Mose I, 1:12 - BAIBLO ALOO NGMAMI KLƆUKLƆU Ɔ

¹² Ba kɛ tso slɔɔtoslɔɔtohi puɛ ngɛ zugba a nɔ, eko tsuaa eko kɛ e yiblii. Mawu na ní nɛ ɔmɛ, nɛ a muɔ e hɛ.

Mose I, 1:12 ပူးပေါင်းရင်းမြစ်များ

Marko 4:28

Zugba a nitsɛ lɛ haa ní ɔmɛ waa nɛ a woɔ yiblii, ba mumu ɔ kekle, kɛkɛ ɔ tso ɔ, nɛ lɔ ɔ se ɔ, ngma a nitsɛ ngɛ tso ɔ yi mi.

Luka 6:44

Tso tsuaa tso ɔ, lɛ nitsɛ e yiblii a kɛ leɔ lɛ; a la we ngmɔkɔ ngɛ mio tso nɔ; nɛ jehanɛ hu, a bua we wai yiblii nya kɛ ji zezle mi.

Galatabi 6:7

Nyɛ ko sisi nyɛ he. Mawu ɔ, a yi e he fɛu. Nɔ́ nɛ nɔmlɔ du ɔ, lɔ ɔ nɔuu e ma kpa.

2 Korintobi 9:10

Mawu lɛ haa nɔ wu nɛ e duɔ, kɛ ngma nɛ e yeɔ. Wu tsuo nɛ hia nyɛ dumi ɔ, Mawu ma ha nyɛ, nɛ ke nyɛ du ɔ, lɛ nɔuu e ma ha nɛ tso ɔ maa wa. Kpakpa nɛ nyɛ ngɛ pee ɔ, blɔ nɔ nɛ Mawu maa gu nɛ e ma ha nɛ e wo yiblii ji nɛ ɔ nɛ.

Yesaya 61:11

Bɔ nɛ tso tsɛ̃ɔ kɛ jee zu mi, ee, bɔ nɛ wu puɛɔ ngɛ ngmɔ mi ɔ, ja Nyɔmtsɛ Yawɛ ma he e ma a yi wami, nɛ je ma amɛ tsuo maa na, nɛ a ma je e yi.

Hebribi 6:7

Zugba nɛ hiɔmi nɛɔ pueɔ nɔ babaaba, nɛ nyu ɔ sɛɔ zu mi, nɛ ní nɛ a duɔ ɔ baa saminya kɛ ha nihi nɛ tsuɔ ní ngɛ nɔ ɔ Mawu gbaa zugba a lɛ.

Mose I, 1:11

Jehanɛ Mawu fa ke, “Tso slɔɔtoslɔɔtohi nɛ a puɛ ngɛ zugba a nɔ: tsohi nɛ woɔ ngma loo wu, kɛ ní nɛmɛ nɛ woɔ yiblii.” Nɛ e ba mi ja.

Mose I, 1:13

Nɛ je jɔ, nɛ je na; nɛ e pee ligbi nɛ ji etɛ.

La 104:14

O haa nɛ nga puɛɔ ha lohwehi; o haa nɔmlɔ adesa tsohi nɛ e du, konɛ e ná niye ní kɛ je zu mi.