Mika 5:12 - BAIBLO ALOO NGMAMI KLƆUKLƆU Ɔ

¹² Ma kpata nyɛ kunya yeli ɔmɛ tsuo a hɛ mi, nɛ a be klaalɔ ko nae ngɛ nyɛ kpɛti hu.

Mika 5:12 ပူးပေါင်းရင်းမြစ်များ

Kpojemi 22:15

Se ni nɛ ɔmɛ lɛɛ a be mɛ blɔ hae nɛ a sɛ ma a mi: gbe ɔmɛ, nyuali ɔmɛ, nihi nɛ fiɛɔ yo kɛ nyumu yakayaka fiɛmi ɔ, nɔmlɔ gbeli ɔmɛ, amaga jali ɔmɛ, kɛ nihi nɛ suɔ lakpa yemi ɔ.

Yesaya 2:20

Jamɛ a be ɔ, ni ɔmɛ ma sake amaga amɛ nɛ a kɛ sika tsu kɛ sika hiɔ pee nɛ a ma ja a ngɔ hɛ fɔ he ha jesihi kɛ apanihi.

Kpojemi 19:20

A nu lohwe awi yelɔ ɔ, kɛ lakpa gbalɔ ɔ nɛ pee nyakpɛ níhi ngɛ e hɛ mi ɔ tsuo. E pee nyakpɛ ní ɔmɛ kɛ sisi nihi nɛ a kɛ lohwe ɔ kadi mɛ ɔ, kɛ ni nɛmɛ nɛ jaa lohwe ɔ we amaga a. A hɛ lohwe ɔ, kɛ lakpa gbalɔ ɔ tsuo ngɔ fɔ taku kɛ e mi la nɛ ngɛ tsoe gegeege ɔ mi hɛ ngmengmle.

Yesaya 27:9

Se bɔ nɛ Israel maa pee kɛ je a he yayami ɔmɛ konɛ a kɛ pa mɛ ji, a maa wɛɛ je ma amɛ a bɔ sami la tɛ ɔmɛ bukɔbukɔ kaa ayilɔ, nɛ yo mawu Ashera a tsopa kɛ e he via bɔ sami la tɛ ɔmɛ, loo e we amaga amɛ ekoeko be si hie hu.

Mose V, 18:14

Jehanɛ, Mose de ke, “Je ma amɛ nɛ o yaa ngɔ a zugba a buɔ nihi nɛ klaa, kɛ kunya tsuli tue; nyɛɛ lɛɛ Yawɛ, nyɛ Mawu ɔ kplɛɛ we nɛ nyɛɛ pee ja.

Yesaya 44:17

Tso ɔ fa nɛ piɛ ɔ, e ngɔɔ kɛ peeɔ amaga, nɛ e kplaa si nɛ e jaa lɛ. E faa kue ha lɛ, nɛ e deɔ ke, “Mo ji ye mawu! He ye yi wami!”

Ezekiel 16:41

A maa sã o we ɔmɛ, nɛ a maa gbla o tue ngɛ yihi babauu a hɛ mi. Ajuama nɛ o ngɛ bɔe basaa a, ma ha nɛ o kpa, nɛ o be o suɔli ɔmɛ hiɔ woe hu.

Ezekiel 36:25

Ma ngɔ nyu klɔuklɔu kɛ fĩa nyɛ nɔ, nɛ nyɛ he ma tsɔ. Ma tsu nyɛ he kɛ je amagahi, kɛ mu níhi tsuo nɛ nyɛ kɛ ble nyɛ he ɔ a mi.

Zakaria 13:1

Yawɛ Tabohiatsɛ ɔ ya nɔ nɛ e de ke, “Ke jamɛ a be ɔ su ɔ, a ma bli nyu vu ko nya, nɛ a maa ngɔ e mi nyu ɔ kɛ tsu David nina, kɛ Yerusalem bi ɔmɛ a he kɛ jé a he yayami ɔ, kɛ a he mu ɔ.