Mika 5:5 - BAIBLO ALOO NGMAMI KLƆUKLƆU Ɔ

⁵ E kɛ tue mi jɔmi maa ba. Ke Asiria bi ɔmɛ ba wa zugba a nɔ nɛ a ba tua wa mɔ ɔmɛ ɔ, wa ma ha wa katsɛmɛ kpanaa amɛ nɛ nyɛɛɔ wa hɛ mi ɔ maa ya nɛ a kɛ mɛ ma ya hwu ta.

Mika 5:5 ပူးပေါင်းရင်းမြစ်များ

Hiob 5:19

E ma je mo kɛ je haomihi tsuo a mi, nɛ nɔ́ ko be o he sae.

La 72:7

Á ye dami sane saminya ngɛ e yi nɔ; e yi nɔ nɛ jɔ kulaa ngɛ he tsuaa he hluu kɛ yaa su be nɛ nyɔhiɔ be hu!

Abɛ Womi 30:18

Nɔ́ etɛ kɛ yaa eywiɛ komɛ peeɔ mi nyakpɛ nɛ ye juɛmi sui he:

Abɛ Womi 30:29

Nɔ́ etɛ kɛ yaa eywiɛ komɛ ngɛ nɛ a nyɛɛmi ngɛ fɛu kɛ akɔnɔ:

Abɛ Womi 6:16

Ní kpaago komɛ nɛ Yawɛ hiee, nɛ e sume saasaa ji: Hewo, Lakpa yemi, Nɔ nɛ pee we nɔ́ ko e muɔ si puemi, Ga yayami tomi, He sɔmi kɛ yayami peemi, Lakpa odase yelɔ, kɛ Nɔ nɛ woɔ e nyɛmimɛ a kpɛti pɛ.

Fiɛlɔ 11:2

Ngɔɔ o ní kpakpahi ngɔ to hehi munomuno; ejakaa o li matahu ko nɛ ma ba po mo ngɛ je mi.

Yesaya 14:25

Ma kpata Asiria bi ɔmɛ a hɛ mi ngɛ ye ma Israel zugba a nɔ, nɛ ma naa a nɔ ngɛ ye yo ɔmɛ a nɔ. Ma je ye ma a kuɛ kɛ je kuɛpã tso nɛ Asiria bi ɔmɛ kɛ wo lɛ ɔ mi; nɛ tlomi nɛ a ha ye ma a tloo ɔ hu, ma je ngɛ a nɔ.

Yesaya 44:28

I deɔ Sirus ke, ‘Mo ji nɔ nɛ maa ye ye ma a nɔ ha mi; nɔ́ nɛ i suɔ ɔ, lɔ ɔ sɔuu o maa pee. O ma fa ke a ma Yerusalem ekohu, nɛ́ a to Yawɛ we ɔ sisi.’ ”

Yesaya 59:19

Kɛ je beleku je kɛ yaa su bonyoku je ɔ, nɔ tsuaa nɔ maa ye Yawɛ gbeye. E maa ba kaa pa nɛ hia; e maa ba kaa ahumi nɛ hia kɛ ma.

Yesaya 65:8

Yawɛ ke, “Nɔ ko kpataa we e wai yiblii kpakpa hɛ mi; dã mohu e kɛ peeɔ. Jã kɛ̃ i be ye ma a hɛ mi kpatae pɛsɛpɛsɛ. Ni nɛmɛ nɛ sɔmɔɔ mi ɔ, ma he a yi wami.

Yesaya 7:14

Yoo, i nu. Nyɔmtsɛ ɔ nitsɛ ma ha nyɛ okadi ko; yiheyo ko maa ngɔ hɔ, nɛ e ma fɔ binyumu, nɛ e maa wo lɛ biɛ ke, ‘Yimanuel’.

Yeremia 33:15

Jamɛ a be ɔ mi ɔ, ma hla dalɔ ko kɛ je David nina a a kpɛti nɛ e ye matsɛ. Matsɛ nɛ ɔ maa ye dami sane, nɛ e maa pee nɔ́ nɛ da ngɛ zugba a nɔ tsuo.

Amos 1:3

Yawɛ ke, “Siria ma ngua Damasko bi ɔmɛ pee yayamihi nɔtonɔto babauu; a wa Gilead bi ɔmɛ yi mi, nɛ a pee mɛ nisɛ ní a ní. Enɛ ɔ he je ɔ, ja i gbla a tue kokooko.

