Mika 4:8 - BAIBLO ALOO NGMAMI KLƆUKLƆU Ɔ

⁸ Nɛ mo Yerusalem, he nɛ Mawu hii nɛ e kɛ hyɛɛ e ma a nɔ kaa to hyɛlɔ ɔ, o he wami kɛ o blɔ nya nɛ o hɛɛ kaa matsɛ ma a, o maa kpale na ekohu. Mawu lɛ de.

Mika 4:8 ပူးပေါင်းရင်းမြစ်များ

Mose I, 35:21

Yakob, nɛ e biɛ tsake pee Israel ɔ, tsa e nyɛɛmi ɔ nɔ, nɛ e ya ma e bo tsu ɔ ngɛ Eder mɔ ɔ se.

Samuel II, 5:7

Se kɛ̃ David ya ngɔ Zion mɔ nguaa a nɛ ba plɛ pee David ma a.

Nehemia 3:25

Uzai binyumu Palal fia gbogbo ɔ he nɛ tsa nɔ ɔ, kɛ je gbogbo ɔ kɔ nya kɛ yiti mɔ yi mi pinoo ɔ nɛ ngɛ buli ɔmɛ a kue ɔ hanɔ ɔ. Parosh binyumu Pedaya fia kɛ tsa nɔ kɛ ya ta he ko ngɛ Nyu Agbo ɔ, kɛ mɔ ɔ nɛ ngɛ sɔlemi we ɔ a hanɔ ɔ. (Hiɛ ɔ kɛ ma a he nɛ a tsɛɛ Ofel ɔ kɛ we. Lejɛ ɔ nɛ Yawɛ we ɔ he ní tsuli ɔmɛ hii.)

La 24:7

Nyɛ bli agbo ɔmɛ ngɔ fɔ si gbajaa. Nyɛ bli blema agbo ɔmɛ ngɔ fɔ si, konɛ matsɛ ngua a nɛ ba.

La 48:3

Mawu je e he kpo ngɛ e mɔ ɔmɛ a mi kaa wesa he nitsɛnitsɛ ji lɛ.

La 61:3

Ejakaa mo ji ye wesa he, ye mɔ nɛ he wa, he nɛ he nyɛlɔ ɔ nine be ye nɔ sue ngɛ.

Lahi 4:4

O kuɛ ngɛ legelege, nɛ e ngɛ tlotlootlo; kuɛ ní nɛ kplaa si ngɛ he ɔ ngɛ kaa David mɔ ɔ nɛ tsɛ̃i akpe kplaa si ngɛ he kɛ kpe.

Yesaya 1:26

Ma ha nyɛ ma nimeli, kɛ ga woli kpakpahi kaa nihi nɛ hi si blema a. Ke enɛ ɔ ba mi ɔ, a ma tsɛ Yerusalem ke ma nɛ a yeɔ dami sane kɛ anɔkuale ngɛ mi.”

Yesaya 10:32

He nyɛli ɔmɛ ngɛ Nob ma a mi mwɔnɛ ɔ, nɛ a ma kɔ̃ kɛ ngɛ Zion yo ɔ, kɛ Yerusalem ma a tsɔɔe.

Yesaya 5:2

E hu zugba a nɔ, e je tɛhi nɛ ngɛ mi ɔ tsuo, nɛ e du wai tso kpakpahi ngɛ mi. E ma mɔ ko nɛ a maa hi mi kɛ bu ngmɔ ɔ he, e tsua muɔ nɛ a maa nga wai yiblii kɛ wo mi. E mlɛ kɛ ya si be nɛ wai yiblii ɔ fu; se wai yiblii ɔmɛ tsuo dooɔ.

Daniel 2:44

Matsɛmɛ nɛ ɔmɛ a yi nɔ ɔ, Mawu nɛ ngɛ hiɔwe ɔ maa to matsɛ yemi ko sisi, nɛ e se be poe gblegbleegble. Matsɛ yemi nɛ ɔ, nɔ ko nɔ ko be nyɛe maa ye e nɔ; e ma kpata matsɛ yemi kpa amɛ tsuo a hɛ mi, nɛ e maa hi si kɛ maa ya neneene.

