Mika 6:3 - BAIBLO ALOO NGMAMI KLƆUKLƆU Ɔ

³ Yawɛ ke, “Ye ma, mɛni i pee nyɛ? Anɛ i ha nɛ pɔ tɔ nyɛ lo? Nyɛ ha mi heto.

Mika 6:3 ပူးပေါင်းရင်းမြစ်များ

Yeremia 2:5

Yawɛ ke, “Mɛni tɔmi nyɛ nɛmɛ ɔmɛ na ngɛ ye he loko a tsɔ a he kɛ je ye he ɔ? A ya nyɛɛ níhi nɛ he be se nami a se, nɛ mɛ nitsɛmɛ a plɛ pee yaka nimli.

La 81:13

I na nɛ ye ma a bu mi tue; i na nɛ Israel bi ɔmɛ nyɛɛ ye se!

Yeremia 2:31

Nyɛ Israel ma, nyɛɛ bu nɔ́ nɛ imi, Yawɛ i ngɛ dee ɔ tue. Anɛ i kɛ nyɛ ye sane nɛ dɛ lo? Anɛ i pee kaa nga kplanaa, aloo zugba nɛ e nɔ wo diblii kpii ha nyɛ lo? Mɛni he je mɔ nɛ nyɛ deɔ ke, ‘Jehanɛ lɛɛ wa ye wa he, wa pa be Mawu ngɔ yae hu?’ ɔ.

La 50:7

“Ye ma, nyɛ ta tue saminya, konɛ nyɛɛ nu nɔ́ nɛ ma de kɛ si nyɛ, Israel ma. Imi ji nyɛ Mawu ɔ nɛ.

Romabi 3:19

Jehanɛ ɔ, wa le kaa níhi tsuo nɛ ngɛ mlaa a mi ɔ, nihi nɛ yeɔ mlaa a nɔ ɔ a he nɛ e kɔɔ. Lɛɛ nɔ ko nɔ ko be nya jemi; je ɔ tsuo yeɔ fɔ ngɛ Mawu hɛ mi.

Mika 6:5

Ye ma, nyɛ kai nɔ́ nɛ Moab matsɛ, Balak to nɛ e maa pee nyɛ, kɛ heto nɛ Beor binyumu Balaam ha lɛ. Nyɛ kai níhi nɛ ba ngɛ blɔ nɔ kɛ je nyɛ si tomi he ɔ ngɛ Shitim kɛ ya Gilgal ɔ. Nyɛ kai ní nɛ ɔmɛ, konɛ nyɛɛ na bɔ nɛ i pee kɛ he nyɛ yi wami.” Yawɛ lɛ de.

La 81:8

Ye ma, nyɛɛ bu tue nɛ ma wo nyɛ ga. Israel bi, i na nɛ nyɛ bu mi tue!

La 51:4

Mo, o nɔ nɛ i tɔ̃, mo pɛ nɛ i pee yayami nɛ ɔ kɛ si. Lɔ ɔ he ɔ, fɔ nɛ o bu mi ɔ, e sa mi. Piami ko piami ko be o he.

Yesaya 5:4

Anɛ nɔ́ ko pa ngɛ nɛ i tsu we ngɛ e he lo? Lɛɛ mɛni he je mɔ nɛ e wo yiblii nɛ dooɔ, se pi wai yiblii kpakpa nɛ i ngɛ blɔ hyɛe kaa e maa wo ɔ?