Mika 7:9 - BAIBLO ALOO NGMAMI KLƆUKLƆU Ɔ

⁹ Wa pee yayami kɛ si Yawɛ; lɔ ɔ he ɔ, ke e mi mi fu wɔ ɔ, wa ma na tsui. Ejakaa e ma kpɔ wɔ kɛ je wa he nyɛli ɔmɛ a dɛ mi, nɛ e maa gbla a tue ngɛ yayami nɛ a pee wɔ ɔ he. Yawɛ maa ngɔ wɔ kɛ ba la a he, nɛ wa maa na kaa e ma he wa yi wami.

Mika 7:9 ပူးပေါင်းရင်းမြစ်များ

Samuel II, 24:17

David na bɔfo ɔ nɛ ngɛ ma a nɔ́ fiae, nɛ e de Yawɛ ke, “O nɛ, imi lɛ i pee yayami ɔ nɛ; imi lɛ i tɔ̃. Nimli nɛ ɔmɛ nɛ a ngɛ kpoo kaa jijɔ ɔ, mɛɛ lɛɛ mɛni a pee? I kpa mo pɛɛ nɛ o gbla i kɛ ye weku li kɛkɛ wa tue.”

Hiob 23:10

Se Mawu le blɔ nɛ i nyɛɛɔ nɔ ɔ; ke e ka mi ɔ, e maa na kaa ye he tsɔ kaa sika tsu.

Hiob 35:14

Hiob, mo lɛ o ke o be Mawu nae ɔ? O sane ɔ ngɛ e hɛ mi; moo hyɛ lɛ blɔ.

La 119:154

Ba ye ye sane ɔ ha mi, nɛ o kpɔ mi. He ye yi wami kaa bɔ nɛ o wo si ɔ.

La 37:6

E maa ye dami sane ha mo; e maa wo mo nguɔ. Nɔ́ nɛ ɔ maa je kpo paa kaa pu la, nɛ nihi tsuo maa na.

La 43:1

Mawu lee! Hyɛ ye sane ɔ mi ha mi, nɛ o wo mi nguɔ. Jé mi kɛ je ma nɛ li mo ɔ a dɛ mi. Kpɔ mi kɛ je lakpatsɛmɛ, kɛ yayami peeli a dɛ mi oo!

La 7:6

Yawɛ, ye he nyɛli ɔmɛ te si kɛ wo mi; tee si nɛ o kɛ mɛ nɛ kpe ha mi. O mi mi nɛ fu mɛ; ejakaa dami sane yemi ji nɔ́ nɛ o suɔ.

La 94:15

A maa ye dami sane ngɛ kojomi he ɔmɛ ekohu; nɛ dali tsuo ma nya he.

Yesaya 42:16

“Ma ngɔ ye hɛ yuyuili ɔmɛ kɛ gu hehi nɛ a nyɛɛ we hyɛ. Ma ha a diblii ɔ ma plɛ pee la; nɛ ma ha zugba nɛ nɔ ngɛ googagooga a nɔ maa sɔ tɛtlɛɛ ha mɛ. Níhi nɛ i ngɛ si woe kaa ma pee ji nɛ ɔmɛ nɛ; ma ha a maa ba mi pɛpɛɛpɛ.

Yesaya 42:7

O ma bli hɛ yuyuili a hɛngmɛ, nɛ nihi nɛ a wo mɛ tsu, nɛ a hii si ngɛ diblii mi ɔ, o ma ha a maa ye a he.

Yesaya 46:13

I ha ye kunimi yemi ligbi ɔ na nyɛ haa; e be tsitsaa lokoo kulaa. Ye kunimi yemi ɔ be se kpɛe. Ma he Yerusalem yi wami, nɛ ma wo Israel hɛ mi nyami.”

Yesaya 51:22

Nyɔmtsɛ Yawɛ, o Mawu ɔ nɛ faa e ma a he ɔ, bɔ nɛ e ngɛ dee ji nɛ ɔ nɛ: “Kplu nɛ i ngɔ ha mo ngɛ abofu nya a, i ngɛ hee ngɛ o dɛ. O be dã a nue hu konɛ o ko tataa si kaa dã tɔlɔ hu.

Yesaya 56:1

Bɔ nɛ Yawɛ ngɛ e ma a dee ji nɛ ɔ nɛ: “Nyɛɛ pee nɔ́ nɛ da, kɛ nɔ́ nɛ sa, ejakaa e be kɛe kulaa nɛ ma ba he nyɛ yi wami.

Yeremia 10:19

Yerusalem bi ɔmɛ kpa bubuubui ke, “Akuanyɛ! Wa plaa pɛ! Wa pa a be tsa ba. Se wa susu kaa wa ma nyɛ ma mia wa hɛ mi kɛ to nɔ.

