Mika 7:14 - BAIBLO ALOO NGMAMI KLƆUKLƆU Ɔ

¹⁴ Yawɛ, moo hyɛ o ma a nɛ o hla a nɔ kaa bɔ nɛ to hyɛlɔ tsɔɔ e tohi. E ngɛ mi kaa a gbɛ ngɔ fia nga a nɔ mohu, se zugba kpakpa nɛ baa ní bɔle mɛ. Ha nɛ a ya ye Bashan kɛ Gilead zugba kpakpa amɛ a nɔ ní kaa bɔ nɛ a pee blema a.

Mika 7:14 ပူးပေါင်းရင်းမြစ်များ

La 100:3

Nyɛ na nyɛɛ le kaa Yawɛ ji Mawu. Lɛ nɛ e bɔ wɔ; e níhi ji wɔ. E ma ji wɔ; wa ngɛ kaa tohi nɛ e ngɛ lɛe.

La 143:5

I kaii sa blema a, nɛ i susuɔ níhi tsuo nɛ o tsu ɔ a he; i susuɔ níhi nɛ o pee ɔ a he.

La 28:9

Yawɛ, he o ma a yi wami; moo gbaa o nina a. Moo hyɛ mɛ kɛ ya neneene kaa bɔ nɛ to hyɛlɔ hyɛɛ e tohi.

La 95:7

Ejakaa wa Mawu ji lɛ! Wɔ ji e ma a nɛ; lɛ nɛ hyɛɛ wa nɔ; wa ngɛ kaa tohi nɛ e ngɛ tsɔe. Mwɔnɛ ɔ, nyɛɛ bu e gbi ɔ tue:

Mose II, 33:16

Ke o kɛ wɔ yɛ ɔ nɛɛ, kɛ a maa pee kɛ na kaa o ngɛ i kɛ o ma a wa he suɔmi kɛɛ? Ke o kɛ wɔ nyɛɛ ɔ, lɔ ɔ loko i kɛ o ma a maa je muno ngɛ zugba a nɔ je ma amɛ tsuo a he.”

Lahi 4:1

Ye afɛu yo; o he ngɛ fɛu saminya! Hyɛ bɔ nɛ o hɛngmɛ ɔmɛ ngɛ kpɛe kɛ suɔmi ngɛ o hɛ mi hami nɔ́ ɔ se. O yi bwɔmi ngɛ doe ngɛ o yi nɔ kaa to akpakpo kuu nɛ a ngɛ tuue ngɛ Gilead yoku ɔmɛ a nɔ.

Yesaya 27:13

Ke jamɛ a ligbi ɔ su ɔ, a ma kpa titimati nguaa ko kɛ tsɛ Israel bi ɔmɛ tsuo nɛ a nuu kɛ ho ma se ya a kɛ je Asiria kɛ Egipt. A maa ba, nɛ a ma ba ja Yawɛ ngɛ Yerusalem, ngɛ yo klɔuklɔu ɔ nɔ.

Yesaya 35:2

Niinɛ mɔmɔ babauu maa puɛ ngɛ nɔ, nɛ e kɛ bua jɔmi ma he ose ngɛ mɔmɔ ɔmɛ a he; e maa pee fɛu kaa Lebanon yo ɔmɛ a nɔ; e maa ba ní kaa Karmel kɛ Sharon zugba a. Nɔ tsuaa nɔ maa na Yawɛ hɛ mi nyami, kɛ wa Mawu ɔ we agboje, kɛ e he wami ɔ.

Yesaya 37:24

O tsɔ o tsɔli kɛ ba ye imi Nyɔmtsɛ ɔ ye he fɛu, nɛ o de ke, ‘I ngɔ ye ta zugba lɛhi kɛ kuɔ yo ɔmɛ kɛ ya su Lebanon tɔɔ. I poo Lebanon seda tso gagaa amɛ, kɛ sɛsɛo saminyawiiwi ɔmɛ ngɔ pue si. I sɛ Lebanon hue kusuu ɔ mi kɛ ya tsitsaa lokoo.

Yesaya 40:11

E maa lɛ e to kuu ɔ kaa to hyɛlɔ kpakpa; e ma bua e to bi ɔmɛ a nya, nɛ e maa hɛɛ mɛ ngɛ e bɔkɔ mi; to nyɛ ɔmɛ hu e ma tsɔ̃ mɛ blɛuu.

Yesaya 49:10

Hwɔ be mɛ yee, nɛ kuma be mɛ yee gblegbleegble. Pu la, kɛ nga kplanaa nɔ kɔɔhiɔ nɛ mi dɔ la be mɛ awi yee; ejakaa nɔ nɛ suɔ mɛ ɔ maa piɛ a he. E maa tsɔɔ mɛ blɔ kɛ ya nyu hɛngmɛhi a he.

Yesaya 65:10

Ye ma a mi bi nɛ hlaa ye se blɔ ɔ, Sharon nga a nɔ maa pee a to lɛmi he, nɛ Haomi kɔ̃ ɔ mi ji he nɛ a nahi maa jɔɔ a he ngɛ.

Yeremia 49:31

‘Jamɛ a ma a nɛ e mi bi ngɛ he jɔmi, kɛ tue mi jɔmi mi ɔ, nyɛ ha nɛ wa ya tua mɛ! Ma a fɔɔ si gu, agbo be he ɔ, dade se lami nɔ́ hu be he.’