Daniel 7:18

Se nyagbe ɔ, Hiɔwe No ɔ we ni klɔuklɔu ɔmɛ a nine maa su matsɛ yemi ɔ nɔ, nɛ a maa ye matsɛ kɛ maa ya neneene.”

Obadia 1:21

Yerusalem manye yeli ɔmɛ ma ya tua Edom, nɛ a maa ye ma a nɔ. Nɛ Yawɛ nitsɛ maa pee a matsɛ.” Mawu lɛ de.

Mika 2:12

“Se nyɛ Israel ma nɛ piɛ ɔ, be ma nɛ ma bua nyɛ tsuo nyɛ nya. Ma ngɔ nyɛ kɛ ba he kake kaa tohi nɛ kpale ba a tsu mi. Nimli ma ba ha nyɛ zugba a nɔ tɔ ekohu kɛ a he ngmlaa kaa tohi babauu ngɛ a lɛmi he.”

Zakaria 9:10

Yawɛ ke, “Ma jé ta zugba lɛ ɔmɛ kɛ je Israel, nɛ ta okpɔngɔhi be Yerusalem hie hu. Kɛ̃ɛ̃hi nɛ a kɛ hwuɔ ta a, ma ku a mi. O matsɛ ɔ ma ha tue mi jɔmi maa ba je ma amɛ a kpɛti. E maa ye tsɛ kɛ maa je wo kpo kɛ yaa su wo kpo; e maa ye tsɛ kɛ maa je Yufrate pa a nya kɛ yaa su zugba a nyagbe he ɔmɛ tɔɔ.”

Zakaria 9:12

Nyɛ nihi nɛ a nuu nyɛ nyɔguɛ, jehanɛ lɛɛ nyɛ ngɛ hɛ kɛ nɔ fɔmi. Nyɛɛ kpale kɛ ba nyɛ mɔ ɔ mi. I ngɛ dee jehanɛ ke yayami tsuo nɛ a pee nyɛ ɔ, nyɛ ma na gbaami kɛ bɔ he totoe enyɔ.

Zakaria 9:9

Zion, nyá oo, nyá! Yerusalem, mo he ose! Hyɛ, o matsɛ ɔ ma! E ma kɛ agbo jemi kɛ kunimi yemi. E ba e he si, nɛ e hi teji okpɔngɔ nɔ; ee, e hi teji okpɔngɔ bi nɔ.

Mose IV, 24:19

Yakob maa ye matsɛ, nɛ e ma kpata ni nɛmɛ nɛ piɛ ɔ a hɛ mi.”

Mateo 21:33

Yesu de mɛ ke, “Nyɛɛ bu abɛ kpa hu tue. Zugbatsɛ ko hi si. E pee wai ngmɔ, nɛ e du tso tsɔwi kɛ po piɛ wo he kɛ kpe; e tsua wai tɛ muɔ ngɛ mi, nɛ e ma buli a mɔ hu ngɛ mi. Kɛkɛ nɛ e kɛ ha ní tsuli apaa humi; nɛ e doma.

Marko 12:1

Yesu ya nɔ nɛ e kɛ mɛ tu munyu ngɛ abɛhi a mi ke, “Nyumu ko pee wai ngmɔ, nɛ e du tso tsɔwi kɛ po piɛ kɛ bɔle lɛ. E tsua wai tɛ muɔ, nɛ e ma buli a mɔ ngɛ ngmɔ ɔ mi. E ngɔ wai ngmɔ ɔ kɛ ha apaa yeli, kɛkɛ nɛ e doma.

Efesobi 1:21

Lejɛ ɔ Kristo ngɛ tsɛ yee ngɛ kɛ he wami kpetekpleenyɛ nɛ pã nihi tsuo nɛ ngɛ tsɛ yee ngɛ hiɔwe a he wami. Biɛ nɛ Kristo hɛɛ ɔ hu pã biɛhi tsuo ngɛ je nɛ ɔ, kɛ je nɛ maa ba a tsuo mi.

Kpojemi 22:5

Diblii be si hie hu, nɛ kane, loo pu la he be mɛ hiae, ejakaa Nyɔmtsɛ Mawu ma ha mɛ la, nɛ a maa ye matsɛ kɛ maa ya neneene.