Mika 5:2 - BAIBLO ALOO NGMAMI KLƆUKLƆU Ɔ

² Yawɛ ke, “Mo Betlehem Efrata, Yuda ma amɛ a kpɛti nyafii kake kɛkɛ ji mo; se ma ha nɔ ko maa je o mi ba ye matsɛ ngɛ Israel ma a tsuo nɔ. Matsɛ nɛ ɔ weku kpa ngɛ kɛ je blema be ɔ mi tɔɔ.” Yawɛ lɛ de.

Mika 5:2 ပူးပေါင်းရင်းမြစ်များ

Mose I, 35:16

Yakob kɛ e yi ɔmɛ, kɛ e bimɛ ɔmɛ hia kɛ je Betel, nɛ a pue blɔ. Benɛ e piɛ bɔɔ nɛ a maa su Efrat ɔ, Rahel fɔmi be su, nɛ e nu kɔɔmi nɛ nya wa.

Mose I, 35:19

Benɛ Rahel gbo ɔ, a pu lɛ ngɛ blɔ nɛ yaa Efrat ɔ he. Amlɔ nɛ ɔ lɛɛ a tsɛɛ Efrat ma a ke Betlehem.

Mose I, 48:7

I ngɛ nɔ́ nɛ ɔ pee ngɛ o nyɛ Rahel he. Benɛ i je Mesopotamia kɛ ma a, Rahel gbo fɔ ye nɔ ngɛ blɔ ɔ nɔ, ngɛ Kanaan zugba a nɔ, benɛ e piɛ bɔɔ nɛ ma su Efrat ɔ. I pu lɛ ngɛ lejɛ ɔ, ngɛ Efrat blɔ ɔ nɔ.” (Amlɔ nɛ ɔ, a tsɛɛ Efrat ke Betlehem.)

Mose I, 49:10

Yuda maa hɛɛ matsɛ tso ɔ, E nina maa ye matsɛ daa. Je ma amɛ ma tsu to ba ha lɛ, Nɛ a ma ba kpla si ngɛ e hɛ mi.

Kronika I, 2:54

Salma nɛ to Betlehem ma a sisi ɔ, e nina ji Netofat bi, Atrot Bet Yoab bi, kɛ Zori bi. Zori bi nɛ ɔmɛ ji Manahat weku ɔ fa.

La 132:6

Wa nu somi daka a he ngɛ Betlehem, nɛ wa ya na ngɛ Yearim ngmɔ ɔmɛ a mi.

La 90:2

Benɛ o na we nɛ o bɔ yo ɔmɛ; benɛ o na we nɛ o bɔ je ɔ, mo ji Mawu nɛ ngɛ kɛ je neneene kɛ yaa si neneene.

Mose II, 18:21

Se ngɛ enɛ ɔmɛ a se ɔ, o kɛ o hɛngmɛ nɛ wo ma a mi nɛ o hla nihi nɛ a nine si wa kɛ ní tsumi, nihi nɛ ye ɔ Mawu gbeye, nihi nɛ yeɔ anɔkuale, nɛ a sume nyɔ mi ní. Ngɔɔ kikɛmɛ a nimli ngɔ to ma a nya. Ni komɛ nɛ a hyɛ nimli nyɔngma nɔ; ni komɛ nɛ a hyɛ nimli nyingmi enuɔ nɔ; ni komɛ nɛ a hyɛ nimli lafa nɔ, konɛ ni komɛ hu nɛ a hyɛ nimli akpe nɔ.

Mose II, 18:25

Mose hla nyumuhi nɛ a nine si wa kɛ je Israel bi ɔmɛ a kpɛti, nɛ e wo mɛ nikɔtɔmahi ngɛ ma a nya. Ni komɛ hyɛɛ nimli nyɔngma nɔ, ni komɛ hyɛɛ nimli nyingmi enuɔ nɔ; ni komɛ hyɛɛ nimli lafa nɔ, nɛ ni komɛ hu hyɛɛ nimli akpe nɔ.

