူးပေါင်းရင်းမြစ်များ

Kronika I, 16:21

Se Yawɛ ngmɛ́ blɔ nɛ nɔ ko nɛ wa mɛ yi mi; e bɔ matsɛmɛ ɔmɛ kɔkɔ ngɛ a he.

Kronika I, 21:22

David de lɛ ke, “Moo jua o ngma mi sami he ɔ ha mi nɛ ma ma bɔ sami la tɛ ngɛ nɔ kɛ ha Yawɛ konɛ gbenɔ hiɔ ɔ se nɛ po. Ma wo mo hiɔ sisiisi.”

Hebribi 13:4

Nyɛ ha gba si himi he nɛ tsɔ, nɛ nyumu kɛ yo nɛ a ye a sibi anɔkuale. Ejakaa Mawu maa kojo yaholi, kɛ gba puɛli.

Hiob 34:19

Mawu hyɛ we ganɔhi a hɛ mi. E bui niatsɛmɛ pe ohiatsɛmɛ; ejakaa lɛ nɛ e bɔ mɛ tsuo.

Mose I, 20:3

Ligbi ko nyɔ mi ɔ, Mawu je e he kpo ngɔ tsɔɔ Abimelek ngɛ nlami mi, nɛ e de lɛ ke, “Akɛnɛ o ya ngɔ yo nɛ ɔ he je ɔ, o ma gbo; nɔ ko yo ji lɛ.”

Mose I, 20:17

Nɔ́ nɛ Abimelek pee Abraham yo Sara a he je ɔ, Yawɛ tsi yihi tsuo nɛ ngɛ matsɛ we ɔ mi ɔ a fɔmi nya. Lɔ ɔ he ɔ, Abraham kpa pɛɛ ha Abimelek, nɛ Mawu tsa lɛ. Jehanɛ hu, Mawu tsa Abimelek yo ɔ kɛ nyɔguɛ yi ɔmɛ, nɛ a fɔ bimɛ.