Mika 6:5 - BAIBLO ALOO NGMAMI KLƆUKLƆU Ɔ

⁵ Ye ma, nyɛ kai nɔ́ nɛ Moab matsɛ, Balak to nɛ e maa pee nyɛ, kɛ heto nɛ Beor binyumu Balaam ha lɛ. Nyɛ kai níhi nɛ ba ngɛ blɔ nɔ kɛ je nyɛ si tomi he ɔ ngɛ Shitim kɛ ya Gilgal ɔ. Nyɛ kai ní nɛ ɔmɛ, konɛ nyɛɛ na bɔ nɛ i pee kɛ he nyɛ yi wami.” Yawɛ lɛ de.

Mika 6:5 ပူးပေါင်းရင်းမြစ်များ

Mose IV, 25:1

Benɛ Israel bi ɔmɛ ngɛ Shitim ɔ, a kɛ Moab yi ɔmɛ nɛ ngɛ lejɛ ɔ bɔni nyumu kɛ yo yakayaka fiɛmi fiɛmi.

Manyadali 5:11

Nyɛɛ bu tue! Nimli asafo ɔ nɛ pueɔ si ngɛ nyɛ nyu yɛmi he ɔmɛ ɔ, a ngɛ lae, nɛ a ngɛ gbae bɔ nɛ Yawɛ ye manye ha Israel. Kɛkɛ nɛ Yawɛ ma a kɛ gɛjɛmi nyɛɛ kɛ ba agbo ɔmɛ a nya.

Yoshua 4:19

Kekleekle nyɔhiɔ ɔ we ligbi nɛ ji nyɔngma a nɔ ɔ, ma a po Yordan pa a, nɛ a ya to si ngɛ Gilgal, ngɛ Yeriko ma a beleku je.

Kpojemi 2:14

Se kɛ̃ ɔ, i kɛ mo ngɛ sane bɔɔ ko. Ni komɛ ngɛ nyɛ kpɛti nɛ ya wo Balaam tsɔɔmi ɔ. Balam lɛ tsɔɔ Balak kaa e tsɔ Israel bi ɔmɛ klama nɛ a ye wɔ nya lo, nɛ a fiɛ yo kɛ nyumu yakayaka fiɛmi.

Yuda 1:11

Musu tloo mɛ pɛ! A ya ngɔ Kain blɔ ɔ. Yayami nɛ Balaam pee ɔ, a ngɔ a he ya wo jamɛ a yayami ɔ mi ngɛ se nami he. A tsɔ atuã kaa bɔ nɛ Kora tsɔ atuã a, nɛ a hɛ mi kpata kaa lɛ.

1 Yohane 1:9

Se ke wa jaje wa he yayami ɔmɛ ha Mawu ɔ, e maa ye e siwo ɔ nɔ, nɛ e maa pee bɔ nɛ sa. E kɛ wa he yayami ɔmɛ maa pa wɔ; e maa tsu wa he, nɛ e ma je ní yayahi nɛ wa pee ɔ tsuo.

2 Petro 2:15

A je blɔ tlɔmɔɔ ɔ nɔ, nɛ a laa blɔ kaa bɔ nɛ Beor bi Balaam pee ɔ pɛpɛɛpɛ. Balaam ya di se nami se, nɛ e kɛ pee nɔ́ nɛ dɛ;

La 143:11

Yawɛ, mo he ye yi wami kaa bɔ nɛ o wo si ɔ. O peeɔ nɔ́ nɛ da, lɔ ɔ he ɔ, mo je mi kɛ je haomi mi.

Mose V, 16:3

Nyɛ ko ye masa nɔ́ ko ligbi kpaago, se mohu nyɛɛ ye abolo kplolo, nɛ ji nɔ́ nami niye ní nɛ nyɛ ye benɛ nyɛɛ kɛ he hiami tu fo kɛ je Egipt ɔ. Nyɛɛ ye abolo kplolo nɛ ɔ, konɛ nyɛ wami be mi tsuo ɔ, nyɛ kɛ kai bɔ nɛ nyɛ je Egipt, he nɛ nyɛ na nɔ́ ngɛ ɔ.

Mose V, 9:7

“Nyɛ hɛ ko je nɔ kɔkɔɔkɔ, bɔ nɛ nyɛ wo Yawɛ, nyɛ Mawu ɔ mi mi la ngɛ nga kplanaa a nɔ. Kɛ je ligbi ɔ nɛ nyɛ je Egipt zugba a nɔ kɛ ba si be nɛ nyɛ ba su hiɛmɛ nɛ ɔ, Yawɛ hɛ mi atuã sɔuu nyɛ ngɛ tsɔe.

Mose V, 8:18

Nyɛ kai kaa Yawɛ, nyɛ Mawu ɔ ji nɔ nɛ haa nyɛ he wami nɛ nyɛ kɛ naa ní. E ngɛ enɛ ɔmɛ pee, ejakaa e ngɛ anɔkuale yee kɛ mwɔɔ ngɛ somi nɛ e kɛ nyɛ nɛmɛ ɔmɛ so ɔ he.

