Mika 7:6 - BAIBLO ALOO NGMAMI KLƆUKLƆU Ɔ

⁶ Ejakaa be nɛ ɔmɛ a mi ɔ, binyumuhi bui a tsɛmɛ hu; biyihi teɔ si kɛ woɔ a nyɛmɛ, nɛ nganyɛmɛ teɔ si kɛ woɔ nganyɛmɛ. Nɔmlɔ adesa he nyɛli ji lɛ nitsɛ e we mi bi.

Mika 7:6 ပူးပေါင်းရင်းမြစ်များ

Mose I, 49:4

O ngɛ kaa pa nɛ hia kɛ bee. Se jehanɛ lɛɛ, o kekleekle blɔ he ɔ ma bɔ mo. Ejakaa o kɛ ye plã ya hwɔ si Nɛ o ble o tsɛ sa a.

Samuel II, 16:11

Jehanɛ, David de Abishai, kɛ e tsɔli ɔmɛ tsuo ke, “Nyɛɛ hyɛ, ke imi nitsɛ ye bi fɔfɔɛ ngɛ ye wami se blɔ hlae ɔ, lɛɛ Benyamin no nɛ ɔ, mɛni tsiɔ lɛ blɔ? Nyɛɛ ngmɛɛ e he nɛ e gbiɛ mi faa, ejakaa Yawɛ nɛ de lɛ ke e pee ja a nɛ.

La 41:9

Ye huɛ nitsɛnitsɛ nɛ i heɔ lɛ yeɔ, nɛ i kɛ lɛ yeɔ ní ɔ, lɛ po e te si wo mi.

Abɛ Womi 30:11

Ni komɛ gbiɛɔ a tsɛmɛ, nɛ a gbaa we a nyɛmɛ.

Abɛ Womi 30:17

Nɔ nɛ gbeɔ e tsɛ he guɛ, nɛ e bui e nyɛ ɔ, kuakualabitehi nɛ ngɛ kɔ̃ ɔ mi ma ta e hɛngmɛ, nɛ okpokuhi maa ye lɛ.

Yesaya 3:5

A maa wa a sibi yi mi. Nihewi maa hyɛ nikɔtɔma hɛ mi, nɛ nihi nɛ bu be a he maa wo a he ha nihi nɛ a hɛ mi ngɛ nyami.

Yesaya 9:19

Akɛnɛ Yawɛ Tabohiatsɛ ɔ mi mi fu he je ɔ, e tue gblami ɔ nya wa kaa la nɛ ngɛ nimli tsuo a hɛ mi kpatae ngɛ zugba a nɔ. Nɔ tsuaa nɔ ngɛ lɛ nitsɛ e wami he plee.

Yeremia 12:6

Mo nitsɛ o nyɛmimɛ, kɛ o weku li te si kɛ wo mo; a so o yi nɔ, nɛ a ngɛ o se blɔ hlae kɛ hɛdɔ. Ke a ha mo hɛ mi, nɛ a kɛ mo tu munyu ngɛ he jɔmi mi po, koo ngɔ hɛ kɛ fɔ a nɔ.”

Yeremia 20:10

I nuɔ nɛ nihi babauu tuɔ munyu ngɛ a kuɔ si, nɛ a kɛ woɔ ye he gbeye. A deɔ ke, “Nyɛ ha nɛ wa ya po e nya ha nɔ yeli ɔmɛ!” Ye huɛmɛ kpakpahi tete po hii blɔ hyɛe kaa ye nane ma kpata lo. A deɔ ke, “Alini e maa du klama, kɛkɛ ɔ, wa nine maa su e nɔ nɛ wa maa ye wa he lue.”

Yeremia 9:4

Nyɛ ti nɔ tsuaa nɔ nɛ hyɛ e he saminya ngɛ e nyɛmi he; nɔ ko nɔ ko nɛ ko ngɔ e hɛ ngɔ fɔ e nyɛmi nɔ. Ejakaa nɔ tsuaa nɔ pee e he Yakob kɛ ngɛ e nyɛmi sisie, nɛ jã kɛ̃ nyɛmi ngɛ e nyɛmi he guɛ gbee kɛ ngɛ bee.

Ezekiel 22:7

Nɔ ko nɔ ko be ma a mi nɛ buɔ e fɔli. O yeɔ nibwɔhi amimi, nɛ o waa awusahi, kɛ yalɔyihi hu yi mi.

Obadia 1:7

Ni nɛmɛ nɛ o kɛ mɛ peeɔ kake kɛ hwuɔ ta a, a mlɔɔ mo nɛ a fie mo kɛ je o ma a mi. Ni nɛmɛ nɛ kɛ mo ngɛ saminya a, a mlɔɔ mo nɛ a ye o nɔ. Huɛmɛ nɛ kɛ mo yeɔ ní ɔ hu tsɔ mo klama, nɛ a deɔ ke? ‘Jije a hɛ mi tɛ̃mi ɔ ngɛ?’

Mateo 10:21

“Nyɛmi maa ngɔ e nyɛmi ngɔ ha nɛ a ya gbe lɛ, nɛ tsɛmɛ hu maa ngɔ a bimɛ ngɔ ha ja nɔuu. Bimɛ maa te si ngɔ wo a fɔli, nɛ a ma ha nɛ a gbe mɛ.

Mateo 26:23

Yesu he nɔ ke, “Nɔ nɛ maa tsɔɔ ye se blɔ ɔ, e kɛ mi ngɛ ní yee ngɛ kaa nɛ ɔ mi.

Luka 12:53

Mi gbami maa ba tsɛmɛ kɛ a binyumuhi a kpɛti; nyɛmɛ kɛ a biyihi ma ná, nɛ nganyɛmɛ kɛ nganyɛmɛ hu maa pee ja nɔuu.”

Luka 21:16

Nyɛ fɔli, nyɛ nyɛmimɛ, kɛ nyɛ weku li, nyɛ huɛmɛ tete maa ngɔ nyɛ kɛ ha, nɛ a maa gbe nyɛ ti ni komɛ.

Yohane 13:18

“Pi nyɛ tsuo nyɛ he nɛ i ngɛ enɛ ɔ dee; ejakaa nihi nɛ i hla a, i le bɔ nɛ a ngɛ. Se e sa kaa ngmami ɔ nɛ deɔ ke, ‘Nɔmlɔ nɛ kɛ mi dla ye abolo ɔ te si ngɔ si mi,’ ɔ nɛ ba mi.