Mose I, 1:27 - BAIBLO ALOO NGMAMI KLƆUKLƆU Ɔ

²⁷ Kɛkɛ nɛ Mawu bɔ nɔmlɔ, nɛ e pee lɛ kaa bɔ nɛ lɛ nitsɛ e ngɛ ɔ; e bɔ nyumu kɛ yo.

Mose I, 1:27 ပူးပေါင်းရင်းမြစ်များ

Mose I, 2:18

Enɛ ɔ se ɔ, Yawɛ Mawu de ke, “E hí kaa nyumu ɔ nɔ kake too nɛ hi si; ma ha lɛ he piɛlɔ nɛ sa lɛ.”

Mose I, 2:7

Jamɛ a be ɔ mi ɔ, Yawɛ Mawu ngɔ zugba zu kɛ puɛ nɔmlɔ, nɛ e mu mumi nɛ haa nɔ wami ngɔ wo nɔmlɔ gugwɔ puɔ mi; nɛ nɔmlɔ pee adesa hɛngmengmletsɛ.

Mose I, 9:6

I pee nɔmlɔ kaa bɔ nɛ imi, Mawu ɔ nitsɛ i ngɛ ɔ; lɔ ɔ he ɔ, nɔ tsuaa nɔ nɛ ma pue nɔmlɔ adesa muɔ si ɔ, e nyɛmi nɔmlɔ adesa nɔuu ma pue lɛ hu e muɔ si.

La 139:14

I ngɛ o yi jee, ejakaa bɔ nɛ o plɛ kɛ bɔ mi ɔ, e ngɛ gbeye, nɛ e ngɛ nyakpɛ hulɔ. Níhi nɛ o pee ɔ ngɛ nyakpɛ loo! O le mi fitsofitso.

Fiɛlɔ 7:29

Nɔ́ nɛ i na kɛkɛ ji kaa Mawu bɔ nɔmlɔ adesa nɛ e hi si saminya, se nɔmlɔ ba kase gɔdɔgɔdɔ si himi.

Yesaya 43:7

Imi nitsɛ ye ma ji mɛ; nɛ i bɔ mɛ, konɛ a wo ye hɛ mi nyami.’ ”

Yeremia 29:6

Nyɛɛ ngɔ yihi nɛ nyɛ fɔ binyumuhi kɛ biyihi. Nyɛɛ ngɔ yihi ha nyɛ binyumu ɔmɛ, nɛ nyɛ ha nyɛ biyi ɔmɛ gba, konɛ mɛ hu a fɔ bimɛ. Nyɛɛ bɔ ngɛ lejɛ ɔ; nyɛ nɔ nɛ ko gbɔ.

Malaki 2:15

O kɛ o yo ɔ, anɛ Mawu pee we nyɛ ni enyɔ ɔmɛ kake lo? Mɛni he je lɛ Mawu pee ja a? Mawu pee nɔ́ nɛ ɔ, bɔ nɛ pee nɛ nyɛ fɔ bimɛ nɛ ma ba pee lɛ nitsɛ e ma. Lɔ ɔ he ɔ, si nɛ nyɛ wo nyɛ nihe mi yi kpeekpee ɔmɛ ɔ, nyɛɛ hyɛ saminya nɛ nyɛ ti nɔ ko kó je se kɛ ya pee nɔ́ kpa.

Mateo 19:4

Yesu he nɔ ke, “Anɛ nyɛ kane we ngmami ɔ nɛ deɔ ke sisije ɔ, bɔlɔ ɔ bɔ adesa nyumu kɛ yo lo?

Marko 10:6

Se kaa bɔ nɛ ngmami ɔ de ɔ, ‘Sisije ɔ, nyumu kɛ yo Mawu bɔ.

Efesobi 2:10

Mawu nitsɛ lɛ pee wɔ bɔ nɛ wa ngɛ nɛ ɔ. E ha waa kɛ Kristo Yesu ba nu huɛ, bɔ nɛ pee nɛ waa ngɔ wa wami be ɔ tsuo kɛ pee nihi kpakpa. E to blɔ nya nɛ ɔ blema lokoo konɛ waa nyɛɛ ngɛ nya.

Efesobi 4:24

Nyɛɛ ba nyɛ je mi kaa ni hehi nɛ a bɔ mɛ ehe ngɛ Mawu subai nɔ; konɛ a na nyɛ kaa anɔkuale mi ɔ, nyɛ peeɔ nɔ́ nɛ da, nɛ nyɛ he hu tsɔ.

Mose V, 4:32

“Jehanɛ, nyɛ bi ngɛ je ɔ mi tsuo kulaa kaa kɛ je blema lokoo loko a fɔ nyɛ, kɛ je be nɛ Mawu bɔ nɔmlɔ ngɛ zugba a nɔ ɔ, anɛ sane nguaa ko kaa enɛ ɔ eko ba hyɛ, loo a nu eko hyɛ lo?

Kolosebi 1:15

Kristo ji Mawu nɛ a nɛ́ lɛ ɔ subai nɛ a naa. Lɛ ji nibɔ níhi tsuo a kpɛti tɛte.

Kolosebi 1:26

Sane kpakpa nɛ ɔ ji laami sane nɛ Mawu ngɔ laa yi nɔhi kɛ je blema lokoo, nɛ amlɔ nɛ ɔ lɛɛ e je ngɔ tsɔɔ e ni klɔuklɔu ɔmɛ.

Kolosebi 3:10

Nyɛɛ wo nɔmlɔ su he. Nɔmlɔ su he nɛ ɔ ji nɔ́ nɛ Mawu, e bɔlɔ ɔ ngɛ mɔde bɔe daa nɛ kaa e maa hi kaa bɔ nɛ lɛ Mawu ɔ ngɛ ɔ, kɛkɛ nyɛ maa le lɛ fitsofitso.

Manyadali 21:22

Ke a tsɛmɛ, loo a nyɛminyumuhi ba nɛ a ba bi wɔ sane ko ɔ, wa ma de mɛ ke, ‘Nyɛɛ na wɔ mɔbɔ, nɛ nyɛɛ ngmɛɛ a he ha wɔ kɛkɛ; ejakaa wa na we yihi kɛ ha a ti nɔ tsuaa nɔ benɛ wa kpata Yabesh Gilead hɛ mi ngɛ ta a mi ɔ. Jehanɛ se hu, akɛnɛ pi nyɛ nitsɛmɛ nɛ nyɛ ngɔ zangmawi ɔmɛ ngɔ ha mɛ he je ɔ, nyɛ yi fɔ.’ ”