Mose I, 10:25 - BAIBLO ALOO NGMAMI KLƆUKLƆU Ɔ

²⁵ Eber ngɛ binyumuhi enyɔ; a wo e bitɛte ɔ biɛ ke Peleg, ejakaa jamɛ a be ɔ mi ɔ, a gba nyu dɔ ngɛ zugba a mi; Peleg senɔ ɔ biɛ ji Yoktan.

Mose I, 10:25 ပူးပေါင်းရင်းမြစ်များ

Mose I, 10:21

Yafet wetsɛ Shem ji Hebri bi ɔmɛ tsuo a nɛ̃.

Mose I, 10:26

Yoktan nina ji nɛ ɔmɛ nɛ: Almodad bi, Shelef bi, Hazarmavet bi, Yera bi,

Mose I, 10:32

Ni nɛ ɔmɛ tsuo kulaa ji Noa nina, ngɛ mahi kɛ wekuhi a mi hehi nɛ a je ɔ. Nyu kpekpemi ɔ se ɔ, ni nɛ ɔmɛ a mi je ma amɛ tsuo je gbɛ fĩa je ɔ mi tsuo.

Mose I, 10:5

Nihi nɛ ngɛ wo nya zugba amɛ kɛ wo kpɔ ɔmɛ a nɔ ɔ, a nɛmɛ ji ni nɛ ɔmɛ nɛ. Yafet nina ji mɛ tsuo. A ngɛ mɛ nitsɛmɛ a zugbahi a nɔ wɛtso nya wɛtso nya, nɔ tsuaa nɔ kɛ e ma mi gbi.

Kronika I, 1:19

Eber ngɛ bimɛ enyɔ; a tsɛɛ nɔ kake ke Peleg, ejakaa e yi nɔ nɛ a gba nimli nɛ ngɛ je ɔ mi ɔ a mi kɛ wo gbi slɔɔtoslɔɔto ɔmɛ a mi. Nɔ kake hu biɛ ji Yoktan.

Hiob 15:19

Mɛ pɛ lɛ a ngɔ zugba a ngɔ ha; nubwɔ ko nubwɔ ko be a kpɛti.

Ni Tsumi 17:26

Sisije ɔ, nɔmlɔ kake Mawu bɔ, nɛ kikɛmɛ a nɔ kake nɛ ɔ mi je ɔ mi nimli adesahi tsuo je. Lɛ nitsɛ lɛ e ha nɛ a gbɛ fĩa je ɔ mi he tsuaa he. Be, kɛ he nɛ ní ɔmɛ maa hi, kɛ a huzu nya a, lɛ nitsɛ lɛ e to pɛpɛɛpɛ loko e bɔ je ɔ.

Mose V, 32:8

Nɔ nɛ ngɛ hiɔwe lokoo ɔ, nɔ nɛ dla zugba a ha je ma amɛ, nɛ e to ma tsuaa ma hi he ɔ, lɛ nɛ e ha je ma tsuaa je ma e mawu.