Mika 3:6 - BAIBLO ALOO NGMAMI KLƆUKLƆU Ɔ

⁶ “Nyɛ ligbi ɔ nya ta, nɛ du miɔ nɛ e ma bu nyɛ. Nyɔ mi ɔ, nyɛ be ní nae hu; ke diblii wo ɔ, nyɛ be klaae hu.” Yawɛ lɛ de.

Mika 3:6 ပူးပေါင်းရင်းမြစ်များ

La 74:9

Wa pa nɛ okadi ko hu; gbalɔ ko gbalɔ ko be hu. Nɔ ko nɔ ko hu li be nɛ nɔ́ nɛ ɔ se maa po.

Yesaya 29:10

Yawɛ ha mahe vii nɔ nyɛ nɔ, nɛ nyɛ hwɔ mahe kulaa. Nyɛ gbali ɔmɛ ɔ, Mawu kɛ nɔ́ bu a hɛ mi, nɛ e ha a yi nɔ.

Yesaya 59:10

nɛ wa tataa si kɛ yaa gbogbo he kaa hɛ yuyuili. Wa tɛɔ si piani katakata kaa nɔ nɛ nyɔ mi. Wa peeɔ kaa ni gbogboehi ngɛ hɛ ngmengmletsɛmɛ a kpɛti.

Yeremia 13:16

Nyɛɛ wo Yawɛ, nyɛ Mawu ɔ hɛ mi nyami be mi nɛ e ha we nɛ diblii nɛ wo nyɛ nɛ nyɛ ba tɛ si ngɛ yoku ɔmɛ a nɔ, be mi nɛ e ha we nɛ la nɛ nyɛ ngɛ blɔ hyɛe ɔ nɛ plɛ pee diblii kpii.

Yeremia 15:9

Bimɛ kpaago a nyɛ ɔ hɛli; nɔ́ nɔ e nɔ, ejakaa e bimɛ ɔmɛ tsuo a yi ta. Piani be mi ɔ, lɛɛ e pu ɔ nɔ si momo, nɛ diblii kpatu wo; a pue e hɛ mi si, nɛ a bɔ lɛ ahlua. Ma ha nɛ nyɛ he nyɛli ɔmɛ maa gbe nyɛ ni nɛmɛ nɛ nyɛ hɛ ngɛ kɛ mwɔɔ ɔ. Imi, Yawɛ lɛ i de.”

Yeremia 18:18

Kɛkɛ nɛ ma a de ke, “Nyɛ ha nɛ waa to Yeremia he ga. Daa nɛ ɔ, wa ma na osɔfohi nɛ maa tsɔɔ wɔ ní. Wa ma na ní leli nɛ maa wo wɔ ga, kɛ gbali nɛ ma ha wɔ Mawu sɛ gbi. Ke wa to ga nɛ ɔ, pi lɔ ɔ nɛ ma ha nɛ ní nɛ ɔmɛ a se maa po. Nyɛ ha nɛ waa po sane ngɔ fɔ e nɔ, nɛ waa jɔɔ e munyu ɔmɛ tue bumi.”

Ezekiel 13:9

Gbali ɔmɛ nɛ naa yakayaka níhi, nɛ lakpa níhi a klaa a, ma gbla a tue. A be ye ma mi bi ɔmɛ a kpɛti hie hu; a be a biɛhi ngmae ngɛ ye ma Israel womi ɔ mi, nɛ a be Israel zugba a hu nɔ bae gblegbleegble. Lɔ ɔ loko nyɛ maa le kaa imi ji Nyɔmtsɛ Yawɛ.

Ezekiel 7:26

Amanehlu maa nyɛɛ amanehlu se; nɛ munyu yobu maa nyɛɛ munyu yobu se; nyɛ ma hla nina kɛ je gbali ɔmɛ a ngɔ, se osɔfo ɔmɛ po mlaa maa laa mɛ kulaa; nɛ nyɛ ma nimeli ɔmɛ hu be ga kpakpa ko nyɛe maa wo.

Amos 8:11

“Be ma, nɛ ma ha nɛ hwɔ maa ba zugba a nɔ; pi mi mi hwɔ, loo kuma. Se sɛ gbi nɛ maa je imi Yawɛ, ye ngɔ ɔ, ma bɔ nyɛ. Imi, Nyɔmtsɛ Yawɛ lɛ i de.

Mika 2:6

Ma a de mi ke, “O kɛ wɔ nɛ ko tu munyu kaa kikɛ nɛ ɔ. Ko de ní nɛ ɔmɛ nɛ waa nu. Mawu be wa hɛ mi si puee.