Mose I, 1:6 - BAIBLO ALOO NGMAMI KLƆUKLƆU Ɔ

^6-7 Enɛ ɔ se ɔ, Mawu fa ke, “Nɔ́ ko nɛ ba nɛ e ba gba nyu ɔ mi enyɔ”. Nɛ e ba mi ja. Kɛkɛ nɛ Mawu pee nɔ́ ko kɛ gba nyu ɔ mi; nyu ɔ fa ba je nɔ́ ɔ sisi, nɛ fa ba je e yi mi.

Mose I, 1:6 ပူးပေါင်းရင်းမြစ်များ

Mose I, 1:14

Enɛ ɔ se ɔ Mawu fa ke, “Kanehi nɛ a ba hiɔwe konɛ a kɛ na slɔɔto ngɛ piani kɛ nyɔ a kpɛti, nɛ́ a tsɔɔ jeha mi gbamihi jehahi, kɛ be nɛ a kɛ yeɔ nyami ligbihi pɔtɛɛ komɛ.

Mose I, 1:20

Jehanɛ Mawu fa ke, “Nyu ɔ nɛ wo lo slɔɔtoslɔɔtohi babauu, nɛ́ lohwe pɛlitsɛmɛ nɛ a hi tee ngɛ hiɔwe.”

Hiob 26:13

E mumi ɔ lɛ ha nɛ hiɔwe tsɔ, nɛ e pee saminyayoo. E nine lɛ e kɛ tsɔtslɔɔ wo mi lohwe ngua a mi.

Hiob 37:11

Mawu haa bɔku ɔmɛ hyi ɔ kɛ nyu. Oslabai hii la pae ngɛ bɔku ɔmɛ a mi,

Hiob 37:18

Hiɔwe ɔ nɛ he wa kpakpataa kaa ahuhuɛ nɛ a sile, nɛ a puɛ ngɔ ma si ɔ, anɛ o ma nyɛ maa gbla mi kaa bɔ nɛ lɛ Mawu ɔ, e pee ɔ lo?

La 104:2

O ngɔ la kɛ ha o he kaa bo; o blɛke hiɔwe mi kaa bo tsu.

La 148:4

Nyɛ hiɔwe tsuo, nyɛ je e yi! Nyu nɛ ngɛ hiɔwe yi mi, mo je e yi!

La 150:1

Nyɛ je Yawɛ yi! Nyɛ je Mawu yi ngɛ e he klɔuklɔu ɔ; nyɛ je e yi ngɛ e bɔku kpetekpleenyɛ ɔ mi!

La 19:1

Mawu nibɔ níhi nɛ ngɛ hiɔwe ngɛ e yi jee, nɛ a ngɛ e nine nya ní tsumi kpo jee.

La 19:2

Daa ligbi ɔ, mɔtu jio, gbɔkuɛ jio, nibɔ ní nɛ ɔmɛ ngɛ Mawu he ní sɛɛe.

La 33:6

Fami kɛkɛ lɛ Yawɛ fa nɛ e kɛ pee hiɔwe. Munyu kɛkɛ lɛ je e nya nɛ pu, kɛ nyɔhiɔ, kɛ dodoehi ba.

La 33:9

Ejakaa munyu kɛkɛ lɛ e tu nɛ e kɛ bɔ je ɔ. Fami kɛkɛ lɛ e fa nɛ níhi tsuo ba.

Fiɛlɔ 11:3

Ke hiɔwe yu bluublu kɛ bɔku ɔ, hiɔmi nɛɛ. He nɛ tso ku fɔ si ngɛ ɔ, leneyi je jio, omleyi je jio, lejɛ ɔ e hii.

Yesaya 40:22

Mawu ji nɔ nɛ bɔ je ɔ nɛ; e hii si ngɛ hiɔwe lokoo, nɛ je ɔ fɔɔ si ngɛ e sisi. Nimli adesahi ngɛ kaa angmɛɛtɛ ngɛ je ɔ mi. Mawu bli hiɔwe mi kaa bo, nɛ e pee lɛ kaa bo tsu nɛ a hiɔ mi.

Yeremia 10:10

Se mo Yawɛ, Mawu nitsɛnitsɛ ji mo; mo ji Mawu hɛ kalɔ ɔ nɛ; neneene matsɛ ji mo. Ke o mi mi fu ɔ, zugba mimiɛɔ, nɛ je ma amɛ nyɛ we nya dami.

Yeremia 51:15

Yawɛ lɛ bɔ je ɔ ngɛ e he wami nya. Nile lɛ e kɛ bɔ je ɔ, nɛ jamɛ a nile ɔ nɔuu e kɛ bli hiɔwe mi.

Zakaria 12:1

Sɛ gbi nɛ je Yawɛ ngɔ nɛ kɔɔ Israel he ji nɛ ɔ nɛ. Yawɛ ji nɔ nɛ bɔ hiɔwe kɛ zugba; lɛ nɛ ha nɔmlɔ adesa wami. Yawɛ ke,

2 Petro 3:5

A jeɔ blɔ peeɔ kaa a li kaa blema lokoo ɔ, munyu kɛkɛ lɛ Mawu tu, nɛ hiɔwe kɛ zugba ba, kaa a je zugba kɛ je nyu mi, nɛ nyu a kɛ bɔ zugba a.