Mika 4:11 - BAIBLO ALOO NGMAMI KLƆUKLƆU Ɔ

¹¹ Je mahi babauu ba bua ngɔ wo nyɛ he konɛ a tua nyɛ. A ke, “Ja wa kpata Yerusalem hɛ mi! Wa maa na kɛ wa hɛngmɛ kaa ma nɛ ɔ pee ma doku!”

Mika 4:11 ပူးပေါင်းရင်းမြစ်များ

La 129:5

Nihi tsuo nɛ sume Zion ɔ, zo nɛ gbe mɛ nɛ a kpale a se!

La 83:5

Ee, a pee kake kɛ wo o he; mɛ tsuo a so kɛ wo o he:

Yesaya 10:7

Se Asiria matsɛ ɔ lɛɛ e to yi mi kpa mohu. E to kaa e ma kpata je mahi babauu a hɛ mi.

Yesaya 17:12

Je mahi nɛ a he wa ngɛ hoo pee kaa wo nɛ gli, nɛ oslɔke nguaa amɛ ngɛ kue bum bum kɛ ngɛ si puee.

Yesaya 29:7

kɛkɛ ɔ, je ma amɛ a tabo ɔmɛ tsuo nɛ ba ngɛ ma nɛ a tsɛɛ Mawu bɔ sami la tɛ ɔ tuae ɔ, mɛ tsuo a maa laa kaa nina ko nɛ je kpo nyɔ mi ngɛ nlami mi kɛkɛ.

Yeremia 52:4

Enɛ ɔ he je ɔ, Zedekia yi nɔ jeha nɛ ji nɛɛ ɔ, nyɔhiɔ nɛ ji nyɔngma a we ligbi nɛ ji nyɔngma a nɔ ɔ, Babilonia matsɛ, Nebukadnezar kɛ e tabo ɔ tsuo ba tua Yerusalem. A sa ma a yi, nɛ a fia kpokuhi kɛ bɔle ma a kɛ kpe.

Ezekiel 26:3

“Lɔ ɔ he ɔ, bɔ nɛ imi Nyɔmtsɛ Yawɛ, i ngɛ dee ji: Tiro, i kɛ mo ná. Ma ha je mahi babauu ma ba tua mo; a maa ba nɔtonɔto kaa bɔ nɛ wo oslɔkehi kuɔ kɛ baa wo dɔ mi.

Ezekiel 38:17

Nyɔmtsɛ Yawɛ ke blema lokoo nɛ i ha ye tsɔli, Israel gbali ɔmɛ gba jehahi babauu ke be ma nɛ ma ha nɔ ko ma ba ye ye ma Israel nɔ ɔ, anɛ mo o he i de ngɛ lo?”

Obadia 1:12

Amanehlu nɛ o nyɛmimɛ Yuda bi ɔmɛ na a, e sɛ nɛ o bua jɔɔ he. E sɛ kaa o naa bua jɔmi ngɛ ligbi nɛ a kpata a hɛ mi ɔ nɔ. E sɛ nɛ o tuɔ he nɔ womi munyu ngɛ a haomi ligbi ɔ nɔ.

Mika 7:10

Wa he nyɛli ɔmɛ maa na nɔ́ nɛ ɔ, nɛ zo maa gbe mɛ. Mɛ lɛ a ye wa he fɛu nɛ a bi wɔ ke, “Jije Yawɛ, nyɛ Mawu ɔ ngɛ?” Wa maa na kaa a ye a nɔ kunimi, nɛ a naa a nɔ kaa mɔsɔ ngɛ gbɛjegbɛ nɔ.

Zakaria 12:3

Jamɛ a be ɔ, ma ha Yerusalem maa pee tɛ nɛ jiɔ ha je ma amɛ tsuo. Ma tsuaa ma nɛ ma wo tɛ nɛ ɔ nɔ ɔ, e maa ye e he awi. Je ma amɛ tsuo ma bla, nɛ a maa te si kɛ wo Yerusalem.