Mose I, 11:7 - BAIBLO ALOO NGMAMI KLƆUKLƆU Ɔ

⁷ Nyɛ ha nɛ wa kple si nɛ wa ya tsaka a gbi ɔ; konɛ ke nɔ ko tu munyu ɔ, e nyɛmi nɛ ko nu sisi hu.”

Mose I, 11:7 ပူးပေါင်းရင်းမြစ်များ

Mose I, 1:26

Mawu de ke, “Jehanɛ lɛɛ nyɛ ha nɛ waa pee nɔmlɔ adesa; a maa hi kaa bɔ nɛ wa ngɛ ɔ, nɛ a maa je wɔ. A maa ye lo ɔmɛ, lohwe pɛlitsɛmɛ ɔmɛ, we mi lohwe ɔmɛ, pu mi lohwe ɔmɛ, kɛ ní nɛmɛ nɛ sãã si ngɛ zugba a tsuo a nɔ.”

Mose I, 10:20

Ham nina ji nɛ ɔmɛ nɛ; nɔ tsuaa nɔ kɛ e wɛtso, kɛ ma mi he nɛ e je, kɛ gbi nɛ e tuɔ.

Mose I, 10:32

Ni nɛ ɔmɛ tsuo kulaa ji Noa nina, ngɛ mahi kɛ wekuhi a mi hehi nɛ a je ɔ. Nyu kpekpemi ɔ se ɔ, ni nɛ ɔmɛ a mi je ma amɛ tsuo je gbɛ fĩa je ɔ mi tsuo.

Mose I, 10:5

Nihi nɛ ngɛ wo nya zugba amɛ kɛ wo kpɔ ɔmɛ a nɔ ɔ, a nɛmɛ ji ni nɛ ɔmɛ nɛ. Yafet nina ji mɛ tsuo. A ngɛ mɛ nitsɛmɛ a zugbahi a nɔ wɛtso nya wɛtso nya, nɔ tsuaa nɔ kɛ e ma mi gbi.

Mose I, 11:5

Kɛkɛ nɛ Yawɛ kple si nɛ e ba hyɛ ma a, kɛ mɔ ɔ nɛ jamɛ a ni ɔmɛ ma a,

Mose I, 3:22

Enɛ ɔ se ɔ, Yawɛ Mawu de ke, “Jehanɛ lɛɛ nyumu ɔ ngɛ kaa wa ti nɔ kake pɛ, nɛ e le kpakpa kɛ yayami. Ma hyɛ nɛ e ko ya tsɔ tso ɔ nɛ haa nɔ wami ɔ e yiblii nɛ e ye, nɛ e ba hi je mi kɛ ya neneene.”

Mose I, 42:23

A li tete kaa Yosef nu nɔ́ nɛ a ngɛ dee ɔ sisi; ejakaa benɛ a kɛ lɛ ngɛ munyu ɔ tue ɔ, nɔ ko je gbi nya ha mɛ.

Hiob 12:20

Nihi nɛ a buu ɔ, e kpɔɔ munyu tumi he wami ngɛ a dɛ; nimeli hu e kpɔɔ a nile ɔ ngɛ a dɛ.

La 2:4

Nɔ nɛ hii si ngɛ hiɔwe lokoo ɔ ngɛ mɛ muɔe. Ee, Yawɛ ngɛ a he fɛu yee.

La 33:10

Ke je ma amɛ so kikɛ nɛ ɔ, Yawɛ tsakeɔ a yi mi tomi ɔmɛ, nɛ a nyɛ we nɛ a kɛ tsuɔ ní.

La 55:9

Nyɔmtsɛ, ha nɛ ye he nyɛli ɔmɛ a yi mi tomi ɔmɛ nɛ pee yaka. Mo tsaka a gbi ɔ, nɛ o ko ha nɛ a nu a sibi sisi. Ejakaa yi mi wami, kɛ pɛ hyi ma a mi tɔ.

Mose II, 4:11

Kɛkɛ nɛ Yawɛ de lɛ ke, “Mɛnɔ nɛ haa nɔmlɔ tuɔ munyu, loo e tui munyu? Mɛnɔ nɛ haa nɔmlɔ hyɛɛ nɔ́, loo e hyɛ we nɔ́? Mɛnɔ nɛ haa nɔmlɔ nuɔ nɔ, loo e nui nɔ́? Anɛ pi imi, Yawɛ lo?

Yesaya 33:19

Ma nɛ peeɔ nya puu, nɛ a tuɔ munyu nɛ nɔ ko nɔ ko nui sisi ɔ, nyɛ be mɛ nae hu.

Yesaya 6:8

Jehanɛ, i nu nɛ Nyɔmtsɛ ɔ bi ke, “Mɛnɔ ma tsɔ? Mɛnɔ maa ya?” I he nɔ ke, “I ngɛ hiɛ ɔ, Moo tsɔ mi!”

Yeremia 5:15

Nyɛ Israel bi, Yawɛ ha nɛ je ma ko je tsitsaa kɛ ma nɛ e ba tua nyɛ. Blema ma ji ma nɛ ɔ nɛ, nɛ ma mi bi ɔmɛ a he wa wawɛɛ nitsɛ. Nimli nɛ ɔmɛ a gbi ɔ, nyɛ li; ke a tu munyu hu nyɛ be sisi nue.

1 Korintobi 14:23

Lɔ ɔ he ɔ, ke asafo ɔ tsuo nya ba bua, nɛ nɔ tsuaa nɔ bɔni gbi slɔɔtohi tumi, nɛ ni komɛ nɛ mɛɛ a li mi eko, aloo a he we yi ba lejɛ ɔ, anɛ a be dee ke nyɛ tsuo nyɛ ngɛ godo nue lo?

Mose V, 28:49

Yawɛ ma ha je ma ko nɛ nyɛ nui a gbi maa je zugba a nyagbe he ɔmɛ nɛ a kɛ nyɛ ba hwu. A ma ba tua nyɛ tlukaa kaa bɔ nɛ kɔle gblɔɔ nɔ́ ɔ.