Mika 5:8 - BAIBLO ALOO NGMAMI KLƆUKLƆU Ɔ

⁸ Israel bi nɛ maa piɛ ngɛ je ma amɛ a kpɛti ɔ, a he ma ba wa kaa jata ngɛ pu mi lohwehi, loo we mi lohwehi a kpɛti. Ke e sɛ a kpɛti kikɛ nɛ ɔ, e maa naa a nɔ, nɛ e ma tsɔtslɔɔ a mi nɛ nɔ ko be nyɛe ma kpɔ mɛ.

Mika 5:8 ပူးပေါင်းရင်းမြစ်များ

Zakaria 10:5

Ma ha nɛ Yuda bi a he maa wa. Mɛ tsuo a maa pee kaa ta buli katsɛmɛ ngɛ ta nya; a maa naa a he nyɛli a nɔ, nɛ a maa pee mɛ kaa zugba zu. I kɛ ye ma a ngɛ saminya, lɔ ɔ he ɔ, ma ha a kɛ a he nyɛli ɔmɛ maa to ní, nɛ ta okpɔngɔ nɔ hili ɔmɛ po a hɛ mi ma pue si.

Mika 4:13

Yawɛ ke, “Nyɛ Yerusalem bi, nyɛɛ ya nɛ nyɛ ya gbla nyɛ he nyɛli ɔmɛ a tue! Ma ha nyɛ dade tso nyɛ, kɛ dade tso mi bihi nɛ nyɛɛ kɛ maa gbee je mahi babauu. Nyɛ ma kpata a hɛ mi, nɛ níhi nɛ a kpɔ pani nya ngɛ nihi a dɛ ɔ, nyɛ maa ngɔ kɛ ba ha imi, je ɔ tsuo Nyɔmtsɛ ɔ.” Mawu lɛ de.

Zakaria 12:3

Jamɛ a be ɔ, ma ha Yerusalem maa pee tɛ nɛ jiɔ ha je ma amɛ tsuo. Ma tsuaa ma nɛ ma wo tɛ nɛ ɔ nɔ ɔ, e maa ye e he awi. Je ma amɛ tsuo ma bla, nɛ a maa te si kɛ wo Yerusalem.

Zakaria 9:15

Yawɛ Tabohiatsɛ ɔ maa bu e ma a he, a maa naa amlami fɔli ɔmɛ a nɔ, nɛ a ma kpata a hɛ mi. Muɔ ma pue si kaa wai nɛ hyi kplu. A ma pue a he nyɛli a muɔ si basaa kaa bɔ nɛ a kpaa muɔ kɛ pueɔ bɔ sami la tɛ nɔ ɔ.

Hosea 5:14

Imi Yawɛ, ma tsɔtslɔɔ Israel kɛ Yuda a mi ngɔ pue si kaa jata peeɔ nɔ́. Ma ngɔ mɛ kɛ ho; nɛ nɔ ko nɔ ko be nyɛe ma kpɔ mɛ ngɛ ye dɛ.

La 50:22

“Nyɛ nihi tsuo nɛ nyɛ hɛ je imi Mawu, ye nɔ ɔ, nyɛ susu nɔ́ nɛ ɔ he saminya. Ke pi ja a, ma tsɔtslɔɔ nyɛ, nɛ nɔ ko nɔ ko be nɛ ma kpɔ nyɛ.

Hebribi 12:25

Lɔ ɔ he ɔ, nɔ nɛ kɛ nyɛ ngɛ munyu tue ɔ, nyɛɛ bu lɛ tue. Nihi nɛ bui nɔ nɛ bɔ mɛ kɔkɔ ngɛ zugba a nɔ tue ɔ, a yi a he. Nɛ wɔɔ lɛɛ ke nɔ nɛ je hiɔwe ɔ kɛ wɔ ngɛ munyu tue nɛ wa bui lɛ tue ɔ, kɛ wa maa pee kɛ ye wa he kɛɛ?

Ni Tsumi 18:6

Enɛ ɔ he ɔ, a te si wo lɛ, nɛ a tu musu bɔmi munyuhi kɛ si lɛ. Lɔ ɔ he ɔ, e huanya e tade mi mu kɛ pue a nɔ, nɛ e de mɛ ke, “Nyɛ musu tloo nyɛ! Imi lɛɛ ye nya be mi. Kɛ je be nɛ ɔ kɛ yaa a, ma je li ɔmɛ a ngɔ ma ya.”

Mateo 10:14

Ke we, loo ma ko mi bi he we nyɛ atuu, nɛ nyɛ sɛ gbi ɔ hu, a bui tue ɔ, nyɛ blɛ nyɛ nane si zu ngɔ pue lejɛ ɔ, nɛ nyɛɛ je.

Mose I, 49:9

Yuda ngɛ kaa jata nɛ ya ye de lo nɛ e kpale ba ba buu si, ngɛ e he jɔɔe; mɛnɔ ma nyɛ maa tsɛ̃ɛ̃ lɛ?