Kɔmɔ Yemi 1:7

Benɛ Yerusalem ngɛ nɔ́ nae wawɛɛ ngɛ ma se ɔ, e kai e blema si himi, kɛ ní kpakpahi tsuo nɛ e ná a. Benɛ he nyɛli ɔmɛ a nine su e nɔ ɔ, nɔ ko nɔ ko ba ji ngmlaa ha lɛ. He nyɛli ɔmɛ ye e he fɛu, nɛ a bɔ lɛ ahlua ngɛ si nɛ e nɔ ɔ he.

Kɔmɔ Yemi 5:21

Yawɛ, moo kpale wɔ kɛ ba o ngɔ ekohu! Yawɛ, kpale wɔ kɛ da wa da he ekohu! Ngɔɔ wa blema hɛ mi nyami ɔ kɛ ha wɔ ekohu.

Ezekiel 36:11

Nimli, kɛ lohwehi a he ma ba hiɛ babauu ngɛ zugba a nɔ; a ma plɔke, nɛ a ma fɔ bimɛ. Ma ha a maa hi zugba a nɔ kaa bɔ nɛ a hi nyɛ zugba a nɔ sa a. Ma ha nyɛ maa bɔ pe kekle ɔ po. Kɛkɛ ɔ, nyɛ maa le kaa imi ji Yawɛ.

Mose III, 27:32

Na amɛ, kɛ to ɔmɛ a mi dlami nyɔngmanyɔngma mi kakaaka a peeɔ Yawɛ níhi. Ke a ngɛ lohwe ɔmɛ kanee ɔ, kake ngɛ nyɔngma tsuaa nyɔngma mi peeɔ Yawɛ nɔ́.

Amos 9:11

Yawɛ ke, “Amlɔ nɛ ɔ, David matsɛ yemi kpetekpleenyɛ ɔ pee kaa we ko nɛ hule ngɔ pue si. Se be ma nɛ ma ha nɛ matsɛ yemi nɛ ɔ maa da si ekohu kaa bɔ nɛ e ngɛ sa a.

Obadia 1:19

“Nihi nɛ je Yuda leneyi je ɔ maa ngɔ Edom; ni nɛmɛ nɛ je bonyoku je yoku ɔmɛ a nɔ ɔ maa ngɔ Filisti bi ɔmɛ a zugba a. A maa ngɔ Efraim kɛ Samaria zugba amɛ; nɛ Benyamin wɛtso ɔ maa ngɔ Gilead.” Mawu lɛ de.

Mika 5:4

Ke matsɛ nɛ ɔ ba a, e maa ye e ma a nɔ kɛ he wami, kɛ kã nɛ je Yawɛ Mawu ɔ nitsɛ ngɔ. E ma mi bi ɔmɛ maa hi si ngɛ he jɔmi mi, ejakaa a maa bu lɛ ngɛ je ɔ mi he tsuaa he.

Zefania 3:13

Israel bi nɛ maa piɛ ɔ, a be nɔ́ yayami pee; a be lakpa yee, nɛ a be nɔ sisie hulɔ. A ma plɔke, nɛ a he mi maa jɔ mɛ, nɛ nɔ ko nɔ ko be nyɛe maa wo a he gbeye.”

Zakaria 10:10

Ma kpale mɛ kɛ maa je Egipt, nɛ ma bua a nya kɛ maa je Asiria kɛ ba we, nɛ a ma ba hi mɛ nitsɛmɛ a zugba nɔ; Gilead kɛ ya pue Lebanon zugba amɛ tsuo po be mɛ kpe.

Zakaria 11:7

To je juali ɔmɛ bɔ mi apaa, nɛ i hyɛ to kuu ɔ nɛ a yaa gbe ɔ nɔ. I ngɔ dɛma tso enyɔ. I wo kake biɛ ke “Dloomi”, nɛ i tsɛ enyɔne ɔ “Kakepeemi”. Nɛ i hyɛ to ɔmɛ a nɔ.

Malaki 3:4

Nike ní nɛ Yuda ma a, kɛ Yerusalem bi ɔmɛ ma ba ha Yawɛ ɔ, ja jã loko nike ní ɔ maa sa e hɛ mi kaa sa a.

Mose IV, 23:9

I da tɛ sa amɛ a nɔ kɛ hyɛ mɛ; i na mɛ kɛ je yoku ɔmɛ a yi mi. O nɛ, ma kake mi bi ji mɛ; a kɛ a he bɔɛ ma je li ɔmɛ a he!

Mose IV, 32:1

Ruben bi ɔmɛ, kɛ Gad bi ɔmɛ ngɛ lohwehi babauu nitsɛ. Benɛ a na kaa Yazer zugba a, kɛ Gilead zugba a hi ha lohwe lɛmi ɔ,

Mose IV, 32:4

nɛ ji mahi nɛ Yawɛ piɛ Israel ma kpekpemi ɔ he kɛ kpɔ ɔ, zugba a hi ha lohwe lɛmi; nɛ wɔ o tsɔli ɔmɛ hu, wa ngɛ lohwehi babauu.

Mateo 2:6

‘Mo Betlehem ma, ngɛ Yuda zugba a nɔ ɔ, mo ji ma nyafii pe kulaa ngɛ Yuda ma amɛ a kpɛti; se o mi lɛ matsɛ maa je kɛ ba ye ye ma Israel ɔ nɔ.’ ”

Yohane 17:16

Pi je ɔ mi bi ji mɛ kaa bɔ nɛ imi hu pi je ɔ mi nɛ i je ɔ.

Mose V, 33:28

Lɔ ɔ he ɔ, Yakob nina maa hi si ngɛ tue mi jɔmi mi; a nine maa su zugba kpakpa nɔ, he nɛ bɔ́ nɛɔ ngɛ, nɛ́ blɛfo kɛ wai baa saminya ngɛ.