Mika 7:18 - BAIBLO ALOO NGMAMI KLƆUKLƆU Ɔ

¹⁸ Yawɛ, mawu kpa ko be nɛ kɛ mo sɔ. O ma a nɛ piɛ ɔ, o kɛ a he yayami paa mɛ. O mi mi fu we kɛ yɛ neneene, se mohu ɔ, o suɔ kaa o je o suɔmi nɛ se pui gblegbleegble ɔ ngɔ tsɔɔ wɔ.

Mika 7:18 ပူးပေါင်းရင်းမြစ်များ

Mose I, 4:7

E ji o pee nɔ́ nɛ hi jinɛ i ko na o he bua jɔmi. Se akɛnɛ o ya pee we nɔ́ nɛ hi ɔ, yayami buu si ngɛ o sinya a nya kaa lohwe dikalɔ nɛ e miɔ nɛ e maa tu mla mo. Se, hyɛ nɛ o ye yayami ɔ nɔ.”

Matsɛmɛ I, 8:23

nɛ e sɔle ke, “Yawɛ, Israel Mawu lee, mawu ko mawu ko be hiɔwe, loo zugba nɛ ngɛ kaa mo! Somi nɛ o kɛ o ma a so ɔ, o yeɔ nɔ; nɛ ke a bu mo tue kɛ a tsui tsuo ɔ, o jeɔ o suɔmi nɛ se pui ɔ kpo ngɔ tsɔɔ mɛ.

Kronika II, 30:9

Ke nyɛ kpale kɛ ba Yawɛ ngɔ ɔ, nyɛ nyɛmimɛ ɔmɛ, kɛ nyɛ bimɛ ɔmɛ a ní maa pee nihi nɛ ba nuu mɛ nyɔguɛ kɛ ho ɔ mɔbɔ. A maa ngmɛɛ a he, nɛ a maa kpale kɛ ba we ekohu. Yawɛ, nyɛ Mawu ɔ mi mi jɔ, nɛ e naa mɔbɔ. Ke nyɛ kpale kɛ ba e ngɔ ɔ, e ma he nyɛ atuu.”

Kronika II, 6:21

Ke imi, o tsɔlɔ ɔ, aloo o ma Israel ba hiɛmɛ nɛ ɔ ba fa kue ha mo ɔ, o nu ngɛ o hi he ɔ ngɛ hiɔwe, nɛ o ngɔ wa he yayami ngɔ pa wɔ.

Nehemia 9:17

A kplɛɛ we nɛ a bu mo tue; a hɛ je níhi tsuo nɛ o pee ɔ a nɔ, nyakpɛ níhi tsuo nɛ o pee ha mɛ ɔ, a hɛ je nɔ. Ngɛ a he nɔ womi ɔ mi ɔ, a hla hɛ mi nyɛɛlɔ konɛ e kpale mɛ kɛ ya Egipt nyɔguɛ yemi ɔ mi. Se moo lɛɛ Mawu nɛ ngɔɔ tɔmi ngɔ paa ji mo; dloolɔ kɛ mɔbɔ nalɔ ji mo, nɛ o mi mi fu we mla. O mɔbɔ nami ɔ kle; o kua we o ma a.

La 103:13

Bɔ nɛ tsɛ mi mi sãã lɛ ngɛ e bimɛ a he ɔ, ja lɛ Yawɛ hu mi mi sãã lɛ ngɛ nihi nɛ yeɔ lɛ gbeye ɔ a he.

La 130:4

Se o ngɔɔ yayami kɛ paa, konɛ a ye mo gbeye.

La 35:10

Ma de kɛ je ye tsui mi tɔɔ ke, “Yawɛ, mɛnɔ lɛ e kɛ mo sɔ? Mo lɛ o jeɔ nɔ nɛ he wɛ kɛ jeɔ nɔ nɛ he wa pe lɛ ɔ dɛ mi. Mo lɛ o jeɔ dɛgutsɛ kɛ jeɔ nɔ nɛ waa lɛ yi mi ɔ dɛ mi.”

La 65:3

nɛ a ba bu akɔtaa ngɛ a yayami ɔmɛ a he. Ke wa he yayami ɔmɛ ngɛ wɔ haoe ɔ, mo lɛ o kɛ paa wɔ.

