Mika 5:1 - BAIBLO ALOO NGMAMI KLƆUKLƆU Ɔ

¹ Nyɛ Yerusalem bi, nyɛ bua nyɛ he nya! A sa ma a yi! A ba tua Israel hɛ mi nyɛɛlɔ ɔ!

Mika 5:1 ပူးပေါင်းရင်းမြစ်များ

Mose I, 35:19

Benɛ Rahel gbo ɔ, a pu lɛ ngɛ blɔ nɛ yaa Efrat ɔ he. Amlɔ nɛ ɔ lɛɛ a tsɛɛ Efrat ma a ke Betlehem.

Mose I, 49:10

Yuda maa hɛɛ matsɛ tso ɔ, E nina maa ye matsɛ daa. Je ma amɛ ma tsu to ba ha lɛ, Nɛ a ma ba kpla si ngɛ e hɛ mi.

Matsɛmɛ I, 22:24

Kɛkɛ nɛ gbalɔ Zedekia, Kenaana binyumu ɔ ho nɛ e ya gba Mikaya hɛ mi ma, nɛ e bi lɛ ke, “Mɛni be Yawɛ mumi ɔ je ye nɔ nɛ e kɛ mo ba tu munyu?”

Matsɛmɛ II, 24:2

Yawɛ tsɔ Babilonia, Siria, Moab, kɛ Amon ta buli kɛ ho Yehoyakim ngɔ ya, konɛ a ya kpata Yuda zugba a hɛ mi kaa bɔ nɛ Yawɛ gu e tsɔli gbali ɔmɛ a nɔ de to ke e maa pee ɔ.

Hiob 16:10

Nihi yeɔ ye he fɛu. A buaa kɛ woɔ ye he, nɛ a gbaa ye tue mi ma. Nɛ a bɔɔ mi ahlua.

Abɛ Womi 8:23

Blema lokoo, benɛ a na we nɛ a bɔ je ɔ, imi lɛ a bɔ kekleekle.

Yesaya 10:6

I tsɔ Asiria bi ɔmɛ ke a ya tua ma ko nɛ li Mawu, ma nɛ wo ye mi mi la a. I tsɔ mɛ ke a ya ha ní, nɛ a kpɔ níhi pani nya; nɛ a naa ni ɔmɛ a nɔ kaa mɔsɔ ngɛ blɔ mi.”

Yesaya 33:22

Jamɛ a lɛ ɔmɛ a mi tso ɔmɛ a he be se nami; a be hie kɛ abalaa womi. Wa ma kpɔ he nyɛli ɔmɛ a ní kpakpa amɛ tsuo ngɛ a dɛ. Ta yibu ní babauu nɛ a ma na a, a maa dla, nɛ nɔ tsuaa nɔ ma na eko; glɔtsɛmɛ po ma na a blɔ fa mi nɔ́. Yawɛ nitsɛ maa pee wa matsɛ. E maa ye wa nɔ, nɛ e maa bu wa he.

Yesaya 8:9

Nyɛ je ma amɛ, nyɛɛ ye gbeye, nɛ nyɛ bua nyɛ he nya! Nyɛ nihi nɛ nyɛ ngɛ tsitsaa hu, nyɛɛ bu tue. Nyɛɛ mia kɛ ha ta, se kɛ̃ ɔ, nyɛɛ ye gbeye! Ee, nyɛɛ mia, se kɛ̃ ɔ, nyɛɛ ye gbeye!

Yesaya 9:5

Ta buli nɛ ma wɔ tuami ɔ, a tokota amɛ, kɛ a tade ɔmɛ nɛ muɔ sɛ mi ɔ, a kɛ la maa sã lɛ tsuo, kaa lɛ́ ngɛ la mi.

Yeremia 25:9

‘Ma tsɔ nɛ a ya kpee omleyi je ma amɛ tsuo, kɛ Babilonia matsɛ Nebukadnezar, ye tsɔlɔ ɔ kɛ ba. Ma ngɔ mɛ kɛ ba, nɛ a kɛ Yuda zugba a, kɛ ma mi bi ɔmɛ, kɛ je mahi tsuo nɛ bɔle mɛ ɔ ma ba hwu ta. Ma kpata zugba nɛ ɔ, kɛ mahi nɛ bɔle lɛ ɔ a hɛ mi pɛsɛpɛsɛ; a ma plɛ pee gbeye nɔ́, muɔ nɔ́, kɛ he fɛu yemi nɔ́ kɛ ya neneene. Imi, Yawɛ lɛ i de.

Yeremia 4:7

Je ma amɛ a hɛ mi kpatalɔ ɔ ma kaa jata nɛ hia kpo kɛ je e laami he. E ma nɛ e ba kpata Yuda zugba a hɛ mi. Yuda ma amɛ maa pee ma dokuhi, nɛ nɔ ko nɔ ko be a mi hie hu.

Kɔmɔ Yemi 3:30

Ke a ngɛ wɔ ní fiae, loo a ngɛ wa hɛ mi si puee ɔ, wa ha nɛ a pee kɛkɛ.

