Mika 6:14 - BAIBLO ALOO NGMAMI KLƆUKLƆU Ɔ

¹⁴ Nyɛ maa ye ní, se nyɛ be tɔe; anɔkuale mi ɔ, hwɔ maa hi nyɛ yee kɛ sa. Nyɛ maa muɔ níhi kɛ ya, se nyɛ be nyɛe kɛ to; ke nyɛɛ kɛ nɔ́ ko to po, ma kpata hɛ mi ngɛ ta mi.

Mika 6:14 ပူးပေါင်းရင်းမြစ်များ

Yesaya 30:6

Mawu sɛ gbi nɛ ɔ kɔɔ lohwe nane eywiɛɛywiɛtsɛmɛ nɛ ngɛ leneyi je nga kplanaa a nɔ ɔ a he. “Ma tsɔli ɔmɛ nyɛɛ kɛ ya gu zugba nɛ nɔ ngɛ gbeyegbeye ɔ nɔ. Jatahi, sinɔ duɔtsɛmɛ, kɛ nyakahi nɛ tee ngɛ lejɛ ɔ. A ngɔ nike níhi nɛ a he jua wa ngɔ pue tejihi, kɛ yomahi a nɔ ya ke ma ko nɛ be nyɛe maa piɛ a he.

Yesaya 65:13

Lɔ ɔ he ɔ, imi Nyɔmtsɛ Yawɛ, i ngɛ dee ke, ni nɛmɛ nɛ buɔ mi tue, nɛ a jaa mi ɔ, a ma ná ní babauu maa ye, se nyɛɛ lɛɛ hwɔ maa gbe nyɛ; ye sɔmɔli ɔmɛ ma na nyu maa nu, se nyɛɛ lɛɛ kuma maa gbe nyɛ; ye sɔmɔli ɔmɛ ma nya, se nyɛɛ lɛɛ zo maa gbe nyɛ.

Yesaya 9:20

O maa na nɛ nihi ngɛ ní gblɔe hiɔ kɛ muɔ, nɛ a ngɛ yee tsuatsuaatsua, se a tɔɛ gblee. Mɛ nitsɛmɛ a bimɛ po, a ngɛ yee!

Yeremia 48:44

Ke nɔ ko tu fo kɛ je haomi ɔ nya a, e ma ya nɔ muɔ mi. Nɛ ke e je muɔ ɔ mi ɔ, e ma ya du klama. Ní nɛ ɔmɛ maa ba mi, ejakaa Yawɛ to be nɛ a kɛ ma kpata Moab hɛ mi.

Ezekiel 5:12

Gbenɔ hiɔ, kɛ hwɔ maa gbe ma mi bi ɔmɛ a mi dlami etɛ mi kake; mi dlami etɛ mi kake maa nɔ ngɛ klaate nya kɛ maa bɔle ma a kɛ kpe, nɛ mi dlami etɛ mi kake ɔ hu, ma gbɛ mɛ ngɔ fĩa je ɔ mi tsuo; nɛ ma hia ta kɛ nyɛɛ a se.

Hosea 4:10

Ke ma a ba sã bɔ ɔ, nyɛ blɔ fa mi nɔ́ ɔ, nyɛ maa ye, se nyɛ be tɔe. Nyɛ ma ya bɔ ajuama, se bi be mi jee; ejakaa imi Yawɛ ɔ, nyɛ kua mi, nɛ nyɛ ngɛ mawu kpahi jae. Bɔ nɛ yo yaholɔ peeɔ ɔ, jã ye ma a je ye se nɛ a ngɔ a he ya ha mawu kpahi.”

Mose III, 26:26

Ma ha nɛ nyɛ niye ní se maa po kulaa. Niye ní he maa hia bɔ nɛ abolo tsuo nɛ nyɛ maa ye ɔ, yihi nyɔngma pɛ maa sã ngɛ flɔɔnɔɔ kake mi. A maa ngmɛ abolo ɔ ngɛ sɛni tɛ nɔ ha nyɛ, nɛ ke nyɛ ye ɔ nyɛ be tɔe.

Hagai 1:6

Nyɛ du ní gidiglɛmɛɛ, se nyɛ kpa bɔbɔyoo pɛ. Nyɛ yeɔ ni, se nyɛ tɔɛ gblee. Nyɛ nuɔ dã, se e sui nyɛ nya. Nyɛ ngɛ heha ní, se e ha we nɛ nyɛ he mi nɛ pee kulɔɔ. Nyɛ yeɔ apaa, nɛ a woɔ nyɛ hiɔ, se nyɛ kɛ woɔ kotoku nɛ sisi gu mi. Yawɛ Tabohiatsɛ ɔ ke, ‘Nyɛ na bɔ nɛ níhi ngɛ yae ha.’

Hagai 2:16

Jamɛ a be ɔ mi ɔ, ke nyɛ ya blɛfo ngmɔ mi, nɛ nyɛ ngɛ blɔ hyɛe kaa nyɛ ma na susumi nɔ́ nyingmi enyɔ ɔ, susumi nɔ́ nyɔngma pɛ nyɛ naa. Nyɛ hyɛ blɔ kaa nyɛ ma na dã buɛ nyingmi enuɔ ngɛ wai muɔ ɔ mi; se nyingmi enyɔ pɛ nyɛ naa.