La 65:4

A gbaa nɔ tsuaa nɔ nɛ mo nitsɛ o hla lɛ, nɛ o ngɔ lɛ kɛ ba o we ɔ. Wa ma na ní kpakpahi nɛ ngɛ o we klɔuklɔu ɔ a he bua jɔmi. O bu wa kue fami ɔ tue.

La 71:19

Mawu, bɔ nɛ o he wa, kɛ bɔ nɛ o yeɔ dami sane ɔ, nɔ ko nɔ ko be nyɛe maa kale. O tsu nyakpɛ níhi babauu. Mawu, mɛnɔ kɛ mo sɔ?

La 86:15

Se mo Nyɔmtsɛ ɔ, Mawu mɔbɔ nalɔ, kɛ Mawu nɛ suɔ nɔ ji mo. O toɔ o tsui si ha wɔ; o dlooɔ nɔ, nɛ o yeɔ nɔ anɔkuale daa.

La 86:5

Nyɔmtsɛ, o hi, nɛ o kɛ yayami paa nɔ. Nɔ tsuaa nɔ nɛ faa kue kɛ haa mo ɔ, o naa lɛ mɔbɔ.

La 89:6

Yawɛ, mɛnɔ lɛ ngɛ hiɔwe nɛ ngɛ kaa mo? Hiɔwe nibɔ ní ɔmɛ te nɔ́ nɛ kɛ mo sɔ?

La 89:8

Yawɛ Tabohiatsɛ Mawu! Mɛnɔ lɛ ngɛ he wami kaa mo Yawɛ? O yeɔ anɔkuale ngɛ nɔ́ tsuaa nɔ́ mi.

Mose II, 15:11

“Yawɛ lee, mɛnɔ ngɛ kaa mo? Mɛnɔ ngɛ kaa mo ngɛ mawu ɔmɛ a kpɛti? O je agbo; o he ngɛ gbeye; mo, mo nyakpɛ ní peelɔ.

Mose II, 34:9

E de ke, “Yawɛ, ke niinɛ nɛ o ngɛ ye he bua jɔmi ɔ, lɛɛ i kpa mo pɛɛ nɛ o kɛ wɔ nɛ ya. E ngɛ mi kaa ma nɛ ɔ kuɛ wa mohu, se moo ngɔ wa tɔmi ɔmɛ, kɛ wa he yayami ɔmɛ kɛ pa wɔ, nɛ o ngɔ wɔ kɛ pee mo nitsɛ o ma.”

Yesaya 1:18

Yawɛ ke, “Jehanɛ, nyɛɛ ba nɛ wɔ tsuo wa susu he. Ke nyɛ he yayami ɔ tsu kaa mɛni po, ma ha e ma hiɛ futaa kaa snoo, loo jijɔ he bwɔmi.

Yesaya 33:24

Nihi nɛ ngɛ zugba a nɔ ɔ, a ti nɔ ko nɔ ko be dee hu ke, “I be he wami.” A maa ngɔ ma a tsuo a he yayami kɛ pa mɛ.

Yesaya 38:17

Niinɛ, kpakpa nɛ o ngɛ hlae ha mi he je nɛ haomi nɛ nya wa nɛ ɔ ba ye nɔ ɔ nɛ; se o je mi kɛ je hɛ mi kpatami mi; ejakaa o kɛ ye he yayami ɔmɛ tsuo pa mi.

Yesaya 40:18

Mɛnɔ he nyɛ maa ngɔ Mawu kɛ to mɔ? Nɛ mɛni subai nyɛɛ kɛ maa to e he?

Yesaya 40:25

Mɛnɔ he nyɛ maa ngɔ Mawu Klɔuklɔu ɔ kɛ to? Mɛnɔ kɛ lɛ sɔ?

Yesaya 43:25

Se imi nɔuu ji Mawu nɛ ngɔɔ o he yayami ngɔ paa mo. I be o he yayami ɔmɛ kaie hu.

Yesaya 44:22

I je o tɔmi ɔmɛ kɛ je o he kɛ ho kaa bɔku. O yayami ɔmɛ laa kaa mɔtu afua. Kpale kɛ ba ye ngɔ, imi lɛ i he o yi wami ɔ nɛ.”

Yesaya 55:7

Nyɛ yiwutsotsɛmɛ, nyɛ kpa awi yemi, nyɛ yayami peeli, nyɛ ko susu nɔ́ yaya hu. Nyɛɛ kpale kɛ ba Yawɛ, wa Mawu ɔ ngɔ. E naa mɔbɔ, nɛ be tsuaa be ɔ, e kɛ nɔ tɔmi paa.

