Mose I, 1:20 - BAIBLO ALOO NGMAMI KLƆUKLƆU Ɔ

²⁰ Jehanɛ Mawu fa ke, “Nyu ɔ nɛ wo lo slɔɔtoslɔɔtohi babauu, nɛ́ lohwe pɛlitsɛmɛ nɛ a hi tee ngɛ hiɔwe.”

Mose I, 1:20 ပူးပေါင်းရင်းမြစ်များ

Mose I, 2:19

Yawɛ Mawu de nɔ́ nɛ ɔ, ejakaa benɛ e ngɔ zugba zu kɛ puɛ je nɛ ɔ mi lohwe ɔmɛ tsuo gbe nya a, ekoeko be nɛ sa nɔmlɔ kaa e he piɛlɔ. Nɔmlɔ ɔ wo lohwe ɔmɛ tsuo biɛ: we mi lohwehi, pu mi lohwehi, kɛ lohwe pɛlitsɛmɛ. Bɔ tsuaa bɔ nɛ e tsɛ eko ɔ, jã pee e biɛ. Se lɛ nɔmlɔ ɔ nitsɛ lɛɛ a na we he piɛlɔ nɛ sa we lɛ lolo.

Matsɛmɛ I, 4:33

E tu tsohi a he munyu kɛ je Lebanon seda tso ɔmɛ a nɔ hluu kɛ ya si nga tsɔwi nɛ puɛɔ ngɛ gbogbohi a nɔ ɔ a nɔ. E tu lohwe nane eywiɛtsɛmɛ, pɛlitsɛmɛ, kɛ ní nɛmɛ nɛ sãã si, kɛ lohi a he munyu.

La 148:10

nga mi lohwehi, kɛ we mi lohwehi tsuo, lohwehi nɛ sãã si, kɛ lohwe pɛlitsɛmɛ, nyɛ je e yi!

Mose I, 1:30

Se pu mi lohwe ɔmɛ, lohwe pɛlitsɛmɛ ɔmɛ, ní nɛmɛ nɛ sãã si ngɛ zugba a nɔ, kɛ lohwe kpa amɛ tsuo lɛɛ i ha mɛ nga nɛ a kpe, kɛ ba mumu nɛ a ye.” Nɛ e ba mi ja.

Mose I, 8:17

Je lohwe ɔmɛ kpo kɛ ba: pɛlitsɛmɛ, nane eywiɛɛywiɛtsɛmɛ, kɛ ní nɛmɛ nɛ sãã si, konɛ a fɔ nɛ a ha zugba a tsuo nɔ.”

Mose I, 1:22

Mawu gbaa mɛ, nɛ e de ke, “Nyɛ fɔ babauu nɛ nyɛ he nɛ hiɛ; nyɛ hyi wo ɔ mi, konɛ lohwe pɛlitsɛmɛ hu nɛ a hiɛ babauu ngɛ zugba a nɔ.”

Mose I, 1:14

Enɛ ɔ se ɔ Mawu fa ke, “Kanehi nɛ a ba hiɔwe konɛ a kɛ na slɔɔto ngɛ piani kɛ nyɔ a kpɛti, nɛ́ a tsɔɔ jeha mi gbamihi jehahi, kɛ be nɛ a kɛ yeɔ nyami ligbihi pɔtɛɛ komɛ.

Ni Tsumi 17:25

Jehanɛ hu nɔ́ ko nɔ́ ko hia we lɛ nɛ wa ma nyɛ ma ha lɛ. Wa nine nya nɔ́ ko hia we lɛ kaa nɔ ko nɛ nɔ́ ko fĩɔ lɛ nɛ adesa ma nyɛ maa pee ha lɛ. Ejakaa lɛ mohu lɛ e haa wɔ wami, kɛ mumi nɛ wa muɔ. Nɔ́ tsuaa nɔ́ nɛ hia wɔ ɔ, lɛ nɛ e haa wɔ.

Fiɛlɔ 2:21

Ejakaa be komɛ ɔ, nɔ ko maa ngɔ nile, kɛ ga kɛ tsu ní wawɛɛ nitsɛ. Kɛkɛ ɔ, e ma si ha nɔ ko nɛ gbo we nɔ́ ɔ he dengme ko kulaa nɛ e ba ye. Enɛ ɔ hu ji yaka dengme, kɛ yayami agbo.

Mose I, 1:19

Nɛ je jɔ, nɛ je na; nɛ e pee ligbi nɛ ji eywiɛ.

Mose I, 1:21

Kɛkɛ nɛ Mawu bɔ wo mi lohwe nguanguahi, pa mi lo munomunohi, kɛ lohwe pɛlitsɛ slɔɔtoslɔɔtohi. Mawu na ní nɛ ɔmɛ, nɛ a muɔ e hɛ.

Mose I, 7:21

Nɔ́ tsuaa nɔ́ ngɛ je ɔ mi nɛ wami ngɛ e mi ɔ gbo: lohwe pɛlitsɛmɛ, we mi lohwehi, pu mi lohwehi, kɛ ní nɛmɛ nɛ sãã si, kɛ nimli adesahi tsuo pɛpɛɛpɛ.

Mose III, 11:42

Ke a sãã si ngɛ a mi nɔ jio, a nane eywiɛ nɔ jio, a nane babauu nɔ jio, nyɛ ko ye; a he tsɔ we.

Mose III, 11:43

Nyɛ ko ta lohwehi nɛ sãã si ɔ eko he. Ke nyɛ pee ja a, nyɛ bleɔ nyɛ he, nɛ nyɛ he tsɔ we.

Hiob 12:9

Mɛ tsuo pɛpɛɛpɛ a ti mɛnɔ lɛ li kaa Mawu lɛ pee enɛ ɔ lo?