Mika 3:8 - BAIBLO ALOO NGMAMI KLƆUKLƆU Ɔ

⁸ Se imi lɛɛ Yawɛ ngɔ e mumi ɔ kɛ wo ye mi tɔ. E ha mi he wami, kɛ dami sane yemi, kɛ kã nɛ ma kɛ jaje Israel ma a he yayami ɔ kɛ tsɔɔ mɛ.

Mika 3:8 ပူးပေါင်းရင်းမြစ်များ

Yesaya 58:1

Yawɛ ke, “Kpa ngmlaa boboobo bɔ nɛ o ma nyɛ; ha nɛ o nya nɛ wa wawɛɛ kaa titimati! Jaje ye ma Israel tɔmi ɔmɛ kɛ tsɔɔ mɛ!

1 Korintobi 2:4

Ní nɛ i tsɔɔ, kɛ sɛ gbi nɛ i fiɛ ɔ hu, pi nile munyu nɛ plɛɔ nɔ yi mi nɛ i tu. Se mohu Mawu Mumi ɔ, kɛ he wami ɔ lɛ tsu ní nɛ ɔ,

Ezekiel 43:10

Yawɛ ya nɔ, nɛ e de mi ke, “Nɔmlɔ adesa, bɔ nɛ imi Yawɛ ye we ɔ ngɛ ha a, kale fitsofitso kɛ tsɔɔ Israel bi ɔmɛ. Ha nɛ zo nɛ gbe mɛ ngɛ yayamihi nɛ a pee ɔ a he.

Ezekiel 16:2

“Nɔmlɔ adesa, ní hiemi níhi nɛ Yerusalem pee ɔ, ha nɛ e le.

Hiob 32:18

I ngɛ níhi babauu nɛ ma de. Mumi nɛ ngɛ ye mi ɔ ngɛ ye yi se tsitsɛɛe.

Mateo 7:29

E tsɔɔ mɛ ní kaa nɔ ko nɛ hɛɛ blɔ nya, se pi kaa bɔ nɛ mlaa tsɔɔli ɔmɛ tsɔɔ ní ɔ.

Ezekiel 22:2

nɛ e de mi ke, “Nɔmlɔ adesa, anɛ o pee klaalo nɛ o maa kojo ma nɛ muɔ si pɛ a pueɔ ngɛ mi ɔ lo? Ke jã a, lɛɛ ha nɛ e le ní hiemi níhi nɛ e pee ɔ tsuo.

Ezekiel 20:4

“Nɔmlɔ adesa, o maa kojo mɛ lo? Ke jã a, lɛɛ ha nɛ a le ní hiemi níhi nɛ a tsɛmɛ ɔmɛ tsu.

Ezekiel 3:14

Yawɛ he wami ba ye nɔ wawɛɛ nitsɛ; nɛ benɛ mumi ɔ wo mi kɛ yaa a, e dɔ mi, nɛ ye bua jɔɛ kulaa.

Yeremia 20:9

Se ke i de ke, “I be Yawɛ biɛ ta woe hu, nɛ i be fiɛe ngɛ e biɛ mi hu” ɔ, o sɛ gbi ɔ peeɔ kaa la nɛ ngɛ tsoe ngɛ ye tsui mi, kɛ ye wuhi a mi. I bɔɔ mɔde saminya kaa ma tsi nya, se jehanɛ lɛɛ, i pa nyɛ we hu.

Yeremia 1:18

Yeremia, bu tue! Nɔ tsuaa nɔ nɛ ngɛ zugba nɛ ɔ nɔ ɔ: Yuda matsɛmɛ ɔmɛ, ganɔ ɔmɛ, osɔfo ɔmɛ, kɛ ma mi bi ɔmɛ maa te kɛ wo mo. Se mwɔnɛ ligbi nɛ ɔ, i ngɛ mo he wami hae nɛ o ye a nɔ. I pee mo kaa ma nɛ a fia gbogbo ngɔ wo he, aloo dade titima, aloo gbogbo nɛ a kɛ akɔblee pee. A be mo nyɛe; ejakaa i kɛ mo ngɛ, nɛ ma je mo kɛ je a dɛ mi. Imi, Yawɛ lɛ i de.”

Yeremia 6:11

Yawɛ, enɛ ɔmɛ a he je ɔ, ye mi mi fu mɛ wawɛɛ nitsɛ kaa bɔ nɛ mo hu o mi mi fu mɛ ɔ pɛ; jehanɛ lɛɛ i be nyɛe tsui tomi hu.” Kɛkɛ nɛ Yawɛ de mi ke, “Ngɔɔ ye mi mi fumi ɔ kɛ kple jokuɛwi a nɔ ngɛ gbɛjegbɛ ɔ nɔ; ngɔɔ kɛ kple nihewi a nɔ ngɛ a he nya buami he ɔmɛ. A maa nuu nyumuhi kɛ a yihi kɛ je, nɛ nihi nɛ bwɔ kotokoto po be a he yee.

Marko 3:17

Yakobo, kɛ e nyɛmi Yohane, Zebedeo bimɛ ɔmɛ (Yesu wo mɛ Boanerges. E sisi ji oslabai bimɛ),

Yesaya 61:1

Nyɔmtsɛ Yawɛ mumi ɔ ngɛ ye nɔ; Yawɛ pɔ mi nu, nɛ e tsɔ mi, konɛ ma ngɔ manye munyu ya ha nihi nɛ a ní ngɛ mɔbɔ ɔ; nɛ ma wo kɔmɔ yeli a bua; nɛ ma ya de nihi nɛ a nuu mɛ nyɔguɛ ɔ ke a he yemi be su ta, kɛ ni nɛmɛ nɛ a wo mɛ tsu ɔ ke a jémi be su ta.

Yesaya 61:2

Yawɛ ke ma ya fiɛ ke be ko nɛ sa Yawɛ hɛ mi ma. Be nɛ Mawu maa gbla nihi a tue, kɛ kɔmɔ yeli a bua womi be ɔ su ta.

Kɔmɔ Yemi 2:14

O gbali ɔmɛ be nɔ́ kpakpa ko nɛ a ma de mo; lakpa pɛ a yeɔ mo. A fiɛɔ kɛ sisiɔ mo. A je we o tɔmi kpo kɛ tsɔɔ mo. A ha nɛ o susu kaa e hia we nɛ o tsake o tsui.

Ezekiel 23:36

Yawɛ de mi ke, “Nɔmlɔ adesa, anɛ o maa kojo Ohola kɛ Oholiba lo? Lɛɛ, tsɔɔ mɛ ní hiemi níhi gbegbeegbe nɛ a pee ɔ.