Yesaya 11:1

Ishai, Matsɛ David tsɛ ɔ weku kpa ngɛ kaa tso ko nɛ a po ngɔ fɔ si. Se matsɛ he maa te si ngɛ David nina a mi kaa bɔ nɛ tso kpɔ nɛ ngɛ zu mi tsɛ̃ɔ kɔni ɔ.

Yesaya 53:2

Yawɛ tsɔlɔ ɔ ngɛ kaa tso wayoo ko nɛ puɛ kɛ je zugba gbigbli mi. Agboje ko be e he ɔ, he fɛu hu bɔ lɛ, lɔ ɔ he ɔ, wa bui lɛ. Nɔ́ ko nɔ́ ko be e he nɛ maa pee wɔ akɔnɔ.

Yesaya 55:4

I wo lɛ je ma amɛ a nyatsɛ, kɛ asafoatsɛngua, nɛ e nɔ i gu kɛ je ye he wami kpo.

Yesaya 7:14

Yoo, i nu. Nyɔmtsɛ ɔ nitsɛ ma ha nyɛ okadi ko; yiheyo ko maa ngɔ hɔ, nɛ e ma fɔ binyumu, nɛ e maa wo lɛ biɛ ke, ‘Yimanuel’.

Yeremia 30:21

A nɔ yelɔ ɔ maa je mɛ nitsɛmɛ a ma a mi; a matsɛ ɔ maa je mɛ nitsɛmɛ nɔuu a kpɛti. Ma tsɛ lɛ, nɛ e maa ba ye ngɔ. Mɛnɔ ma nyɛ maa hɛ lɛ kɛ su ye he be mi nɛ i tsɛ we lɛ? A maa pee ye ma, nɛ imi hu ma pee a Mawu. Imi, Yawɛ lɛ i de.”

Hosea 6:3

Nyɛ ha waa bɔ mɔde nɛ waa le Yawɛ saminya. Kaa bɔ nɛ je naa daa ligbi, nɛ hiɔmi hu nɛɛɔ ngɔ pueɔ zugba daa gbo kɛ gbiɛ ɔ, ke wa hla Yawɛ se blɔ ɔ, lɛ hu e maa ba wa ngɔ.”

Amos 9:11

Yawɛ ke, “Amlɔ nɛ ɔ, David matsɛ yemi kpetekpleenyɛ ɔ pee kaa we ko nɛ hule ngɔ pue si. Se be ma nɛ ma ha nɛ matsɛ yemi nɛ ɔ maa da si ekohu kaa bɔ nɛ e ngɛ sa a.

Mika 4:10

Nyɛ Yerusalem ma mi bi, nyɛɛ kɛ nyɛ he nɛ wuwlua si, nɛ nyɛ kɛmɛ kaa yo nɛ ngɛ kɔe. Ejakaa jehanɛ lɛɛ nyɛ maa je ma a mi kɛ ya hi nga nɔ. A maa ngɔ nyɛ kɛ ya Babilon tɔɔ. Se Yawɛ ma kpɔ nyɛ kɛ je nyɛ he nyɛli ɔmɛ a dɛ mi ngɛ lejɛ ɔ.

Zakaria 13:7

Yawɛ Tabohiatsɛ ɔ ke, “Klaate, tee si ngɔ wo ye huɛ to hyɛlɔ nɛ ngɛ ní tsue ha mi ɔ! Moo fia lɛ nɔ konɛ to ɔmɛ nɛ a gbɛ fĩa. I kɛ tsɔwitsɔwi nɛ ɔmɛ maa to ní.

Zakaria 9:9

Zion, nyá oo, nyá! Yerusalem, mo he ose! Hyɛ, o matsɛ ɔ ma! E ma kɛ agbo jemi kɛ kunimi yemi. E ba e he si, nɛ e hi teji okpɔngɔ nɔ; ee, e hi teji okpɔngɔ bi nɔ.

