Mose I, 11:3 - BAIBLO ALOO NGMAMI KLƆUKLƆU Ɔ

³ A de a he ke, “Nyɛ ha nɛ waa po bliikisi nɛ waa sã ngɛ la mi nɛ e he nɛ wa.” A po bliikisi ɔ, nɛ a hla zu nɛ ngɛ kaa amã nɛ a kɛ maa nu bliikisi ɔ kɛ bla kɛ ma tsu.

Mose I, 11:3 ပူးပေါင်းရင်းမြစ်များ

Mose I, 14:10

Muɔhi nɛ amã ngɛ a mi babauu ngɛ Sidim Kɔ̃ ɔ mi, nɛ benɛ Sodom kɛ Gomora matsɛmɛ ɔmɛ ngɛ fo tue ngɛ ta a nya a, a nɔɔ muɔ ɔmɛ a mi; se matsɛmɛ etɛ ɔmɛ nɛ piɛ ɔ, mɛ lɛɛ a tu fo kɛ ho yoku ɔmɛ a nɔ ya.

Mose II, 2:3

Se benɛ e nyɛ we nɛ e kɛ lɛ nɛ laa hu ɔ, e ngɔ kusii ko nɛ a kɛ ngɔwu lo, nɛ e kpa he amã. Lɔ ɔ se ɔ, e ngɔ bimwɔyo ɔ kɛ wo kusii ɔ mi, nɛ e kɛ lɛ ya ma ngɔwu ɔmɛ a mi ngɛ pa a tue.

Mose II, 1:14

A hɛɛ zu, a peeɔ bliikisi, nɛ a tsuɔ ngmɔ ní tsumi slɔɔtohi; nɛ ní tsumi ɔ eko tsuaa eko mi ɔ, a waa mɛ yi mi wawɛɛ.

Yakobo 5:1

Jehanɛ nyɛ niatsɛmɛ hu nyɛɛ bu tue! Nyɛɛ wo yana, nɛ nyɛ nya awe; ejakaa aywilɛho sanehi maa ba nyɛ nɔ!

Hebribi 10:24

Nyɛ ha waa kɛ hɛdɔ nɛ susu he bɔ nɛ sa, nɛ waa suɔ wa sibi, nɛ waa pee wa sibi kpakpa.

Hebribi 3:13

Mohu ɔ, nyɛɛ kɛ nyɛ sibi nɛ tu he wami womi munyu daa ligbi nɛ nyɛ ma nyɛ ma de ke “mwɔnɛ ɔ.” Kɛkɛ ɔ, yayami be nyɛ ti nɔ ko sisie nɛ e gbo Mawu tue.

Yesaya 9:10

“Bliikisi we ɔmɛ ku pue si; wɔɔ lɛɛ wa maa ngɔ tɛ nɛ a kó kɛ maa ma ekohu. A poo sikamore tsohi ngɔ pueɔ si; se wɔɔ lɛɛ waa kɛ seda tso kpakpahi ma tsake mɛ.”

Samuel II, 12:31

Ma a mi bi ɔmɛ nitsɛmɛ lɛɛ e muɔ mɛ kɛ ba nɛ e ba ha mɛ ní tsumi kpakpataa komɛ nɛ a kɛ sauhi kɛ dade gbiɛ slɔɔtohi tsuɔ. Jehanɛ se hu, e nyɛ ni ɔmɛ a nɔ nɛ a sã bliikisi. David pee Amon bi ɔmɛ a ma kpa amɛ tsuo kikɛ nɛ ɔ nɔuu. Lɔ ɔ se ɔ, David kɛ ma a tsuo kpale kɛ ba Yerusalem.

Yakobo 4:13

Jehanɛ, nyɛ ti ni komɛ deɔ ke, “Hwɔɔ, loo hwɔɔ se ɔ, ma hia blɔ kɛ ya ma ko mi, nɛ ma ya ye jeha ngɛ lejɛ ɔ. Ma ya ye jua nɛ ma na ní.”

Nahum 3:14

Yaa yɛ nyu ngɔ to; a ma ba sa ma a yi. Dla o mɔ nguangua amɛ! Moo naa zu nɛ o kɛ maa pee bliikisi, nɛ o dla bliikisi peemi daka amɛ kɛ to si!

Yesaya 65:3

Be tsuaa be ɔ, ma nɛ ɔ jeɔ blɔ paa nɛ a woɔ ye mi mi la; a sãã bɔhi ngɛ abɔɔhi a mi; a sãã tsopa kɛ e he via ngɛ tɛhi a nɔ;

Yesaya 5:5

“Bɔ nɛ ma pee ye wai ngmɔ ɔ ji nɛ ɔ nɛ: ma je piɛ ɔ, nɛ́ nga mi lohwehi nɛ ba ye wai yiblii ɔ; ma ku gbogbo nɛ bɔle lɛ ɔ, nɛ a ba naa nɔ.

Fiɛlɔ 2:1

I to kaa ma fiɛ ye yi nɔ saminya, nɛ ma hyɛ kaa nɔ́ ko ngɛ bua jɔmi mi lo. Se i na kaa enɛ ɔ hu peeɔ yaka gu.

Abɛ Womi 1:11

Ke a de mo ke, “Ha nɛ waa ho nɛ wa ya hla nɔ ko waa gbe! Ha wa ya wo nɔ ko nɛ pee we nɔ́ ko ka, nɛ waa gbe lɛ yaka gu!

La 64:5

A peeɔ yi wu tso ní nɛ ɔmɛ ngɛ laami mi; a tsɔɔ klamahi babauu; a woɔ a sibi he wami, nɛ a deɔ ke, “Mɛnɔ maa na wɔ?”

Mose I, 11:7

Nyɛ ha nɛ wa kple si nɛ wa ya tsaka a gbi ɔ; konɛ ke nɔ ko tu munyu ɔ, e nyɛmi nɛ ko nu sisi hu.”

Mose I, 11:4

A de ke, “Nyɛ ha nɛ waa po ma ngua ko ngɔ ha wa he, nɛ waa ma mɔ nɛ e yi mi nɛ ya su hiɔwe. Ke wa pee ja a, wa ma na biɛ, nɛ wa be gbɛe ngɔ fia zugba a nɔ tsuo.”