Mika 5:6 - BAIBLO ALOO NGMAMI KLƆUKLƆU Ɔ

⁶ A kɛ klaate maa ye Asiria bi ɔmɛ a nɔ kunimi, nɛ a ma je wɔ kɛ je Asiria bi ɔmɛ a dɛ mi, ke a ba tua wa zugba a.

Mika 5:6 ပူးပေါင်းရင်းမြစ်များ

Matsɛmɛ II, 15:29

Israel matsɛ, Peka yi nɔ ɔ, Asiria matsɛ, Tiglat Pileser ba ngɔ Iyon, Abel Bet Maaka, Yanoa, Kedesh, Hazor, Gilead, kɛ Galilea-Naftali zugba a tsuo; nɛ e ngɔ nimli nɛ ɔmɛ nyɔguɛ kɛ ho Asiria ya.

Kronika I, 1:10

Kush bi ji Nimrod; lɛ ji kekleekle nɔ nɛ he biɛ kaa nɔmlɔ ngua ngɛ je ɔ mi.

Kronika II, 33:11

Enɛ ɔ he je ɔ, Yawɛ ha nɛ Asiria tabo ɔ asafoatsɛmɛ ɔmɛ ba tua Yuda. A kɛ gbowehi nu Manase nɛ a wo lɛ kɔsɔkɔsɔ, nɛ a ngɔ lɛ kɛ ho Babilon ya.

Hiob 29:22

Ke i tu munyu gbe nya a, nɔ ko de we nɔ́ ko hu; ejakaa a nuɔ ye munyu ɔmɛ a sisi saminya.

La 110:3

Ligbi ɔ nɛ o maa hia ta kɛ wo o he nyɛli ɔmɛ ɔ, o ma mi bi ɔmɛ maa ngɔ a he kɛ ha ngɛ mɛ nitsɛmɛ a suɔmi nya. Nihewi babauu ma ba pue si ngɛ yo klɔuklɔu ɔmɛ a nɔ kaa makɛ bɔ́.

La 72:6

Ha nɛ matsɛ ɔ yi nɔ nɛ jɔ kaa hiɔmi nɛ nɛɛ pueɔ ngmɔ nɔ nɛ haa zugba a nyu ɔ.

Yesaya 14:2

Je ma amɛ maa ngɔ Israel bi ɔmɛ kɛ ba zugba nɛ Yawɛ ha mɛ ɔ nɔ ekohu, nɛ a ma ba sɔmɔ mɛ kaa nyɔguɛhi. Nihi nɛ nuu Israel nyɔguɛ sa a, jehanɛ lɛɛ Israel hu maa ye a nɔ.

Yesaya 14:25

Ma kpata Asiria bi ɔmɛ a hɛ mi ngɛ ye ma Israel zugba a nɔ, nɛ ma naa a nɔ ngɛ ye yo ɔmɛ a nɔ. Ma je ye ma a kuɛ kɛ je kuɛpã tso nɛ Asiria bi ɔmɛ kɛ wo lɛ ɔ mi; nɛ tlomi nɛ a ha ye ma a tloo ɔ hu, ma je ngɛ a nɔ.

Yesaya 33:1

Musu tloo he nyɛli ɔmɛ! A fia ojo nɛ a sisi nihi; se mɛɛ lɛɛ nɔ ko fiɛ mɛ ojo, nɛ nɔ ko sisi we mɛ hulɔ. A we ojo fiami, kɛ nɔ sisimi ɔ se maa po kɛ̃, nɛ mɛ nitsɛmɛ hu a maa fia mɛ ojo, nɛ a maa sisi mɛ.

Yesaya 37:36

Jamɛ a nyɔ ɔ mi nɔuu ɔ, Yawɛ bɔfo ko ya gbe ta buli 185,000 ngɛ Asiria ta a mi. E nɔ jena makɛ ɔ, ne mɛ nɛ a gbo kɛ pueɔ si.

Yesaya 37:37

Kɛkɛ nɛ Asiria matsɛ Senakerib hia kɛ je lejɛ ɔ, nɛ e kpale kɛ ho Nineve ya.

Yesaya 6:13

Ke nɔ kake pɛ nɛ maa piɛ ngɛ ni nyɔngma mi po, lɛ hu a ma kpata e hɛ mi; e maa pee kaa tso ngua ko nɛ a po, nɛ e piɛ tso kpɔ ɔ kɛkɛ.” (Tso kpɔ nɛ ɔ daa si ha Mawu ma he ɔ sisi jemi.)

Yeremia 14:22

Je ma amɛ a we amaga amɛ ekoeko be nɛ ma ha nɛ hiɔmi maa nɛ ha wɔ; hiɔwe tete po be nyɛe ma ha nɛ hiɔmi maa nɛ. Yawɛ, wa Mawu, o nɔ wa ngɔ wa hɛ kɛ fɔ, ejakaa mo lɛ o peeɔ ní nɛ ɔmɛ tsuo.

Nahum 2:11

Jehanɛ, ma nɛ ngɛ kaa jatahi a hi he ɔ, jije e ngɛ? Ma nɛ a haa jata bihi ní ngɛ mi ɔ, jije e ngɛ? He nɛ jata ku, kɛ jata yo ngɔɔ a bihi kɛ yaa, konɛ nɔ́ ko kó sa a he ɔ, jije e ngɛ?

Zefania 2:13

Yawɛ maa gbla omleyi je ma amɛ a tue. E ma kpata Asiria hɛ mi, nɛ Asiria ma nguaa a nɛ a tsɛɛ Nineve ɔ maa pee ma doku kaa nga kplanaa nɔ.

Zefania 3:12

Ma si nihi nɛ peeɔ a he humi, kɛ ohiatsɛmɛ ngɛ nyɛ kpɛti, nɛ a maa ngɔ a hɛ kɛ fɔ imi Yawɛ ye nɔ.

Luka 1:71

ke e ma kpɔ wɔ kɛ je wa he nyɛli, kɛ nihi nɛ nyɛɛ wɔ ɔ a dɛ mi.

Luka 24:27

Jehanɛ ɔ, Yesu tsɔɔ mɛ níhi tsuo nɛ ngmami ɔmɛ de ngɛ lɛ nitsɛ e he ɔ a sisi; e je sisi kɛ je Mose womi ɔmɛ, kɛ gbali ɔmɛ tsuo a ni ɔmɛ a nɔ.

Mose V, 32:2

Ma tsɔɔ nyɛ ní kaa bɔ nɛ hiɔmi nɛɛ blɛuu kɛ pueɔ zugba nɔ nɛ e peeɔ kaa bɔ́ ɔ. Ma tu nyɛ munyu kaa bɔ nɛ hiɔmi fĩaa kɛ pueɔ tso bihi a nɔ, aloo kaa bɔ nɛ hiɔmi nɛɛ blɛuu kɛ pueɔ nga nɔ ɔ.