Mose I, 12:12 - BAIBLO ALOO NGMAMI KLƆUKLƆU Ɔ

¹² Ke Egipt bi ɔmɛ na mo ɔ, a ma de ke, ‘E yo ji nɛ ɔ nɛ’; kɛkɛ a maa gbe mi, se moo lɛɛ a be mo nɔ́ ko pee.

Mose I, 12:12 ပူးပေါင်းရင်းမြစ်များ

Mose I, 20:11

Abraham he nɔ ke, “Jinɛ i susu kaa nɔ ko nɔ ko be hiɛmɛ nɛ ɔ nɛ yeɔ Mawu gbeye; i susu kaa ma mi bi ɔmɛ maa gbe mi, nɛ a ma kpɔ ye yo ɔ ngɛ ye dɛ.

Mose I, 26:7

Benɛ nyumu ɔmɛ nɛ ngɛ lejɛ ɔ bi lɛ e yo ɔ he sane ɔ, e de mɛ ke e nyɛmiyo ji yo ɔ nɛ. E ye gbeye kaa ke e de ke e yo ji Rebeka a, nyumu ɔmɛ nɛ ngɛ lejɛ ɔ maa gbe lɛ, konɛ a na Rebeka he blɔ; ejakaa Rebeka he ngɛ fɛu saminya.

Mateo 10:28

Nihi nɛ gbeɔ nɔmlɔ tso ɔ, se klaa a lɛɛ a nyɛ we lɛ gbemi ɔ, nyɛ ko ye mɛ gbeye. Mawu nɛ nyɛɔ kpataa nɔmlɔ tso ɔ, kɛ klaa a tsuo a hɛ mi ngɛ Abosiami a je la a mi ɔ, lɛ mohu nyɛɛ ye gbeye.

Abɛ Womi 29:25

Ke o ngɛ nɔmlɔ adesa gbeye yee ɔ, o naa haomi; se ke o ngɔ o hɛ kɛ fɔ Yawɛ nɔ ɔ, nɔ́ ko nɔ́ ko be o he sae.

Samuel I, 27:1

David de ngɛ e yi mi ke, “Saul maa gbe mi tlukaa ligbi kake, lɔ ɔ he ɔ, nɔ́ nɛ sa mi peemi ji ma tu fo kɛ ho Filisti bi ɔmɛ a zugba a nɔ ya. Saul nine mi maa je wu, nɛ e maa jɔɔ ye se nyɛɛmi ngɛ Israel huza amɛ a nɔ, nɛ ye yi ma na wami.”