Ezekiel 21:32

A kɛ la maa sã nyɛ. A ma pue nyɛ muɔ si ngɛ nyɛ nitsɛmɛ nyɛ zugba nɔ, nɛ nɔ ko nɔ ko be nyɛ kaie gblegbleegble.’ ” Yawɛ lɛ de.

Ezekiel 24:2

E fa mi ke, “Nɔmlɔ adesa, kadi mwɔnɛ ligbi nɛ ɔ biɛ ngɛ womi mi kɛ to! Ejakaa mwɔnɛ ligbi nɛ ɔ nɔuu Babilonia matsɛ ɔ bɔni Yerusalem he ka womi.

Daniel 9:25

Lɔ ɔ he ɔ, na nɛ o le kaa kɛ je be nɛ a ma fa ke a kpale ma Yerusalem ekohu, kɛ yaa si be nɛ ganɔ ɔ nɛ Mawu hla a maa ba a, jeha kpaago totoe kpaago maa be. A maa kpale ma Yerusalem ma a ekohu. A ma je gbɛjegbɛhi kɛ wo ma a mi; nɛ a maa fia gbogbo kɛ wo he, nɛ ma a maa hi si jeha kpaago totoe nyingmi ekpa kɛ enyɔ. Se jamɛ a be ɔ maa pee fimi be.

Yoel 3:9

“Nyɛɛ fiɛ kɛ ha je ma amɛ ke, ‘Nyɛ dla nyɛ he kɛ ha ta; nyɛ tsɛ nyɛ ta buli ɔmɛ kɛ ba; nyɛ bua nyɛ ta buli ɔmɛ a nya, nɛ nyɛɛ hia ta.

Amos 2:3

Ma gbe Moab matsɛ ɔ, kɛ e ganɔ ɔmɛ tsuo.”

Habakuk 1:6

Babilonia bi ɔmɛ hia ta kɛ ngɛ je ɔ mi tsuo kpae kɛ yaa ngɔ zugbahi nɛ pi a nɔ. A he ngɛ gbeye, nɛ a he sɔɔ kɛ ní puɛmi. Ma ha nɛ a maa te si kɛ wo nyɛ.

Habakuk 3:16

I nu sane nɛ ɔmɛ tsuo, nɛ ye he do blibliibli; fɔ̃ ha ye nya bɔni domi. Ye nɔmlɔ tso ɔ pee sikplikpii, nɛ ye nane mi jɔ ngɛ ye sisi. Ma mlɛ dii kɛ yaa su be nɛ Mawu maa gbla nihi nɛ ba tua wɔ ɔ a tue.

Mateo 26:67

Kɛkɛ nɛ a su lada ngɔ pue e hɛ mi, nɛ a fiaa lɛ ní. Ni komɛ hu gba lɛ ma,

Mateo 27:30

A su lada ngɔ pue e nɔ, nɛ a he tso ɔ ngɛ e dɛ nɛ a kɛ fia e yi mi.

Mateo 5:39

Se imi lɛɛ i ngɛ nyɛ dee ke ke nɔ ko pee nyɛ yayami ɔ, nyɛ ko pee lɛ yayami ngɔ to nane mi. Ke nɔ ko gba o hiɔ ɔ nɔ tue mi ɔ, plɛ kake ɔ hu ha lɛ.

Yohane 18:22

Benɛ Yesu de enɛ ɔ, tsɔli ɔmɛ nɛ ngɛ lejɛ ɔ a ti nɔ kake gba lɛ ma, nɛ e de lɛ ke, “Heto nɛ o ha osɔfo nɔkɔtɔma pe kulaa a ji nɛ ɔ?”

Yohane 19:3

nɛ a kplã si ngɛ e hɛ mi, nɛ a ye e he fɛu ke, “Yuda bi a matsɛ, manye oo manye!” Nɛ a gba e hɛ mi ma.

Ni Tsumi 23:2

Kɛkɛ nɛ Anania, osɔfo nɔkɔtɔma pe kulaa a fa nihi nɛ daa si ngɛ e kasa nya a ke a gba e nya ma.

2 Korintobi 11:20

Ke nɔ ko ba ye nyɛ nyɔguɛ, loo adufude, loo e ba pee nyɛ kuasia, loo e ba wo e he nɔ ngɛ nyɛ nɔ, loo e ba gba nyɛ hɛ mi ma po, nyɛ de we nɔ́ ko.

Mose V, 28:49

Yawɛ ma ha je ma ko nɛ nyɛ nui a gbi maa je zugba a nyagbe he ɔmɛ nɛ a kɛ nyɛ ba hwu. A ma ba tua nyɛ tlukaa kaa bɔ nɛ kɔle gblɔɔ nɔ́ ɔ.

Mose V, 33:27

Mawu nɛ ngɛ kɛ yaa neneene ɔ ji nyɛ wesa he. Lɛ ji nɔ nɛ baa nyɛ yi daa. Lɛ ji nɔ nɛ fie nyɛ he nyɛli ɔmɛ ngɛ nyɛ hɛ mi, nɛ e de nyɛ ke nyɛ kpata mɛ tsuo a hɛ mi ɔ nɛ.

Manyadali 17:7

Jamɛ a be ɔ mi nɔuu ɔ, Levi no niheyo ko ba to nubwɔ ngɛ Betlehem Yuda.