Mika 7:7 - BAIBLO ALOO NGMAMI KLƆUKLƆU Ɔ

⁷ Se imi lɛɛ, ma hyɛ Yawɛ blɔ. I kɛ ye hɛ maa fɔ Mawu nɔ, ejakaa lɛ ji nɔ nɛ ma he ye yi wami. Ye Mawu ɔ maa bu mi tue.

Mika 7:7 ပူးပေါင်းရင်းမြစ်များ

Mose I, 49:18

“Yawɛ, i ngɛ mo blɔ hyɛe nɛ o ba kpɔ mi.

La 109:4

I suɔ mɛ, nɛ i faa kue kɛ haa mɛ, se mɛɛ lɛɛ a poɔ ye nya yaka gu.

La 130:5

I ngɛ Yawɛ blɔ hyɛe; e munyu ɔ nɔ i ngɔ ye hɛ kɛ fɔ.

La 25:5

Tsɔɔ mi nɛ ma hi si ngɛ o we anɔkuale ɔ nya, ejakaa mo Mawu ɔ ji ye yi wami helɔ. Daa nɛ ɔ, o nɔ lɛ i ngɔɔ ye hɛ kɛ fɔɔ.

La 37:7

Pee dii ngɛ Yawɛ hɛ mi; too o tsui si, nɛ o hyɛ lɛ blɔ. Koo ye o tsui ngɛ nihi nɛ ná a he ɔ a he; nihi nɛ pee yayami nɛ a kɛ ná a he ɔ, koo ye o tsui ngɛ a he.

La 38:15

Se i ngɔ ye hɛ ngɔ fɔ mo, Yawɛ o nɔ. Mo Yawɛ, ye Mawu; mo lɛ o maa pee ye hiami ní ɔmɛ ha mi.

La 50:15

Ke nyɛ yi fi ɔ, nyɛ tsɛ mi; ma je nyɛ, konɛ nyɛɛ wo ye hɛ mi nyami.”

La 65:2

Ee, mo pɛ lɛ o buɔ kue fami tue. O ngɔ adesahi tsuo maa ba,

La 85:5

Anɛ o mi mi ma fu wɔ daa lo? Anɛ o mi mi fumi ɔ ma tsa nɔ kɛ ya yi nɔhi tsuo lo?

Yesaya 12:2

Mawu ji ye yi wami helɔ; ma ngɔ ye hɛ ngɔ fɔ e nɔ, nɛ i be gbeye yee. Yawɛ Mawu ɔ ji nɔ nɛ haa mi he wami kɛ nyɛmi, lɛ nɔuu ji ye yi wami helɔ.

Yesaya 17:7

Jamɛ a be ɔ, nihi maa kpale kɛ ba a bɔlɔ, Israel Mawu klɔuklɔu ɔ ngɔ kɛ ba hla yemi kɛ buami.

Yesaya 25:9

Ke e ba mi ja a, nɔ tsuaa nɔ ma de ke, “Wa Mawu ji nɛ ɔ nɛ! Wa ngɔ wa hɛ ngɔ fɔ e nɔ, nɛ e kpɔ wɔ. Lɛ ji Yawɛ. Akɛnɛ wa ngɔ wa hɛ ngɔ fɔ e nɔ nɛ́ e he wa yi wami he je ɔ, wa bua jɔ wa he, nɛ wa ngɛ nyae.”

Yesaya 45:22

“Nyɛ nimli tsuo ngɛ je ɔ mi, nyɛɛ kpale kɛ ba ye ngɔ jehanɛ, konɛ a he nyɛ yi wami! Ejakaa imi nɔ kake too ji Mawu; Mawu kpa ko be.

Yesaya 8:17

Yawɛ ngɔ e hɛ mi ngɔ laa e ma a, se imi lɛɛ i heɔ yeɔ, nɛ i ngɔ ye hɛ ngɔ fɔ e nɔ.

Kɔmɔ Yemi 3:24

Yawɛ ji ye nɔ́ tsuaa nɔ́; lɔ ɔ he ɔ, i ngɔ ye hɛ kɛ fɔ e nɔ.

Daniel 3:17

Mawu nɛ ma nyɛ je wɔ kɛ je flɔɔnɔɔ kɛ e mi la nɛ ngɛ tsoe gegeege ɔ mi ɔ ji Mawu nɛ wa sɔmɔɔ ɔ nɛ; lɛ nɛ e ma je wɔ kɛ je o dɛ mi ɔ nɛ.

Hosea 12:6

Lɔ ɔ he ɔ, Yakob nina, nyɛɛ ngɔ nyɛ hɛ ngɔ fɔ nyɛ Mawu ɔ nɔ, nɛ nyɛɛ kpale kɛ ba e ngɔ. Nyɛɛ suɔ lɛ anɔkuale mi, nɛ́ nyɛɛ ye dami sane. Nyɛɛ to nyɛ tsui si, nɛ́ nyɛɛ hyɛ nyɛ Mawu ɔ blɔ.

Yoel 1:19

Yawɛ, i ngɛ kue fae kɛ ngɛ mo tsɛe; ejakaa la sã tso ɔmɛ tsuo ngɛ nga a nɔ. La kpata lohwe lɛmi he ɔmɛ tsuo a hɛ mi ngɛ nya nɔ!

Habakuk 2:1

Ma kuɔ kɛ ya ye bu he ɔ ngɛ mɔ ɔ yi mi, konɛ ma hyɛ nɔ́ nɛ Yawɛ ma de mi, kɛ bɔ nɛ e maa bua ye sane ɔ he ha.

Habakuk 2:3

Ngmaa kɛ to; ejakaa be nɛ a ma tsu nɔ́ nɛ ɔ sui lolo. Se kɛ̃ ɔ, be ɔ ma, nɛ e be kɛe, nɛ nɔ́ nɛ ma je ngɔ tsɔɔ mo ɔ maa ba mi kokooko. E maa pee kaa nɔ́ nɛ e ma blɛuu tsɔ, se kɛ̃ ɔ, hyɛ́ blɔ. Ejakaa e maa ba mi kokooko, nɛ e be kɛe.

Mose IV, 5:28

Se ke yo ɔ ya ble we e he, nɛ e he tsɔ ɔ, lɛɛ e maa ye e he, nɛ e ma nyɛ ma fɔ bimɛ.