Mika 7:4 - BAIBLO ALOO NGMAMI KLƆUKLƆU Ɔ

⁴ A ti ni kpakpahi, loo ni nɛmɛ nɛ da pe kulaa po, a ngɛ kaa nga kɛkɛ; a he be se nami. Be ɔ nɛ Mawu maa gbla e ma a tue ɔ su ta; haomi kɛ he hiami, kɛ hɛ mi kpatami be ɔ su ta.

Mika 7:4 ပူးပေါင်းရင်းမြစ်များ

Yesaya 10:3

Ke Mawu bɔni nyɛ tue gblami ɔ, kɛ nyɛ maa pee kɛɛ? Ke e ngɔ haomi kɛ je ma se kɛ ba na nyɛ ɔ, kɛ nyɛ maa pee kɛɛ? Mɛnɔ ngɔ nyɛ ma sa fo kɛ ya ya hla yemi kɛ buami? Jije nyɛ maa ngɔ nyɛ juetli kɛ to?

Yesaya 22:5

Mwɔnɛ ligbi nɛ ɔ, níhi nɛ Nyɔmtsɛ Yawɛ Tabohiatsɛ ɔ kɛ ba wa nɔ ngɛ nina kɔ̃ ɔ mi ji haomi, basabasa peemi, kɛ gidigidi peemi sɔuu. A ku ma a gbogbo ɔmɛ ngɔ pue si. Ngmlaa ngɛ pɛe ngɛ yo ɔmɛ a nɔ tsuo kɛ ngɛ balɔ tsɛe.

Yesaya 55:13

Mio tso nane mi ɔ, sɛsɛo maa puɛ. Tso kpakpa maa puɛ ngɛ mio tso nane mi. E maa pee okadi nɛ maa hi si kɛ maa ya neneene, nɛ a kɛ ma kai nɔ́ nɛ Yawɛ tsu.”

Yeremia 10:15

Amaga amɛ ɔ, se nami ko be a he, muɔ ní kɛkɛ ji mɛ. Be mi nɛ Yawɛ ma ba gbla ma a tue ɔ, a we amaga amɛ hu a maa ku mɛ dukuduku.

Yeremia 11:23

Be nɛ ma ngɔ amanehlu kɛ ba Anatot bi ɔmɛ a nɔ ɔ, i to momo. Ke jamɛ a be ɔ su ɔ, a ti nɔ ko nɔ ko he be mi jee.”

Yeremia 46:21

Ta buli nɛ Egipt bɔ mɛ apaa a, mɛ po a ngɛ kaa na bimɛ kɛkɛ. A nyɛ we nɛ a da si ngɛ ta a nya; mɛ tsuo a tu fo kɛ je ta a nya. A haomi be ɔ su, a hɛ mi kpatami be ɔ su.

Yeremia 8:12

Anɛ zo gbe mɛ benɛ a tsu musu ní nɛ ɔmɛ lo? Dɛbi, zo gbi mɛ fɛɛ; nɔ́ nɛ a tsɛɛ ke zo po a li. Enɛ ɔ he je ɔ, mɛ hu a ma gbo kɛ piɛ ni nɛmɛ nɛ a maa gbe ɔ a he. Ke i gbla a tue kɛkɛ a nyagbe ji lɔ ɔ nɛ. Imi, Yawɛ lɛ i de.

Ezekiel 2:6

“Se mo nɔmlɔ adesa, jamɛ a atuã tsɔli ɔmɛ lɛɛ koo ye mɛ gbeye; a munyu ɔmɛ hu koo bu. Ke a te si kɛ wo mo, nɛ a bui mo tue ɔ, e maa pee kaa miohi a mi o ngɛ, nɛ nyingmogblakotohi a nɔ o hii si ngɛ, se jamɛ a atuã tsɔli ɔmɛ lɛɛ koo ye mɛ gbeye; a munyu ɔmɛ hu koo bu.

Ezekiel 28:24

Yawɛ ke, “Je ma amɛ nɛ bɔle Israel kɛ kpe nɛ a pue e hɛ mi si ɔ, ekoeko be e he pee kaa mio, loo mio tso kɛ plaa Israel hu. Kɛkɛ ɔ, a maa le kaa imi ji Nyɔmtsɛ Yawɛ.”

Amos 8:2

Yawɛ tsɛ ye biɛ, nɛ e bi ke, “Amos, mɛni o na?” I he nɔ ke, “Kusii kɛ e mi tso yiblii nɛ fu.” Kɛkɛ nɛ Yawɛ de mi ke, “Tso yiblii ɔ daa si ha ye ma Israel. Bɔ nɛ tso yiblii ɔ fu ɔ tsɔɔ kaa be ɔ su jehanɛ, nɛ ma gbla a tue; i be ye yi mi tomi ɔ tsakee hu.

Nahum 1:10

Kaa bɔ nɛ a buaa mio tsohi, kɛ go gbigbli nya nɛ a sãã a, jã e maa sã nyɛ butuu!

Luka 21:25

“Nyakpɛ níhi maa ba pu, nyɔhiɔ, kɛ dodoehi a hɛ mi. Nihi babauu ngɛ je ɔ mi a kɔni mi ma jɔ̃; ke wo gli nɛ oslɔke pɛ kɛkɛ gbeye nu mɛ.

Hebribi 6:8

Se ke mio, kɛ hu lɛ puɛɔ ngɛ nɔ ɔ, lɛɛ se nami ko be he kulaa. Mawu maa gbiɛ zugba a, nɛ nyagbe ɔ, a kɛ la maa sã lɛ.