Mateo 2:1

Benɛ a fɔ Yesu ngɛ Betlehem nɛ ngɛ Yudea, ngɛ Matsɛ Herode yi nɔ ɔ, ní leli komɛ je beleku kɛ ba Yerusalem ba bi ke,

Mateo 2:6

‘Mo Betlehem ma, ngɛ Yuda zugba a nɔ ɔ, mo ji ma nyafii pe kulaa ngɛ Yuda ma amɛ a kpɛti; se o mi lɛ matsɛ maa je kɛ ba ye ye ma Israel ɔ nɔ.’ ”

Mateo 28:18

Yesu hɛ lɛ kɛ su a he, nɛ e de mɛ ke, “A ha mi he blɔ ngɛ níhi tsuo nɛ ngɛ hiɔwe kɛ zugba a nɔ.

Luka 23:2

Nɛ a bɔni e nya pomi ke, “Wa nu nyumu nɛ ɔ nɛ e ngɛ wa ma mi bi ɔmɛ a tue puɛe. Wa nu nɛ e ngɛ mɛ dee ke a ko tsu tó ha Kaisare ɔ, se lɛ nitsɛ ji Kristo, matsɛ ɔ nɛ.”

Luka 23:38

A ngma munyu ko ngɔ mɛtɛ e yi je ke, “Nɔ nɛ ɔ ji Yuda bi ɔmɛ a matsɛ ɔ nɛ.”

Yohane 7:42

Ejakaa a ngma ke Mesia a maa pee Matsɛ David nina; nɛ jehanɛ hu, Betlehem, he nɛ Matsɛ David hi ɔ, lejɛ ɔ a ma fɔ lɛ ngɛ.”

Mose V, 1:15

Lɔ ɔ he ɔ, i ngɔ wɛtsoyihi nɛ ji nyumuhi nɛ le ní, nɛ a ngɛ juɛmi, nɛ a ngɛ biɛ kpakpa nɛ nyɛ hla a ngɔ to ma a nya. Ni komɛ hyɛ nimli nyɔngma nɔ, ni komɛ hyɛ nimli nyingmi enuɔ nɔ, ni komɛ hyɛ nimli lafa nɔ, nɛ ni komɛ hu hyɛ nimli akpe nɔ. Jehanɛ i hla nɔ hyɛli kpa komɛ kɛ je nyɛ wɛtso ɔmɛ tsuo a mi.”

Kolosebi 1:17

Kristo ngɛ loko a bɔ níhi tsuo, nɛ lɛ nɛ ha nɛ níhi tsuo ngɛ a hanɔ pɛpɛɛpɛ.

Hebribi 13:8

Yesu Kristo ɔ, bɔ nɛ e ngɛ hiɛ ɔ, ja nɔuu e ngɛ mwɔnɛ ɔ; nɛ e ngɛ ja nɔuu kɛ yaa neneene.

Hebribi 7:14

Wa Nyɔmtsɛ ɔ, wa le kaa Yuda wɛtso ɔ mi nɛ e je; nɛ Mose de we nɔ́ ko kɛ kɔ Yuda wɛtso ɔ osɔfo yemi he.

1 Yohane 1:1

Wa ngɛ nyɛ munyu nɛ haa nɔ wami ɔ ngmae. Munyu ɔ ngɛ kɛ je sisije. Wa nu, nɛ wa na kɛ wɔ nitsɛmɛ wa hɛngmɛ; ee, wa na lɛ, nɛ wa nine ta he.

Kpojemi 19:16

Nɛ a ngma biɛ ko ngɛ e tade klɔii ɔ, kɛ e fiɔ he ke, “Matsɛmɛ a matsɛ, kɛ nyɔmtsɛmɛ a nyɔmtsɛ.”

Kpojemi 2:8

Nɛ e de ke, “Bɔfo ɔ nɛ ngɛ asafo ɔ nya ngɛ Smirna a, ngmaa womi nɛ ɔ ya ha lɛ ke, “Sɛ gbi nɛ je nɔ nɛ ji kekleekle no kɛ nyagbe no ɔ ngɔ ji nɛ ɔ nɛ; e gbo, nɛ e kpale ba wami mi ekohu.

