Mose I, 11:31 - BAIBLO ALOO NGMAMI KLƆUKLƆU Ɔ

³¹ Tera ngɔ e binyumu Abram, kɛ e bibi Lot, Haran binyumu ɔ, kɛ e nganyɛ Sarai, Abram yo ɔ, nɛ e kɛ mɛ je Ur ngɛ Babilonia kɛ yaa Kanaan. Se benɛ a su ma a nɛ a tsɛɛ Haran ɔ, a ya to lejɛ ɔ.

Mose I, 11:31 ပူးပေါင်းရင်းမြစ်များ

Nehemia 9:7

Yawɛ Mawu, mo nɛ o hla Abram, nɛ o kpaka lɛ kɛ je Ur ngɛ Babilonia; o tsake e biɛ ngɔ pee Abraham.

Mose I, 24:10

Tsɔlɔ ɔ nɛ hyɛɛ Abraham weto níhi a nɔ ɔ, ngɔ e nyɔmtsɛ ɔ we afukpɔngɔ nyɔngma, nɛ e mia mɛ kɛ e nyɔmtsɛ ɔ nike ní kpakpa, nɛ e pue nɔ kɛ ho Nahor e ma a mi ya, ngɛ Mesopotamia.

Mose I, 12:4

Abram ye jeha nyingmi kpaago kɛ enuɔ benɛ e hia kɛ je Haran kaa bɔ nɛ Yawɛ de lɛ ke e pee ɔ, nɛ e kɛ Lot ho.

Mose I, 15:7

Jehanɛ Yawɛ de Abram ke, “Imi ji Yawɛ nɛ e kɛ mo je Ur ngɛ Babilonia kɛ ba hiɛ ɔ, konɛ ma ngɔ zugba nɛ ɔ ngɔ ha mo ɔ nɛ.”

Mose I, 11:32

Tera gbo ngɛ Haran benɛ e ye jeha lafa enyɔ kɛ enuɔ.

Mose I, 10:19

Kanaan bi ɔmɛ a zugba a ngɛ kɛ je Sidon kɛ gu Gera hluu kɛ ya pi Gaza. Jehanɛ, zugba a ya gu Sodom, Gomora, Adma, kɛ Zeboiim blɔ, kɛ ya pi Lasha.

Hebribi 11:8

Hemi kɛ yemi lɛ ha nɛ Abraham bu Mawu tue, benɛ a tsɛ lɛ nɛ a de lɛ ke e je he nɛ e ngɛ ɔ kɛ ya zugba nɛ ma ba pee e weto ní ɔ nɔ. Abraham pue nɔ kɛ ho, pohu e li he nɛ e yaa.

Mose I, 27:43

Lɔ ɔ he ɔ, ye bi, bu tue! Tuu fo esɔ kɛ ya ye nyɛminyumu Laban ngɔ ngɛ Haran.

Mose I, 24:15

Tsɔlɔ ɔ nya na we nɛ e nɔ si tete nɛ Rebeka ba hia kpo ngɛ lejɛ ɔ kɛ buɛ ngɛ e konɔ. Binyumu nɛ Abraham nyɛminyumu Nahor kɛ e yo Milka fɔ nɛ a tsɛɛ lɛ Betuel ɔ, lɛɛ e biyo ji Rebeka a nɛ.

Mose I, 12:5

Abram ngɔ e yo Sarai, kɛ e wɔfase Lot, kɛ weto ní, kɛ nyɔguɛhi nɛ a na ngɛ Haran ɔ, nɛ a pue nɔ kɛ ho Kanaan zugba a nɔ ya. Benɛ a ya su Kanaan ɔ,

Matsɛmɛ II, 19:12

Benɛ nɛnɛmɛ kpata Gozan, Haran, kɛ Rezef ma amɛ a hɛ mi, nɛ a gbe Beteden bi nɛ ngɛ Telasar a, anɛ a mawu ɔmɛ nyɛ a yi wami he lo?

Hiob 1:17

E nya na we nɛ e nɔ si nɛ tsɔlɔ kpa ba nɛ e ba de ke, “Kaldea ní hali a kuu etɛ ba tua wɔ. A gbe o tsɔli ɔmɛ tsuo, nɛ a ngɔ afukpɔngɔ ɔmɛ kɛ je. Imi nɔ kake too lɛ i je mi, nɛ i ba konɛ ma ba bɔ mo amaniɛ.”

Yesaya 37:12

Benɛ nɛnɛmɛ kpata Gozan, Haran, kɛ Rezef ma amɛ a hɛ mi, nɛ a gbe Beteden bi ɔmɛ ngɛ Telasa zugba a nɔ ɔ, anɛ a mawu ɔmɛ nyɛ a yi wami he lo?

Mose I, 14:12

Abram wɔfase Lot ngɛ Sodom jamɛ a be ɔ mi; nɛ a ngɔ lɛ hu kɛ e níhi tsuo kɛ je.

Mose I, 28:10

Yakob je Beersheba, nɛ e pue blɔ kɛ yaa Haran.