Efesobi 2:11

Ma je li, pi Yuda fɔfɔɛ ji nyɛ. Ni nɛmɛ nɛ deɔ ke mɛɛ lɛɛ Mawu nitsɛ e nihi ji mɛ ɔ, bɔ nɛ a tsɛɔ nyɛ ji mɔmlɔtɔtsɛmɛ. A tsɛɔ nyɛ jã, ejakaa a po mɛ; se lɔ ɔ po nɔ́ ko kɛkɛ nɛ adesa pee. Lɔ ɔ he ɔ, nyɛ kai bɔ nɛ nyɛ ngɛ sa be ko ɔ.

Mose V, 8:2

Nyɛ kai kaa Yawɛ, nyɛ Mawu ɔ kpaka nyɛ ngɛ blɔ gagaa nɛ ɔ nɔ kɛ gu nga kplanaa a nɔ jeha nyingmi eywiɛ sɔuu. E ha hɛdo níhi kɛ nyɛ kpe kɛ ka nyɛ hyɛ, konɛ e kɛ le nɔ́ nɛ ngɛ nyɛ tsui mi, kaa nyɛ maa ye e mlaa amɛ a nɔ, loo nyɛ be a nɔ yee.

Mose IV, 31:16

Nyɛ kai kaa yi nɛ ɔmɛ nɔuu lɛ a ya bu Balaam ga womi tue, nɛ a puɛ Israel bi ɔmɛ a juɛmi, nɛ a kɛ pee yayami kɛ si Yawɛ ngɛ Peor jamɛ a ligbi ɔ nɛ. Enɛ ɔ he je nɛ gbenɔ hiɔ ba Yawɛ ma a nɔ ɔ nɛ.

Mose IV, 31:8

kɛ Midian matsɛmɛ enuɔ ɔmɛ. Mɛ ji Evi, Rekem, Zur, Hur, kɛ Reba. A gbe Beor binyumu Balaam ɔ hulɔ.

Mose IV, 23:27

Balak ya nɔ nɛ e de Balaam ke, “Ha nɛ wa pa ya he kpa, kaa alini jehanɛ lɛɛ Mawu maa kplɛɛ kaa o gbiɛ mɛ ha mi ngɛ lejɛ ɔ lo.”

Mose IV, 22:41

E nɔ jena a, Balak ngɔ Balaam kɛ ho Bamot Baal ya, nɛ Balaam na Israel ma a fa ko kɛ je lejɛ ɔ.

La 111:4

Yawɛ haa nɛ a kaiɔ e nyakpɛ ní tsumi ɔmɛ. E mi mi jɔ, nɛ e naa mɔbɔ.

La 71:19

Mawu, bɔ nɛ o he wa, kɛ bɔ nɛ o yeɔ dami sane ɔ, nɔ ko nɔ ko be nyɛe maa kale. O tsu nyakpɛ níhi babauu. Mawu, mɛnɔ kɛ mo sɔ?

La 36:10

Nihi nɛ le mo ɔ, naa mɛ mɔbɔ daa. Nihi nɛ peeɔ nɔ́ nɛ da a, mo hu moo pee mɛ kpakpa daa.

Samuel I, 12:7

Lɔ ɔ he ɔ, nyɛɛ da si dii, konɛ ma po nyɛ nya ngɛ Yawɛ hɛ mi, nɛ ma kai nyɛ ní nguahi nɛ Yawɛ pee kɛ he nyɛɛ kɛ nyɛ nɛmɛ ɔmɛ a yi wami.

Mose IV, 33:49

A to si ngɛ Moab nga a nɔ, ngɛ Yordan pa a tue, kɛ je Bet Yesimot kɛ ya si Abel Shitim.

Yoshua 2:1

Nun bi Yoshua tsɔ slaali enyɔ kɛ je Shitim nigii; nɛ e fa mɛ ke, “Nyɛ ya slaa Kanaan zugba a saminya, titli ɔ Yeriko.” Benɛ slaali ɔmɛ ya su ma a mi ɔ, a ya to yo ajuama ko nɛ a tsɛɛ lɛ Rahab ɔ we mi.

Yoshua 3:1

Mɔtu mla a, Yoshua kɛ Israel ma a te si, nɛ a hia kɛ je Shitim kɛ ba Yordan pa a nya. A to si ngɛ lejɛ ɔ, nɛ a mlɛ loko a po pa a.

Manyadali 11:25

Kɛ o susuɔ kɛɛ? Mo lɛ o hi pe Moab matsɛ, Balak, Zipor binyumu ɔ lo? Anɛ e kɛ Israel pɛ́ hyɛ, aloo e kɛ mɛ hwui ta hyɛ lo?

Yesaya 1:27

Akɛnɛ dalɔ ji Yawɛ he je ɔ, e ma he Yerusalem yi wami, nɛ nɔ tsuaa nɔ nɛ ngɛ lejɛ ɔ nɛ ma tsake e tsui hu, a ma he e yi wami.

Mose IV, 25:2

Yi nɛ ɔmɛ kpeeɔ mɛ kɛ yaa niye ní nɛ a kɛ ba sã bɔ ha a mawu ɔmɛ ɔ a he. A yeɔ ní ɔ, nɛ a jaa mawu ɔmɛ hulɔ.

Mose V, 23:6

Lɔ ɔ he ɔ, ligbi abɔ nɛ o ngɛ je mi nɛ ɔ, koo piɛ a he kɛ tsu nɔ́ ko nɔ́ ko nɛ ma ha nɛ a ma na a he, loo a ma plɔke.