Mika 6:15 - BAIBLO ALOO NGMAMI KLƆUKLƆU Ɔ

¹⁵ Nyɛ ma du ní, se nyɛ be ní kpae. Nyɛ maa nga oliv yiblii kɛ pee nu, se nyɛ be nu kpae. Nyɛ maa pee wai, se nyɛ be nue.

Mika 6:15 ပူးပေါင်းရင်းမြစ်များ

Zefania 1:13

A maa ha a níhi, nɛ a we ɔmɛ maa pee we dokuhi. Wehi nɛ a ngɛ poe ɔ, a be a mi hie, nɛ wai ngmɔhi nɛ a ngɛ hue ɔ, a be a mi dã nue.”

Amos 5:11

I le kaa nyɛ peeɔ yayami agboagbohi babauu. Nyɛ waa nimli kpakpahi yi mi. Nyɛ heɔ nyɔ mi ní. Nyɛ sisiɔ ohiatsɛmɛ, nɛ nyɛ plɛɔ dami sane hɛ mi ngɔ buɔ si. Enɛ ɔmɛ a he je ɔ, mɔ kpakpahi nɛ nyɛɛ kɛ tɛ ma a, nyɛ be a mi hie. Jehanɛ se hu, wai ngmɔ saminyawiiwi nɛ nyɛ pee ɔ, nyɛ be a mi dã nue.

Yeremia 12:13

Ye ma mi bi ɔmɛ du ngma, se a kpa mio mohu. A gbo dengme, se nɔ́ ko nɔ ko ji mi kɛ bɛ. A ngmɔ ɔmɛ bɛ ní, ejakaa ye mi mi fu mɛ wawɛɛ nitsɛ.”

Hagai 1:6

Nyɛ du ní gidiglɛmɛɛ, se nyɛ kpa bɔbɔyoo pɛ. Nyɛ yeɔ ni, se nyɛ tɔɛ gblee. Nyɛ nuɔ dã, se e sui nyɛ nya. Nyɛ ngɛ heha ní, se e ha we nɛ nyɛ he mi nɛ pee kulɔɔ. Nyɛ yeɔ apaa, nɛ a woɔ nyɛ hiɔ, se nyɛ kɛ woɔ kotoku nɛ sisi gu mi. Yawɛ Tabohiatsɛ ɔ ke, ‘Nyɛ na bɔ nɛ níhi ngɛ yae ha.’

Mose III, 26:20

Nyɛ ma gbo yaka dengme; ejakaa nyɛ zugba a be ní bae, nɛ e nɔ tso ɔmɛ hu be yiblii woe.

Yohane 4:37

Enɛ ɔ tsɔɔ kaa nɔ́ ko nɛ a deɔ ke, ‘Nɔ ko duɔ ní, nɛ nɔ ko hu kpaa’ a ngɛ mi niinɛ.

Hiob 31:8

lɛɛ níhi nɛ i du ɔ, ni kpahi nɛ a ba ye; aloo ní ɔmɛ a hɛ mi nɛ kpata.

Habakuk 3:17

Ke ngmɔkɔ tso gba we mɔmɔ, nɛ wai tso ɔmɛ wui yiblii, ke oliv nu bɛ, nɛ niye ní be ngmɔ ɔ nɔ, ke to ɔmɛ a hɛ mi kpata, nɛ na amɛ gbo ta tsu ɔ mi, ke ní nɛ ɔmɛ tsuo ba mi po,

Mose III, 26:16

lɛɛ ma ngɔ amanehlu gbeyegbeye nɛ ɔmɛ kɛ gbla nyɛ tue: hiɔ nɛ be tsa ba, kɛ asla nɛ puɛɔ nɔ hɛngmɛ, nɛ haa nɔ peeɔ hiɔtsɛ kulaa. Nyɛ ma du ní, se nɔ́ kpakpa ko be mi jee; ejakaa nyɛ he nyɛli maa ye nyɛ nɔ, nɛ mɛ mohu a ma ba ye ní ɔmɛ nɛ nyɛ du ɔ.

Manyadali 6:4

Ke a ba kikɛ nɛ ɔ, a ma kpata zugba a nɔ niba ní tsuo hɛ mi hluu kɛ yaa si Gaza tɔɔ. A maa nuu to ɔmɛ, na amɛ, kɛ teji ɔmɛ tsuo kɛ ho; nɛ a be nɔ́ ko sie ha Israel bi ɔmɛ nɛ a ye.