Yesaya 57:10

Nyɛ gbaa nyɛ he nya babauu kɛ kpaa si; pɔ hu tɔɛ nyɛ nɛ nyɛ ma kpa. Nyɛ susuɔ kaa nyɛ amaga amɛ haa nyɛ he wami, lɔ ɔ he ɔ, nyɛ ngmɛɛ we a he.

Yesaya 57:16

Imi nitsɛ nɛ i ha ye ma a wami; lɔ ɔ he ɔ, i kɛ mɛ be pɛe, nɛ ye mi mi hu be mɛ fue kɛ ya neneene.

Yesaya 62:5

Kaa bɔ nɛ niheyo kpeɔ yomiyo ayɛflo ɔ, ja nɔ nɛ bɔ mo ɔ maa ngɔ mo hulɔ. Bɔ nɛ ayɛflo huno nyaa ayɛflo he ɔ, ja o Mawu ɔ bua maa jɔ o he.

Yesaya 64:9

Lɔ ɔ he ɔ, Yawɛ, wa kpa mo pɛɛ nɛ o mi mi ko fu wɔ tsɔ; ko kai wa yayami ɔmɛ kɛ ya neneene! O ma ji wɔ; naa wɔ mɔbɔ.

Yesaya 65:19

Imi nitsɛ ye bua maa jɔ Yerusalem, kɛ ma mi bi ɔmɛ tsuo a he. A be ya fomi, loo kɔmɔ yemi he nue ngɛ ma a mi hu.

Yeremia 3:12

E ke ma ya de Israel ke, “Israel, yaholɔ, moo kpale kɛ ba ye ngɔ ekohu; ejakaa mɔbɔ nalɔ ji mi, nɛ i be ye hɛ mi tue kɛ wo mo. Ye mi mi be fue kɛ wo mo kɛ ya neneene.

Yeremia 3:5

Anɛ o mi mi ma fu mi daa kɛ yaa neneene lo?’ Israel, bɔ nɛ o deɔ ji nɛ ɔ nɛ; se kɛ̃ ɔ, o hɛ ngɛ o he nɔ nɛ o ngɛ ní yayamihi pee kɛ mwɔɔ.”

Yeremia 31:20

“Israel, mo ji ye bi nɛ i suɔ saminya; mo ji bi nɛ i suɔ pe bimɛ ɔmɛ tsuo. Be tsuaa be nɛ ma de nɔ́ ko kɛ si mo ɔ, ja i kɛ suɔmi kai mo kɛ̃. Ye hɛ jaa ngɛ o he, lɔ ɔ he ɔ, ma na mo mɔbɔ kɛ̃.

Yeremia 31:34

Nɔ ko pa be e nyɛmi, loo e he nɔ ko tsɔɔe hu ke e le Yawɛ, ejakaa nɔ tsuaa nɔ maa le mi, kɛ je jokuɛyo pe kulaa nɔ kɛ yaa si nɔkɔtɔma pe kulaa nɔ. Ma ngɔ a he yayami ɔmɛ kɛ pa mɛ, nɛ a ní yayami ɔmɛ hu i be kaie hu. Imi, Yawɛ lɛ i de.”

Yeremia 32:41

Ma ná a he bua jɔmi, nɛ ma suɔ kaa ma pee mɛ kpakpa. Nɛ ma to mɛ si saminya ngɛ zugba nɛ ɔ nɔ.

Yeremia 33:8

Ma tsu a he kɛ je yayamihi tsuo nɛ a pee kɛ si mi ɔ a he; ma ngɔ a he yayami ɔmɛ, kɛ ye hɛ mi atuã nɛ a tsɔ ɔ kɛ pa mɛ.

Yeremia 38:8

Ebedmelek ya lejɛ ɔ nɛ e ya de matsɛ ɔ ke,

Yeremia 50:20

Ke jamɛ a be ɔ su ɔ, a ma hla kaa a maa na Israel he yayami ko lo, se a be nae. Yuda hu a be yi wu tso nɔ́ ko nae ngɛ he e, ejakaa ni nɛmɛ nɛ i he a yi wami ɔ, ma ngɔ a he yayami ɔmɛ kɛ pa mɛ. Imi, Yawɛ lɛ i de.”

