Mose I, 1:31 - BAIBLO ALOO NGMAMI KLƆUKLƆU Ɔ

³¹ Mawu na nɔ́ tsuaa nɔ́ nɛ e pee ɔ, nɛ a muɔ e hɛ saminya. Nɛ je jɔ, nɛ je na; nɛ e pee ligbi nɛ ji ekpa.

Mose I, 1:31 ပူးပေါင်းရင်းမြစ်များ

1 Timoteo 4:4

Nɔ́ tsuaa nɔ́ nɛ Mawu bɔ ɔ hi. Wa ko kua ekoeko; mohu ɔ, wa sɔ́le nɔ́ tsuaa nɔ́, nɛ waa na Mawu si ngɛ he.

La 104:24

Yawɛ, hyɛ kaa o pee níhi babauu! Nile o kɛ pee lɛ tsuo pɛpɛɛpɛ. O nibɔ níhi hyi je ɔ mi tɔ.

Mose II, 20:11

ejakaa ligbi ekpa Yawɛ ngɔ kɛ pee hiɔwe, zugba, kɛ wo kɛ a mi nɔ́ tsuaa nɔ́, nɛ ligbi nɛ ji kpaago ɔ, e jɔɔ e he. Enɛ ɔ he je nɛ e gbaa Hejɔɔmi ligbi ɔ, nɛ e pee lɛ klɔuklɔu ɔ nɛ.

La 104:31

Yawɛ hɛ mi nyami ɔ maa hi si daa! Níhi nɛ Yawɛ pee ɔ, e ma na a he bua jɔmi.

Kɔmɔ Yemi 3:38

Kpakpa jio, yaya jio, Hiɔwe No ɔ lɛ deɔ loko e baa mi.

Hiob 38:7

Jamɛ a ligbi ɔ mɔtu ɔ, dodoe ɔmɛ tsuo la, nɛ Mawu bimɛ ɔmɛ tsuo hwɔ lele.

Mose I, 2:2

Mawu tsu ní ligbi ekpa, nɛ ligbi nɛ ji kpaago ɔ, e jɔɔ e he.

Mose I, 1:23

Nɛ je jɔ, nɛ je na; nɛ e pee ligbi nɛ ji enuɔ.

Mose I, 1:8

Mawu wo nɔ́ ɔ biɛ ke “Hiɔwe”. Nɛ je jɔ, nɛ je na; nɛ e pee ligbi nɛ ji enyɔ.

Mose I, 1:5

E wo la a biɛ ke “Piani” nɛ e tsɛ diblii ɔ ke “Nyɔ.” Nɛ je jɔ, nɛ je na; nɛ e pee kekleekle ligbi.

Mose I, 1:19

Nɛ je jɔ, nɛ je na; nɛ e pee ligbi nɛ ji eywiɛ.

Mose I, 1:13

Nɛ je jɔ, nɛ je na; nɛ e pee ligbi nɛ ji etɛ.

1 Timoteo 4:5

Ejakaa Mawu munyu ɔ, kɛ si nɛ wa naa Mawu ɔ haa niye ní ɔ he tsɔɔ.

Mose II, 31:17

E ji okadi ngɛ i kɛ Israel bi ɔmɛ wa kpɛti kɛ yaa neneene; ejakaa imi Yawɛ, i ngɔ ligbi ekpa kɛ pee hiɔwe kɛ zugba, nɛ ligbi nɛ ji kpaago ɔ, i kpa ní tsumi, nɛ i jɔɔ ye he.”

La 104:28

Ke o ha mɛ niye ní ɔ, a yeɔ; o lɛɔ mɛ nɛ a tɔɔ kɛ ní kpakpahi sɔuu.

La 119:68

O hi, nɛ o peeɔ kpakpa saminya! Moo tsɔɔ mi o mlaa amɛ.

Abɛ Womi 16:4

Nɔ́ tsuaa nɔ́ nɛ Yawɛ pee ɔ, nɔ́ ko he kɛ̃ lɛ e pee ngɛ; yayami peeli tete po, a ngɛ kɛ ha hɛ mi kpatami.

Fiɛlɔ 3:11

E peeɔ nɔ́ tsuaa nɔ́ saminyayoo ngɛ e be mi. E ha nɔmlɔ juɛmi nɛ e kɛ leɔ níhi nɛ be momo, kɛ níhi nɛ maa ba hwɔɔ se. Se kɛ̃ ɔ, lɛ Mawu ɔ ní tsumi kɛ je sisije kɛ ya si nyagbe ɔ, lɔ ɔ lɛɛ nɔmlɔ juɛmi sui he.

Mose I, 2:3

E gbaa ligbi nɛ ji kpaago ɔ, nɛ e pee lɛ ligbi klɔuklɔu; jamɛ a ligbi ɔ nɛ e bɔ je ɔ gbe nya, nɛ e jɔɔ e he, ejakaa ní tsumi nɛ e tsu kɛ bɔ je ɔ, e gbe nya.

Mose V, 32:4

“Yawɛ ji nyɛ yi baalɔ nɛ se be; e hi kɛ pi si, nɛ e da ngɛ blɔ tsuaa blɔ nɔ. Nyɛ Mawu ɔ yeɔ e siwo nɔ; yayami ko be e he; nɔ́ nɛ da, kɛ nɔ́ nɛ sa pɛ e peeɔ.