Mose I, 10:29 - BAIBLO ALOO NGMAMI KLƆUKLƆU Ɔ

²⁹ Ofir bi, Havila bi, kɛ Yobab bi; Yoktan nina ji ni nɛ ɔmɛ tsuo.

Mose I, 10:29 ပူးပေါင်းရင်းမြစ်များ

Matsɛmɛ I, 9:28

A hlui lɛ kɛ ya Ofir zugba a nɔ, nɛ a ya ngɔ sika tsu kilo akpe nyɔngma kɛ eywiɛ ngɛ lejɛ ɔ kɛ ba ha Matsɛ Salomo.

Yesaya 13:12

Nihi nɛ a yi ma na wami ɔ, a he be hiɛe kulaa; nimli adesahi a he maa hia pe sika tsu ngmingmiingmi.

La 45:9

O yi kpakpa amɛ ɔ, matsɛmɛ a bimɛ ngɛ mi; manyɛ ɔ dla e he kɛ sika tsu kpakpa kɛ daa si ngɛ o hiɔ nine nɔ.

Hiob 28:16

E he jua a, sika tsu, loo juetli kpakpa po sui nya.

Hiob 22:24

Mo sake o sika tsu ngɔ fɔ he; o sika tsu kpakpa a, hɛɛ ngɔ pue pa mi, ngɛ tɛhi a kpɛ.

Kronika I, 9:13

We puɔ nya dali ji osɔfo nɛ ɔmɛ; a hiɛmi ji 1,760, nɛ a le Yawɛ we ɔ he ní tsumi ɔmɛ tsuo tsumi saminya.

Kronika I, 9:10

Osɔfo nɛ ɔmɛ ba hi Yerusalem: Yedaya, Yehoyarib, Yakin, kɛ Azaria, Hilkia bi ɔ (Lɛ ji tsɔlɔ nɔkɔtɔma ngɛ Yawɛ we ɔ) E nɛmɛ ji Meshulam, Zadok, Merayot, kɛ Ahitub Adaya, Yeroham bi ɔ E nɛmɛ ji Pashur, kɛ Malkiya Maasai, Adiel bi ɔ E nɛmɛ ji Yazera, Meshulam, Meshilemit, kɛ Imer.

Kronika I, 8:18

Ishmerai, Izlia, kɛ Yobab.

Matsɛmɛ I, 22:48

Matsɛ Yehoshafat kpɛ lɛ nguanguahi nɛ woɔ tlomi, konɛ a hlui mɛ kɛ ya Ofir zugba a nɔ ya ngɔ sika tsu ba ha lɛ; se lɛ ɔmɛ ya ywia ngɛ Eziongeber, nɛ a nyɛ we nɛ a ya.

Samuel I, 15:7

Saul gbe Amalek bi ɔmɛ kɛ je Havila kɛ ya si Shur ngɛ Egipt beleku je.

Mose I, 25:18

Ishmael bi ɔmɛ hi Havila kɛ Shur a kpɛti ngɛ Egipt beleku je, kɛ yaa Asiria blɔ. A kɛ Abraham nina kpa amɛ hi akã nɔ.

Mose I, 2:11

A tsɛɛ kekleekle kɔni ɔ ke Pishon. Lɛ ji pa nɛ bɔle Havila zugba a tsuo, he nɛ a naa sika tsu ngɛ ɔ.

Mose I, 10:28

Obal bi, Abimael bi, Sheba bi,

Mose I, 10:30

A sihi he ngɛ kɛ je Mesha kɛ ya Sefar ngɛ yoku zugba a nɛ ngɛ beleku je ɔ nɔ.

Kronika I, 1:23

Ofir bi, Havila bi, kɛ Yobab bi.