Mika 7:16 - BAIBLO ALOO NGMAMI KLƆUKLƆU Ɔ

¹⁶ Je ma amɛ maa na enɛ ɔ, nɛ zo maa gbe mɛ. A ma yɔse kaa mamoo a he wami ɔ sui he ko saasaa. Sawale maa nu mɛ; a ma ma a nya, nɛ a kɛ a nine nguɛhi maa hɔɔ a tue puɔ mi.

Mika 7:16 ပူးပေါင်းရင်းမြစ်များ

Yesaya 26:11

Yawɛ, o to kaa o maa gbla he nyɛli ɔmɛ a tue, se a li tete. Ha nɛ zo nɛ gbe mɛ, nɛ a na nɔ́. Gbla a tue kaa bɔ nɛ o to ha mɛ ɔ. Ha nɛ a na kaa o suɔ o ma a sane saminya.

Yesaya 52:15

Se jehanɛ lɛɛ e he maa pee je mahi babauu nyakpɛ; nɛ matsɛmɛ pohu a nya maa kpɛ a he wawɛɛ. Ejakaa nɔ́ ko nɛ a de we mɛ hyɛ ɔ, a maa na, nɛ nɔ́ ko nɛ a nui hyɛ ɔ, a maa nu sisi jehanɛ.”

Kpojemi 11:18

Je ma amɛ a mi mi fu mo, se jehanɛ ɔ, be su nɛ mo hu o mi mi ma fu mɛ. Be su nɛ o maa kojo nihi tsuo nɛ gbo ɔ, nɛ o tsɔli nɛ ji gbali ɔmɛ, ni klɔuklɔu ɔmɛ, kɛ nimli wawihi kɛ nimli nguahi tsuo nɛ yee mo gbeye ɔ, be su nɛ o maa wo mɛ hiɔ. Nihi nɛ kpataa zugba a hɛ mi ɔ, be su nɛ o ma kpata mɛ hu a hɛ mi.”

Romabi 3:19

Jehanɛ ɔ, wa le kaa níhi tsuo nɛ ngɛ mlaa a mi ɔ, nihi nɛ yeɔ mlaa a nɔ ɔ a he nɛ e kɔɔ. Lɛɛ nɔ ko nɔ ko be nya jemi; je ɔ tsuo yeɔ fɔ ngɛ Mawu hɛ mi.

Zakaria 12:9

Jamɛ a be ɔ, je ma tsuaa je ma nɛ maa te si kɛ si Yerusalem ɔ, ma kpata e hɛ mi.

Mika 5:8

Israel bi nɛ maa piɛ ngɛ je ma amɛ a kpɛti ɔ, a he ma ba wa kaa jata ngɛ pu mi lohwehi, loo we mi lohwehi a kpɛti. Ke e sɛ a kpɛti kikɛ nɛ ɔ, e maa naa a nɔ, nɛ e ma tsɔtslɔɔ a mi nɛ nɔ ko be nyɛe ma kpɔ mɛ.

Ezekiel 38:23

Ke e ba mi kikɛ nɛ ɔ, je ma amɛ tsuo maa na kaa i kle, nɛ i ngɛ klɔuklɔu. Kɛkɛ ɔ, a maa le jehanɛ kaa imi ji Yawɛ.”

Yesaya 66:18

I le níhi nɛ a ngɛ susue, kɛ níhi nɛ a ngɛ pee. Be ma nɛ ma bua je ma amɛ tsuo, kɛ gbi slɔɔtoslɔɔto ɔmɛ tsuo a nya. Ke a ba a, a ma ba na ye hɛ mi nyami ɔ.

La 126:2

Jamɛ a be ɔ mi ɔ, wa muɔ jɛɛ, nɛ wa la bua jɔmi la boboobo. Je ma amɛ hu de a sibi ke, “Yawɛ tsu ní nguanguahi ha mɛ.”

Hiob 21:5

Nyɛɛ hyɛ mi ha! Anɛ bɔ nɛ i ngɛ nɛ ɔ ha we nɛ nyɛ he mi nɛ po, nɛ nyɛɛ pee dii lo?

Abɛ Womi 30:32

Ke o ya je kuasia, nɛ o ya wo o he nɔ, aloo o ya to ga yayami ɔ, pee dii nɛ o susu o yi mi.

Mika 3:7

Zo maa gbe gbali ɔmɛ kɛ klaali ɔmɛ; mɛ tsuo pɛpɛɛpɛ a ma ma a nya. Ke a gba a, e be mi bae fɛɛ, ejakaa a be sɛ gbi ko nae kɛ je Mawu ngɔ hu.

Hagai 2:22

nɛ ma ngɔ nɔ yemi ɔmɛ kɛ a he wami ɔmɛ ngɔ fia si. Ma ha ta zugba lɛ ɔmɛ maa nɔɔ si kɛ a kudɔli ɔmɛ; okpɔngɔ ɔmɛ ma gbo, nɛ a nɔ hili ɔmɛ maa gbe a sibi.