Mika 4:13 - BAIBLO ALOO NGMAMI KLƆUKLƆU Ɔ

¹³ Yawɛ ke, “Nyɛ Yerusalem bi, nyɛɛ ya nɛ nyɛ ya gbla nyɛ he nyɛli ɔmɛ a tue! Ma ha nyɛ dade tso nyɛ, kɛ dade tso mi bihi nɛ nyɛɛ kɛ maa gbee je mahi babauu. Nyɛ ma kpata a hɛ mi, nɛ níhi nɛ a kpɔ pani nya ngɛ nihi a dɛ ɔ, nyɛ maa ngɔ kɛ ba ha imi, je ɔ tsuo Nyɔmtsɛ ɔ.” Mawu lɛ de.

Mika 4:13 ပူးပေါင်းရင်းမြစ်များ

La 24:1

Je ɔ, Yawɛ nɔ́. Zugba a, kɛ e mi ní, kɛ nimli nɛ ngɛ zugba a nɔ ɔ, Yawɛ níhi ji mɛ tsuo.

La 68:29

Yawɛ, o we ɔ nɛ ngɛ Yerusalem he je ɔ, matsɛmɛ ngɔɔ nike ní kɛ ba haa mo.

La 72:10

Matsɛmɛ nɛ je Spania, kɛ zugbahi nɛ wo bɔle mɛ ɔ a nɔ ɔ, á tsu to kɛ ba ha lɛ, nɛ Sheba, kɛ Seba matsɛmɛ ɔmɛ nɛ a ba ke lɛ ní!

Yesaya 18:7

Be ma nɛ Yawɛ Tabohiatsɛ ɔ ma na nike ní kɛ je zugba kɛ e nɔ pahi babauu ɔ nɔ. E ma na nike ní kɛ je nimli gagaagahi kɛ a he tlotlootlo nɛ je ɔ tsuo yee mɛ gbeye ɔ a dɛ mi. A maa ba Zion yo ɔ nɔ, he nɛ a jaa Yawɛ Tabohiatsɛ ɔ ngɛ ɔ.

Yesaya 21:10

Ye ma Israel, mo nɛ́ be ko ɔ, a hao mo, nɛ a wa mo yi mi wawɛɛ nitsɛ kaa ngma nɛ a gbee, nɛ a sa mi ɔ, jehanɛ lɛɛ bu manye munyu tue. Manye munyu nɛ i ngɛ mo dee nɛ ɔ, i nu kɛ je Yawɛ Tabohiatsɛ, Israel Mawu ɔ ngɔ.

Yesaya 23:18

Sika nɛ e ma na kɛ je e jua yemi ɔ mi ɔ, e maa gbaa nɔ kɛ ha Yawɛ. E be nya buae kɛ to, se mohu nihi nɛ ma ba ja Yawɛ ɔ, a maa ngɔ sika nɛ ɔ kɛ he niye ní, kɛ heha ní nɛ hia mɛ.

Yesaya 5:28

A kɛ̃ɛ̃ mi bi ɔmɛ a nya ba, nɛ a dɔ a kɛ̃ɛ̃ ɔmɛ a mi, konɛ a tsɛ̃. A we okpɔngɔ ɔmɛ a nane kokloto ɔmɛ a he wa kaa tslɛbo, nɛ a ta zugba lɛ ɔmɛ a nane kla amɛ ngɛ a he poe kɛ fo kaa lasiogblee.

Yeremia 51:20

Yawɛ ke, “Babilonia, ye hamle ji mo; o ngɛ kaa ye ta hwumi ní. I ngɔ mo kɛ kpata je mahi, kɛ matsɛ yemihi a hɛ mi.

Yeremia 51:33

E be kɛe kulaa nɛ a maa poo a mi ngɔ pue si kaa blɛfo ngɛ ngma mi sami he. Imi Yawɛ Tabohiatsɛ, Israel Mawu ɔ lɛ i de.”

