Mose I, 11:1 - BAIBLO ALOO NGMAMI KLƆUKLƆU Ɔ

¹ Sisije ɔ, gbi kake pɛ lɛ a tuɔ ngɛ je ɔ mi tsuo.

Mose I, 11:1 ပူးပေါင်းရင်းမြစ်များ

Mose I, 10:32

Ni nɛ ɔmɛ tsuo kulaa ji Noa nina, ngɛ mahi kɛ wekuhi a mi hehi nɛ a je ɔ. Nyu kpekpemi ɔ se ɔ, ni nɛ ɔmɛ a mi je ma amɛ tsuo je gbɛ fĩa je ɔ mi tsuo.

Mose I, 11:2

Benɛ nihi bɔni blɔ hiami kɛ je beleku je ɔ, a ba su nga kplanaa ko nɔ ngɛ Babilonia zugba a nɔ, nɛ a hi lejɛ ɔ.

Mose I, 11:6

nɛ e de ke, “Ɛhɛɛ, nimli nɛ ɔmɛ ɔ, nimli kake ji mɛ, nɛ gbi kake a tuɔ; nɔ́ nɛ a nyɛ tsu momo ji nɛ ɔ nɛ. E be kɛe nɛ nɔ́ tsuaa nɔ́ nɛ a suɔ ɔ, a maa pee.

Yesaya 19:18

Ke jamɛ a be ɔ su ɔ, Hebri gbi ji gbi nɛ a maa tu ngɛ Egipt ma ngua enuɔ ɔmɛ a mi. Yawɛ Tabohiatsɛ ɔ biɛ a kɛ ma ka kita. Nɛ a maa wo ma amɛ eko biɛ ke, “Pu ma.”

Zefania 3:9

“Jamɛ a be ɔ, ma ha je ma amɛ gbi nɛ he tsɔ. Mɛ tsuo a maa fa kue ha imi Yawɛ, nɛ a maa pee a nya kake kɛ sɔmɔ mi.

Ni Tsumi 2:6

Benɛ a nu nɛ nɔ́ ɔ pɛ ɔ, nihi babauu ba bua a he nya. Mɛ tsuo a he mi po; ejakaa a ti nɔ tsuaa nɔ nu kaa a ngɛ lɛ nitsɛ e ma mi gbi tue.