Amos 1:6

Yawɛ ke, “Gaza ma mi bi ɔmɛ pee yayamihi nɔtonɔto babauu; a nuu kɔpehi fuu a mi bi kɛ ho, nɛ a ya jua mɛ kaa nyɔguɛhi kɛ ha Edom bi. Enɛ ɔ he je ɔ, ja i gbla a tue kokooko.

Zakaria 10:11

Ke haomi yi bli kaa wo ɔ, imi Yawɛ nitsɛ ma jɔɔ oslɔke ɔmɛ a he ha mɛ. Nilo pa a tete, nyu maa ta mi. Asiria, he nɔ wolɔ ɔ, ma ba lɛ si, nɛ Egipt tsɛ yemi ɔ hu se maa po.

Zakaria 10:3

Yawɛ ke, “Hyɛ, ye mi mi fu to hyɛli ɔmɛ saminya; ma gbla ma nimeli ɔmɛ a tue kokooko. Yuda a, ye ma ji mɛ, nɛ imi Yawɛ Tabohiatsɛ nitsɛ ma hyɛ a nɔ. Ma ha a he maa wa saminya kaa ta okpɔngɔ.

Zakaria 12:6

“Jamɛ a be ɔ, ma ha Yuda we puɔ nya amɛ maa pee kaa buɛ kɛ e he la gegeege nɛ a to lɛ́ ngɔ wo sisi, loo kaa blɛfo nɛ a kpɔ, nɛ a bua nya pue jatɛ kɛ e nya la nɔ. Je ma amɛ nɛ bɔle mɛ ɔ tsuo a hɛ mi ma kpata, se Yerusalem lɛɛ e maa ma e ma he ɔ nɔuu.

Zakaria 9:10

Yawɛ ke, “Ma jé ta zugba lɛ ɔmɛ kɛ je Israel, nɛ ta okpɔngɔhi be Yerusalem hie hu. Kɛ̃ɛ̃hi nɛ a kɛ hwuɔ ta a, ma ku a mi. O matsɛ ɔ ma ha tue mi jɔmi maa ba je ma amɛ a kpɛti. E maa ye tsɛ kɛ maa je wo kpo kɛ yaa su wo kpo; e maa ye tsɛ kɛ maa je Yufrate pa a nya kɛ yaa su zugba a nyagbe he ɔmɛ tɔɔ.”

Zakaria 9:13

Yuda maa pee kaa ta bulɔ kɛ̃ɛ̃, nɛ Israel maa pee kaa kɛ̃ɛ̃ mi bi. Zion bi maa pee kaa ye dɛ mi klaate nɛ i kɛ ma jé ta kɛ wo Hela bi.

Luka 2:14

“Hɛ mi nyami ha Mawu ngɛ hiɔwe lokoo, nɛ he jɔmi nɛ ba zugba a nɔ ha nihi nɛ e naa a he tsui ɔ!”

Yohane 14:27

“I ngɛ nyɛ sie kɛ he jɔmi. Imi nitsɛ ye he jɔmi i ngɛ sie ha nyɛ. Pi bɔ nɛ je ɔ haa a nɛ i kɛ ngɛ nyɛ hae ɔ. Nyɛ ko ye nyɛ tsui; nɛ nyɛ ko je fɔ̃ hulɔ.

Yohane 16:33

I de nyɛ ní nɛ ɔmɛ, konɛ nyɛɛ kɛ mi nɛ hi si, konɛ nyɛ na he jɔmi. Benɛ nyɛ ngɛ je ɔ mi ɔ, haomi maa ba nyɛ nɔ; se nyɛ tsui nɛ nɔ nyɛ mi, ejakaa i ye je ɔ nɔ kunimi.”

Kpojemi 17:14

Lohwe ɔ, kɛ matsɛmɛ ɔmɛ ma ya tua To bi ɔ. Se To bi ɔ, kɛ e se nyɛɛli ɔmɛ maa ye a nɔ kunimi. Lɛ ji nyɔmtsɛmɛ a nyɔmtsɛ, kɛ matsɛmɛ a matsɛ, nɛ e se nyɛɛli ɔmɛ ji nihi nɛ Mawu tsɛ, nɛ e hla mɛ ngɔ to, nɛ a yeɔ lɛ anɔkuale.”

Kpojemi 19:14

Hiɔwe ta buli ɔmɛ wo tade nɛ a kɛ kploba hiɔ ngmingmiingmi nɛ ngɛ kpɛe klaiklai kpɛ, nɛ a hi okpɔngɔ hiɔhi a nɔ kɛ nyɛɛ e se.