Kpojemi 21:6

E ya nɔ nɛ e de mi ke, “A gbe nya! Imi ji kekleekle no kɛ nyagbe no, sisije kɛ nyagbe! Nɔ tsuaa nɔ nɛ kuma ngɛ lɛ yee ɔ, ma ha lɛ nyu nɛ je vu nɛ baa nyu nɛ haa nɔ wami ɔ mi nɛ e nu nɛ e be he hiɔ woe.

Manyadali 17:7

Jamɛ a be ɔ mi nɔuu ɔ, Levi no niheyo ko ba to nubwɔ ngɛ Betlehem Yuda.

Rut Womi 1:1

Manyadali ɔmɛ a yi nɔ, benɛ matsɛmɛ na we nɛ a bɔni Israel ma a nɔ yemi lolo ɔ, hwɔ ba zugba a nɔ. Lɔ ɔ he ɔ, nyumu ko nɛ a tsɛɛ lɛ Elimelek, nɛ je Efrat weku ɔ mi, kɛ e yo Naomi, kɛ a bimɛ nihewi enyɔ, Malon kɛ Kilion, hia kɛ je Betlehem ngɛ Yuda zugba a nɔ kɛ ya to nubwɔ ngɛ Moab zugba a nɔ. Benɛ a ngɛ lejɛ ɔ,

Rut Womi 4:11

Ma a mi bi ɔmɛ nɛ ngɛ lejɛ ɔ, kɛ ma nimeli ɔmɛ de ke, “Wa kplɛɛ nɔ, Yawɛ nɛ ha yo nɛ ɔ ba pee kaa Rahel kɛ Lea nɛ a fɔ bimɛ fuu kɛ ha Yakob ɔ. Yawɛ nɛ pee mo niatsɛ ngɛ Efrat, nɛ o biɛ nɛ pɛ ngɛ Betlehem.

Samuel I, 10:19

Imi ji nyɛ Mawu nɛ jeɔ nyɛ kɛ jeɔ haomi, kɛ nɔ́ nami tsuo mi. Se mwɔnɛ ɔ, nyɛ kua mi, nɛ nyɛ bi ke ma ha nyɛ matsɛ. Yoo, nyɛ ba bua nyɛ he nya wɛtso nya wɛtso nya, kɛ weku nya weku nya ngɛ Yawɛ hɛ mi.’ ”

Samuel I, 17:12

Efraim no ɔ nɛ a tsɛɛ lɛ Ishai ɔ binyumu ji David. E je Betlehem ngɛ Yuda. Ishai ngɛ binyumuhi kpaanyɔ; nɛ benɛ Saul ngɛ matsɛ yee ɔ, lɛɛ e bwɔ momo.

Samuel I, 17:18

Jehanɛ, moo hɛɛ wagasi nyɔngma nɛ ɔmɛ kɛ ya ha tatsɛ nɔkɔtɔma nɛ ngɛ a nya a. Slaa o nyɛmimɛ ɔmɛ nɛ o hyɛ bɔ nɛ a ngɛ, nɛ o kɛ okadi ko nɛ je a ngɔ kɛ ba.

Samuel I, 23:23

Nyɛɛ ya nɛ nyɛ ya hyɛ e laami he ɔmɛ tsuo pɛpɛɛpɛ nɛ nyɛɛ to a he hɛ. Lɔ ɔ se ɔ, nyɛɛ ba nɛ nyɛ ba bɔ mi amaniɛ, konɛ i kɛ nyɛ waa ho. Ke ji kaa e ngɛ huza a nɔ niinɛ ɔ, lɛɛ ke e hia kaa ma hla lɛ kɛ kpa Yuda zugba a tsuo nɔ po, ma pee ja.”

Samuel I, 8:12

E maa to tatsɛmɛ ngɛ ta buli akpehi, kɛ nyingmi enuɔɔnuɔ a nya. Ni komɛ ma hu ngmɔ nɛ a ma kpa ní ha lɛ, nɛ ni komɛ hu maa sɔ̃ ta hwumi níhi, kɛ ta zugba lɛ ɔmɛ a he níhi.