Yeremia 9:24

Ke nɔ ko suɔ kaa e maa fĩa a, e fĩa kaa e le mi saminya; ejakaa ye suɔmi ɔ se pui gblegbleegble; i peeɔ nɔ́ nɛ da, nɛ i yeɔ dami sane. Ní nɛ ɔmɛ ji níhi nɛ saa ye hɛ mi. Imi, Yawɛ lɛ i de.”

Ezekiel 18:23

Bɔ nɛ Nyɔmtsɛ Yawɛ ngɛ bie ji nɛ ɔ nɛ: “Anɛ i naa yayami peelɔ ɔ gbenɔ he bua jɔmi lo?” “Dɛbi, nɔ́ nɛ i suɔ mohu ji kaa e maa kpale kɛ je e blɔ yayami ɔ nɔ, nɛ e yi nɛ na wami.

Ezekiel 33:11

De mɛ ke imi Nyɔmtsɛ Yawɛ, i ngɛ ye he kita kae ke i na we yayami peelɔ gbenɔ he bua jɔmi, se mohu i suɔ kaa e kpa yayami peemi, konɛ e yi nɛ na wami. Israel, nyɛ kpa yayami nɛ nyɛ ngɛ pee ɔ. Mɛni he je nyɛ suɔ mohu kaa nyɛ ma gbo ɔ?

Ezekiel 33:16

Yayami nɛ e pee ɔ, ma ngɔ kɛ pa lɛ, nɛ e yi ma na wami; ejakaa e pee nɔ́ nɛ da, nɛ e ye dami sane.

Daniel 9:9

E ngɛ mi kaa wa tsɔ o hɛ mi atuã mohu lɛɛ, se mɔbɔ nalɔ ji mo, nɛ o kɛ nɔ he yayami paa nɔ.

Hosea 14:2

Nyɛɛ kpale kɛ ba Yawɛ, nyɛ Mawu ɔ ngɔ. Nyɛ ba fa kue ha lɛ, nɛ nyɛ de lɛ ke, “Ngɔɔ wa he yayami ɔmɛ kɛ pa wɔ; nɛ o bu wa kue fami ɔ tue, konɛ wa je o yi kaa bɔ nɛ wa wo si ɔ.

Hosea 14:5

Ma ha Israel ma a ma plɔke plɔplɔɔplɔ kaa zugba gbigbli nɛ hiɔmi nɛ pue nɔ.

Yoel 2:32

Se nihi tsuo nɛ ma sɔmɔ Yawɛ ɔ, a ma he a yi wami. Kaa bɔ nɛ Yawɛ de to ɔ, ‘Nihi nɛ ngɛ Yerusalem ɔ, a ti ni komɛ a yi ma na wami; mɛ ji ni nɛmɛ nɛ i hla a nɛ.’ ”

Amos 1:11

Yawɛ ke, “Edom ma mi bi ɔmɛ pee yayamihi nɔtonɔto babauu. A kɛ abofu nɛ nya wa fie a nyɛmimɛ Israel bi ɔmɛ kɛ klaate, nɛ a nɛ mɛ mɔbɔ kulaa.

Amos 7:8

E bi mi ke, “Amos, mɛni o na?” I he nɔ ke, “Sumui kɛ e nya kpa.” Kɛkɛ nɛ e de mi ke, “I ngɔ sumui kɛ e nya kpa nɛ ɔ kɛ ngɛ ye ma Israel ɔ susue kaa a susuɔ gbogbo. Enɛ ɔ he je ɔ, i be ye yi mi tomi ɔ tsakee hu; ja i gbla a tue kokooko!

Amos 8:2

Yawɛ tsɛ ye biɛ, nɛ e bi ke, “Amos, mɛni o na?” I he nɔ ke, “Kusii kɛ e mi tso yiblii nɛ fu.” Kɛkɛ nɛ Yawɛ de mi ke, “Tso yiblii ɔ daa si ha ye ma Israel. Bɔ nɛ tso yiblii ɔ fu ɔ tsɔɔ kaa be ɔ su jehanɛ, nɛ ma gbla a tue; i be ye yi mi tomi ɔ tsakee hu.

Yona 4:2

Lɔ ɔ he ɔ, e kɛ hɛdɔ fa kue ha Yawɛ nɛ e de ke, “Yawɛ, benɛ i na we ma je ye zugba a nɔ lokoo ɔ, enɛ ɔ nɛ i na nɛ i de ɔ nɛ. Enɛ ɔ he je nɛ i tu fo kɛ ho Spania ya a nɛ. Ejakaa mo Mawu ɔ, i le kaa o mi mi jɔ, o naa mɔbɔ, o toɔ o tsui si, o suɔmi tsakee we; nɛ o kɛ nɔ he yayami paa nɔ.