Hebribi 2:3

Ke wɔɔ lɛɛ wa bui yi wami hemi kpetekpleenyɛ nɛ ɔ, kɛ wa maa pee kɛ ye wa he kɛɛ? Nyɔmtsɛ ɔ nitsɛ lɛ tu yi wami hemi nɛ ɔ he munyu kekle; nɛ nihi nɛ nu ɔ, mɛ hu a ma nɔ mi ha wɔ.

Mose IV, 24:9

E bua e he nya, nɛ e buu si kaa jata ku; Ee e buu si kaa jata yo. Mɛnɔ ma nyɛ maa tsɛɛ lɛ? Nɔ tsuaa nɔ nɛ gbaa mo ɔ, a maa gbaa lɛ; Nɔ tsuaa nɔ nɛ gbiɛɛ mo ɔ, a maa gbiɛ lɛ.”

La 44:5

Mo lɛ o haa nɛ wa yeɔ wa he nyɛli ɔmɛ a nɔ. Nihi nɛ teɔ si kɛ woɔ wɔ ɔ, o biɛ waa kɛ jɔɔ a he.

La 104:20

O haa nɛ je jɔɔ, kɛkɛ ke diblii wo ɔ, pu mi lohwehi tsuo jeɔ kpo.

Abɛ Womi 30:30

Jata: e he wa pe lohwehi tsuo, nɛ e yi lohwe ko lohwe ko gbeye.

Yesaya 5:29

Ta buli ɔmɛ hwɔ hoo kaa jatahi nɛ a gbe lohwe ko nɛ a ngɛ huãe ngɛ he, nɛ a kɛ yaa he nɛ nɔ ko nɔ ko be nyɛe ma kpɔ ngɛ a dɛ.

Ezekiel 39:10

E be hiae kaa a ya lɛ lɛ́, loo a ya poo tso kɛ pee lɛ́. Ejakaa ta hwumi ní nɛ a bua nya a, a kɛ maa pee lɛ́ nɛ a ma slɛ. Nihi nɛ ha a níhi, nɛ a fia mɛ ojo ɔ, Israel bi ɔmɛ hu maa ha a níhi, nɛ a maa fia mɛ ojo ja nɔuu.” Nyɔmtsɛ Yawɛ lɛ de.

Mika 2:12

“Se nyɛ Israel ma nɛ piɛ ɔ, be ma nɛ ma bua nyɛ tsuo nyɛ nya. Ma ngɔ nyɛ kɛ ba he kake kaa tohi nɛ kpale ba a tsu mi. Nimli ma ba ha nyɛ zugba a nɔ tɔ ekohu kɛ a he ngmlaa kaa tohi babauu ngɛ a lɛmi he.”

Mika 4:7

Akpaketsɛmɛ ɔmɛ, kɛ ni nɛmɛ nɛ ngɛ ma se lokoo ɔ, ma kpale mɛ kɛ ba we ekohu; nɛ ma pee mɛ ma agbo. Ma hi Zion Yo ɔ nɔ kɛ ye matsɛ ngɛ a nɔ, kɛ maa je jamɛ a be ɔ mi, kɛ maa ya neneene.” Yawɛ lɛ de.

Mika 5:3

Lɔ ɔ he ɔ, Yawɛ maa ngmɛɛ e ma a he kɛ yaa si be nɛ nɔ nɛ nu kɔɔmi ɔ ma fɔ e bi ɔ. Lɔ ɔ se ɔ, bi nɛ ɔ nyɛmimɛ nɛ piɛ ɔ, maa kpale kɛ ba a nyɛmimɛ Israel bi ɔmɛ a ngɔ ekohu.

Mika 7:18

Yawɛ, mawu kpa ko be nɛ kɛ mo sɔ. O ma a nɛ piɛ ɔ, o kɛ a he yayami paa mɛ. O mi mi fu we kɛ yɛ neneene, se mohu ɔ, o suɔ kaa o je o suɔmi nɛ se pui gblegbleegble ɔ ngɔ tsɔɔ wɔ.

Zakaria 11:6

Yawɛ de mi ke, “I be nɔ ko nɔ ko mɔbɔ nae hu ngɛ zugba a nɔ. Imi nitsɛ ma ha ni ɔmɛ tsuo a ti nɔ tsuaa nɔ maa sɛ e nyɛmi kpá mi. Ee, a maa sɛ matsɛ ɔ kpá mi. A ma kpata zugba a hɛ mi, nɛ nɔ ko nɔ ko he be mi jee.”

Malaki 4:3

Ligbi ɔ nɛ ma tsu ní nɛ ɔ, yiwutsotsɛmɛ maa pee kaa la zu ngɛ nyɛ nane sisi, nɛ nyɛ maa naa a nɔ.” Yawɛ Tabohiatsɛ ɔ lɛ de.

Zakaria 14:18

Ke Egipt bi hu ma kua ke a be yae nɛ a ya ye Gbasisihimi nyami be ɔ, Yawɛ ma ha haomihi nɛ ba je ma amɛ nɛ kua yami nɛ a ya ja lɛ ɔ a nɔ ɔ nɔuu maa ba Egipt bi ɔmɛ a nɔ.