Mose I, 1:16 - BAIBLO ALOO NGMAMI KLƆUKLƆU Ɔ

¹⁶ Mawu pee kane ngua enyɔ: e pee kane nɛ tsoɔ wawɛɛ pe kulaa a nɛ e ye piani nɔ, kɛ kaketsɛ ɔ hu nɛ e ye nyɔ nɔ. E pee dodoehi hulɔ.

Mose I, 1:16 ပူးပေါင်းရင်းမြစ်များ

Mose I, 1:15

Kane ɔmɛ nɛ a tso ngɛ hiɔwe, nɛ a la a nɛ kpɛ kɛ hyɛ zugba a nɔ.” Nɛ e ba mi ja.

Hiob 31:26

Pu nɛ tsoɔ saminyayoo, kɛ nyɔhiɔ nɛ kpɛɔ saminyayoo nɛ ɔ, i ja we mɛ hyɛ.

Hiob 38:7

Jamɛ a ligbi ɔ mɔtu ɔ, dodoe ɔmɛ tsuo la, nɛ Mawu bimɛ ɔmɛ tsuo hwɔ lele.

La 148:3

Pu, kɛ nyɔhiɔ, nyɛ je e yi! Nyɛ dodoehi tsuo nɛ kpɛɔ, nyɛ je e yi!

La 148:5

Ní nɛ ɔmɛ tsuo nɛ a je Yawɛ yi; ejakaa lɛ nɛ e fa nɛ a bɔ mɛ.

La 19:6

Pu jeɔ ngɛ hiɔwe nyagbe he kake; e bɔleɔ si kɛ yaa hiɔwe nyagbe he kake, nɛ e la a, nɔ́ ko nɔ́ ko nyɛ we nya dami.

La 74:16

Mo lɛ o bɔ nyɔ kɛ pia, nɛ o ngɔ pu kɛ hlami ngɔ to a blɔ hehi.

La 8:3

Ke i susu níhi nɛ ngɛ hiɔwe a he, nyɔhiɔ kɛ dodoehi, ke i hyɛ ní nɛ ɔmɛ nɛ o kɛ o nine pee ɔ,

Yesaya 13:10

Dodoe tsuaa dodoe, kɛ dodoe kuu ɔmɛ nɛ a ngɛ hiɔwe ɔ be kpɛe hu. Ke pu je po, diblii maa wo, nɛ nyɔhiɔ hu be kpɛe.

Yesaya 24:23

Nyɔhiɔ maa wo diblii, nɛ pu be tsoe hu, ejakaa Yawɛ Tabohiatsɛ ɔ maa ye matsɛ. E maa ye matsɛ ngɛ Yerusalem ngɛ Zion yo ɔ nɔ, nɛ ma nimeli ɔmɛ maa na e hɛ mi nyami ɔ.

Yesaya 40:26

Nyɛ wo nyɛ yi nɔ nɛ nyɛɛ hyɛ hiɔwe! Mɛnɔ lɛ bɔ dodoe ɔmɛ nɛ nyɛ ngɛ hyɛe ɔ? Nɔ nɛ jeɔ mɛ kpo kaa ta buli babauu, nɛ e kɛ eko tsuaa eko biɛ tsɛɔ lɛ ɔ! E he wami, kɛ nyɛmi kpetekpleenyɛ ɔ nya a, kake ngmelu po laa we.

Yesaya 45:7

Imi ji nɔ nɛ bɔ la kɛ diblii tsuo. Imi ji nɔ nɛ haa he jɔmi baa, haomi hu imi nɔuu. Imi Yawɛ ji nɔ nɛ peeɔ ní nɛ ɔmɛ tsuo.

Yeremia 31:35

Yawɛ lɛ pee pu, konɛ e tso piani. Lɛ nɛ pee nyɔhiɔ kɛ dodoehi konɛ a kpɛ nyɔ mi. Yawɛ lɛ klɛɔ wo mi, nɛ e haa nɛ oslɔke ɔmɛ gliɔ E biɛ ji Yawɛ Tabohiatsɛ.

Habakuk 3:11

Benɛ o kɛ̃ɛ̃ mi bi ɔmɛ ngɛ la pae kɛ fo vuu vuu, nɛ o we akplɔ ɔ ngɛ kpɛe nylamnylam ɔ, pu kɛ nyɔhiɔ daa si dii ngɛ a hi he ɔmɛ.

Mateo 24:29

“Haomi nɛ maa ba jamɛ a be ɔ, ke e se po pɛ pu maa tsɔ diblii, nɛ nyɔhiɔ be kpɛe hu. Dodoehi ma tsɔ kɛ je hiɔwe ba fia si, nɛ a maa fie he wamihi nɛ bɔle je ɔ kɛ je a blɔ hehi.

Mateo 27:45

Piani ngmlɛ nyɔngma kɛ enyɔ ɔ, zugba a nɔ tsuo wo diblii ngmlɛfia etɛ sɔuu.

1 Korintobi 15:41

Slo pu hɛ mi nyami kɛ afɛu, nɛ slo nyɔhiɔ hu nɔ́. Slo dodoehi hu a hɛ mi nyami kɛ afɛu; dodoe kake nɔ́ je ekpa ngɛ kake nɔ́ he.

Mose V, 4:19

Nyɛ ko ha níhi nɛ nyɛ ngɛ hyɛe ngɛ hiɔwe ɔ, pu, nyɔhiɔ, kɛ dodoehi babauu nɛ ha si ngɛ hiɔwe nɛ ɔ nɛ gbla nyɛ juɛmi kɛ ya ja mɛ, nɛ nyɛ sɔmɔ mɛ. Ejakaa Yawɛ, nyɛ Mawu ɔ ngɔ mɛ ngɔ ha ma amɛ tsuo nɛ ngɛ je ɔ mi ɔ.

Kpojemi 21:23

Pu, loo nyɔhiɔ nɛ ma kpɛ he hia we ngɛ ma a mi; ejakaa Mawu hɛ mi nyami ɔ ji la nɛ kpɛɔ ngɛ ma a mi, nɛ To bi ɔ ji e kane.