Daniel 2:44

Matsɛmɛ nɛ ɔmɛ a yi nɔ ɔ, Mawu nɛ ngɛ hiɔwe ɔ maa to matsɛ yemi ko sisi, nɛ e se be poe gblegbleegble. Matsɛ yemi nɛ ɔ, nɔ ko nɔ ko be nyɛe maa ye e nɔ; e ma kpata matsɛ yemi kpa amɛ tsuo a hɛ mi, nɛ e maa hi si kɛ maa ya neneene.

Hosea 10:11

“Sa a, Israel ngɛ kaa na yiheyo nɛ a tsɔse lɛ saminya. Be tsuaa be ɔ, e suɔ kaa e gblɛ ngma. Se i pee ye yi mi kaa ma wo e kuɛ saminyayoo ɔ kuɛpã tso, konɛ e tsu ní kpakpataa. I ha Yuda gbla na kpakplaa tso ɔ, nɛ Israel hɛɛ ngmɔ nɔ dlami nɔ́ ɔ mi.

Mika 5:7

Israel ma nɛ piɛ ɔ ma ha nɛ je mahi babauu ma na bua jɔmi ekohu kaa bɔ́ nɛ je Yawɛ ngɔ, aloo hiɔmi nɛ́ nɛ ngɔ pue nga nɔ. A maa ngɔ a hɛ ngɔ fɔ Mawu nɔ, se pi nɔmlɔ nɔ.

Habakuk 3:12

Abofu o kɛ hia kɛ nyɛɛ je ɔ mi, nɛ o kɛ hɛdɔ naa je ma amɛ a nɔ.

Zakaria 12:3

Jamɛ a be ɔ, ma ha Yerusalem maa pee tɛ nɛ jiɔ ha je ma amɛ tsuo. Ma tsuaa ma nɛ ma wo tɛ nɛ ɔ nɔ ɔ, e maa ye e he awi. Je ma amɛ tsuo ma bla, nɛ a maa te si kɛ wo Yerusalem.

Zakaria 12:6

“Jamɛ a be ɔ, ma ha Yuda we puɔ nya amɛ maa pee kaa buɛ kɛ e he la gegeege nɛ a to lɛ́ ngɔ wo sisi, loo kaa blɛfo nɛ a kpɔ, nɛ a bua nya pue jatɛ kɛ e nya la nɔ. Je ma amɛ nɛ bɔle mɛ ɔ tsuo a hɛ mi ma kpata, se Yerusalem lɛɛ e maa ma e ma he ɔ nɔuu.

Zakaria 4:14

E ya nɔ nɛ e de mi ke, “Ni nɛ ɔmɛ ji ni enyɔ nɛ a pɔ mɛ nu, nɛ a daa si ngɛ je ɔ tsuo Nyɔmtsɛ ɔ hɛ mi ɔ nɛ.”

Zakaria 6:5

E he nɔ ke, “Kɔɔhiɔ nɛ ngɛ je kɔ nya eywiɛ ɔmɛ ji nɛ ɔmɛ nɛ; je ɔ tsuo Nyɔmtsɛ ɔ hɛ mi nɛ a je kɛ yaa nɛ ɔ nɛ.”

1 Korintobi 16:2

Daa otsi mi kekleekle ligbi ɔ, sika nɛ nyɛ ti nɔ tsuaa nɔ naa ngɛ otsi ɔ mi ɔ, e je eko ngɔ to, nɛ e hi nya buae. Kɛkɛ ɔ, ke i ba a, e be hiae kaa a tsu sika hu.

Mose V, 33:25

Á ma a ma amɛ a nya dade agbohi, konɛ a na he wami daa.”

Yoshua 6:19

Sika hiɔ, sika tsu, akɔblee, kɛ dade níhi tsuo lɛɛ a hla kɛ to ha Yawɛ, lɔ ɔ he ɔ, a ngɔ kɛ ba Yawɛ nito he ɔ.”