Mika 6:2 - BAIBLO ALOO NGMAMI KLƆUKLƆU Ɔ

² Nyɛ yohi, nyɛɛ bu munyuhi nɛ Yawɛ kɛ ngɛ e ma a nya poe ɔ tue! Nyɛ zugba a sisi tomihi nɛ nyɛ ngɛ daa, nyɛ ta tue! Yawɛ kɛ e ma, Israel na, nɛ e maa jaje e sane ɔ.

Mika 6:2 ပူးပေါင်းရင်းမြစ်များ

Samuel II, 22:16

Benɛ Yawɛ mi mi fu nɛ e kuɛ wo e he nyɛli ɔmɛ ɔ, wo nyu dɔ ɔmɛ, kɛ je ɔ sisi tomi ɔmɛ je kpo.

Samuel II, 22:8

Kɛkɛ nɛ zugba a mimiɛ nɛ e hoso; hiɔwe sisi tomi ɔmɛ hɛ a he, nɛ a mimiɛ; ejakaa Mawu mi mi fu!

La 104:5

O ngɔ je ɔ ngɔ ma e sisi tomi ɔ nɔ kpɛii, nɛ a be jee ngɛ lejɛ ɔ gblegbleegble.

Abɛ Womi 8:29

Benɛ e fa wo ɔ ke wo nyu ɔ ko be e huzu ɔ he ɔ, i ngɛ lejɛ ɔ. Benɛ e to je ɔ sisi ɔ, jamɛ a be ɔ, i ngɛ lejɛ ɔ.

Yesaya 1:18

Yawɛ ke, “Jehanɛ, nyɛɛ ba nɛ wɔ tsuo wa susu he. Ke nyɛ he yayami ɔ tsu kaa mɛni po, ma ha e ma hiɛ futaa kaa snoo, loo jijɔ he bwɔmi.

Yesaya 3:13

Yawɛ pee klaalo kaa e maa jaje e sane ɔ; e pee klaalo kaa e maa kojo e ma a.

Yesaya 43:26

“Mo kai mi, konɛ waa hla mi. Moo jaje o sane ɔ koo, konɛ waa hyɛ nɔ nɛ nɔ́ da!

Yesaya 5:3

Lɔ ɔ he ɔ, ye huɛ ɔ de ke, “Nyɛ nihi nɛ nyɛ ngɛ Yerusalem kɛ Yuda, nyɛɛ hyɛ sane nɛ ngɛ i kɛ ye wai ngmɔ ɔ wa kpɛti ɔ mi ha wɔ.

Yeremia 2:9

“Lɔ ɔ he ɔ, imi Yawɛ, i kɛ ye ma a maa to ní. I kɛ mɛ, kɛ a nina tsuo maa to ní.

Yeremia 25:31

nɛ huhui maa pɛ kɛ ya je ɔ nyagbe he ɔmɛ tɔɔ. Yawɛ kɛ je ma amɛ ná. E maa kojo nɔ tsuaa nɔ, nɛ yiwutsotsɛmɛ lɛɛ e maa gbe mɛ. Yawɛ lɛ de.’ ”

Yeremia 31:37

Ke a ma nyɛ ma susu hiɔwe, nɛ zugba a sisi tomi ɔ hu a ma nyɛ ma hla a, lɛɛ Yawɛ hu ma kua Israel ma a ngɛ níhi tsuo nɛ a pee ɔ a he. Yawɛ lɛ de.

Hosea 12:2

Yawɛ kɛ Yuda ma a ná. E maa gbla Israel ma a hu tue ngɛ a je mi bami he. A he yayami ɔmɛ a he ɔ, e maa gbla a tue.

Hosea 12:3

Israel bi ɔmɛ a nɛ̃, Yakob nu e nyɛminyumu hayo ɔ nɛ a tsɛɛ lɛ Esau ɔ nane seja benɛ mɛ ni enyɔ ɔmɛ a ngɛ a nyɛ muklii mi nɛ a fɔ we mɛ lolo ɔ; nɛ benɛ Yakob ba wa a, e kɛ Mawu fia atlibo.

Hosea 4:1

Nyɛ Israel bi, nyɛɛ bu nɔ́ nɛ Yawɛ ngɛ dee ɔ tue. Yawɛ ke Israel ma a tɔ̃ e nɔ. E ke, “Anɔkuale yemi ta zugba a nɔ; suɔmi be, nɛ imi Mawu nitsɛ hu a li mi.

Mika 6:1

Nyɛɛ bu nɔ́ nɛ Yawɛ ngɛ e ma Israel dee ɔ tue. Yawɛ, tee si nɛ o jaje o sane ɔ; ha nɛ yo ɔmɛ kɛ yoku ɔmɛ nɛ a nu o gbi.

Mose V, 32:22

Ye mi mi fumi nya maa wa wawɛɛ kaa la nɛ ngɛ tsoe; e maa sã nɔ́ tsuaa nɔ́ ngɛ je ɔ mi kɛ ya su gbeje tɔɔ; e maa sã yo ɔmɛ a sisi tomi ɔmɛ hulɔ.

Mose V, 4:26

I tsɛ hiɔwe kɛ zugba odase kaa ke nyɛ bui mi tue ɔ, nyɛ hɛ mi ma kpata ngɛ zugba a nɔ. Lɛɛ zugba a nɛ nyɛ yaa ngɔ ngɛ Yordan pa a se ɔ, nyɛ se be kɛe ngɛ nɔ. A ma kpata nyɛ hɛ mi pɛsɛpɛsɛ.