Mika 2:12

“Se nyɛ Israel ma nɛ piɛ ɔ, be ma nɛ ma bua nyɛ tsuo nyɛ nya. Ma ngɔ nyɛ kɛ ba he kake kaa tohi nɛ kpale ba a tsu mi. Nimli ma ba ha nyɛ zugba a nɔ tɔ ekohu kɛ a he ngmlaa kaa tohi babauu ngɛ a lɛmi he.”

Mika 4:7

Akpaketsɛmɛ ɔmɛ, kɛ ni nɛmɛ nɛ ngɛ ma se lokoo ɔ, ma kpale mɛ kɛ ba we ekohu; nɛ ma pee mɛ ma agbo. Ma hi Zion Yo ɔ nɔ kɛ ye matsɛ ngɛ a nɔ, kɛ maa je jamɛ a be ɔ mi, kɛ maa ya neneene.” Yawɛ lɛ de.

Mika 5:3

Lɔ ɔ he ɔ, Yawɛ maa ngmɛɛ e ma a he kɛ yaa si be nɛ nɔ nɛ nu kɔɔmi ɔ ma fɔ e bi ɔ. Lɔ ɔ se ɔ, bi nɛ ɔ nyɛmimɛ nɛ piɛ ɔ, maa kpale kɛ ba a nyɛmimɛ Israel bi ɔmɛ a ngɔ ekohu.

Mika 7:14

Yawɛ, moo hyɛ o ma a nɛ o hla a nɔ kaa bɔ nɛ to hyɛlɔ tsɔɔ e tohi. E ngɛ mi kaa a gbɛ ngɔ fia nga a nɔ mohu, se zugba kpakpa nɛ baa ní bɔle mɛ. Ha nɛ a ya ye Bashan kɛ Gilead zugba kpakpa amɛ a nɔ ní kaa bɔ nɛ a pee blema a.

Zefania 3:17

Yawɛ, nyɛ Mawu ɔ ngɛ nyɛ kpɛti; e he wami ɔ ma ha nɛ nyɛ maa ye kunimi. Yawɛ ma na nyɛ he bua jɔmi; e maa suɔ nyɛ sane, nɛ e ma ha nyɛ wami he. E ma la, nɛ e ma na nyɛ he bua jɔmi

Mose IV, 23:21

Mawu nɛ́ Yakob he yayami ko; Mawu nɛ́ Israel he hiami ko. Yawɛ, a Mawu ɔ kɛ mɛ ngɛ; Yawɛ ji a matsɛ.

Luka 15:32

Se e sa kaa wa nya, nɛ wa na bua jɔmi, ejakaa o nyɛmi nɛ ɔ gbo, se e kpale ba wami mi ekohu; e laa, se a na lɛ.’ ”

Luka 24:47

A ngma hu ke, a maa fiɛ ha je ma amɛ tsuo ngɛ e biɛ mi kaa a tsake a tsui, konɛ a ngɔ a he yayami ɔmɛ ngɔ pa mɛ. A maa je sisi kɛ je Yerusalem.

Romabi 11:4

Mɛni heto Mawu ha lɛ? E de lɛ ke, “I si gbali akpe kpaago hɛ ngmengmle ngɛ Israel nɛ mɛɛ a kpla we si ha Baal.”

Mose V, 33:26

Nyagbe ɔ, bɔ nɛ Mose gbaa Israel ma a tsuo ji nɛ ɔ nɛ: “Israel ma, mawu ko mawu ko be kaa nyɛ Mawu ɔ nɛ nyɛɛɔ kɔɔhiɔ mi kɛ agboje kɛ jee hiɔwe kɛ ba jee ngmlaa ha nyɛ ɔ.

Yakobo 2:13

Ejakaa nɔ nɛ nɛ́ mɔbɔ ɔ, benɛ a maa kojo lɛ ɔ, Mawu be lɛ mɔbɔ nae; se ke o naa mɔbɔ ɔ, Mawu be mo fɔ bue.

Manyadali 10:16

Lɔ ɔ he ɔ, a je mawu kpa amɛ kɛ je a kpɛti, nɛ a sɔmɔ Yawɛ. Amanehlu nɛ Israel bi ɔmɛ ngɛ nae ɔ hao Yawɛ.