Yeremia 14:7

Ye ma a fa kue ha mi ke, ‘Yawɛ, wa he yayami ɔmɛ ngɛ odase yee kɛ ngɛ wɔ sie lɛɛ, se kɛ̃, moo piɛ wa he kaa bɔ nɛ o wo si ɔ. Wa tsɔ o hɛ mi atuã be babauu; wa pee yayami kɛ si mo.

Yeremia 51:10

Yawɛ ke, “Ye ma, nyɛ he ose, nɛ nyɛ de ke, ‘Yawɛ wo wɔ nguɔ! Nyɛ ha nɛ waa ya Yerusalem, nɛ wa ya bɔ ma a nɔ́ nɛ Yawɛ, wa Mawu ɔ pee.’ ”

Kɔmɔ Yemi 1:18

“Yawɛ nɔ́ da. Ejakaa imi lɛ i tsɔ atuã, nɛ i bui e munyu ɔ; se kɛ̃ ɔ, nyɛ nihi tsuo nyɛɛ bu mi tue, konɛ amanehlu nɛ ba ye nɔ nɛ ɔ, nyɛɛ na. A nuu ye nihewi ɔmɛ, kɛ yihewi ɔmɛ nyɔguɛ kɛ ho.

Mose III, 26:41

nɛ lɔ ɔ he nɛ imi hu i je a se, nɛ i ngmɛɛ a he kɛ ha a he nyɛli, nɛ a kɛ mɛ ho ma se ya a nɛ. Se ke jehanɛ lɛɛ nyɛ nina tsake a tsui, nɛ a ba a he si, nɛ a kpa yayami peemi ɔ,

Malaki 3:18

Jamɛ a be ɔ mi ɔ, ye ma a maa na slɔɔto nɛ ngɛ dalɔ kɛ yayami peelɔ a kpɛti; nyɛ maa na slɔɔto nɛ ngɛ nɔmlɔ nɛ sɔmɔɔ mi, kɛ nɔ nɛ sɔmɔ we mi ɔ a kpɛti.” Yawɛ Tabohiatsɛ ɔ lɛ de.

1 Korintobi 4:5

Lɔ ɔ he ɔ, nyɛ ko kojo nɔ ko loko be ɔ nɛ su. Nyɛɛ mlɛ kɛ yaa si Nyɔmtsɛ ɔ maa ba. Ke e ba a, e ma je diblii mi níhi, kɛ tsui mi ní yayahi nɛ a kɛ laa a tsuo kpo. Jamɛ a be ɔ, nɔ tsuaa nɔ ma na yi jemi nɛ sa lɛ ɔ kɛ je Mawu dɛ mi.

2 Timoteo 4:8

Lɔ ɔ he ɔ, Mawu ngɔ ye hiɔwo nɛ ji jlasi nɛ e kɛ haa nihi tsuo nɛ peeɔ nɔ́ nɛ da a ngɔ to ha mi. Kojomi ligbi ɔ, Nyɔmtsɛ Yesu Kristo, nɔ nɛ yeɔ dami sane ɔ maa ngɔ ye jlasi ɔ ngɔ ha mi. Pi imi nɔ kake pɛ nɛ e ma ha, se mohu e ma ha nihi tsuo nɛ suɔ lɛ, nɛ a ngɛ e bami ɔ blɔ hyɛe ɔ.

Kpojemi 18:20

Hiɔwe! Mo nya kaa a kpata Babilon hɛ mi! Nyɛ ni klɔuklɔuhi, bɔfohi, kɛ gbali, nyɛ nya! Ejakaa Mawu bu lɛ fɔ ha nyɛ ngɛ nɔ́ nɛ e pee nyɛ ɔ he!

Samuel I, 24:15

Yawɛ maa kojo i kɛ mo wa kpɛti. E maa hyɛ, nɛ e maa ye ye sane ɔ ha mi. E maa wo mi nguɔ, nɛ e ma je mi kɛ je o dɛ mi.”

Samuel I, 25:39

Benɛ David nu kaa Nabal gbo ɔ, e de ke, “A je Yawɛ yi! E wo Nabal hiɔ ngɛ jɛmi nɛ e jɛ mi ɔ he. Jehanɛ hu e tsi ye nya konɛ ma ko pee yayami. Yawɛ wo Nabal nitsɛ e yayami ɔ he hiɔ.” Pee se ɔ, David tsɔ ke a ya su Abigail ha lɛ.

Samuel I, 26:10

David ya nɔ nɛ e de ke, “I na Yawɛ, hɛ kalɔ ɔ kaa lɛ Yawɛ nitsɛ e maa fia Saul nɔ, loo Saul gbenɔ be maa su nɛ e ma gbo, loo e ma gbo ngɛ ta nya.

Samuel I, 3:18

Lɔ ɔ he ɔ, Samuel de lɛ nɔ́ tsuaa nɔ́; e si we nɔ́ ko nɛ e de we lɛ. Eli de ke, “Lɛ ji Yawɛ ɔ nɛ; nɔ́ tsuaa nɔ́ nɛ sa e hɛ mi ɔ, e pee!”