Mika 3:4 - BAIBLO ALOO NGMAMI KLƆUKLƆU Ɔ

⁴ Be ma nɛ nyɛ ma kpa ngmlaa kɛ tsɛ Yawɛ, se e be nyɛ nya mi poe. E be nyɛ kue fami ɔ tue bue, ejakaa nyɛ pee yayami.

Mika 3:4 ပူးပေါင်းရင်းမြစ်များ

Yesaya 1:15

“Ke nyɛ wo nyɛ nine nɔ, nɛ nyɛ ngɛ sɔlee ɔ, i be nyɛ hyɛe; nyɛ nine he pee kɛ muɔ.

Abɛ Womi 1:28

jamɛ a be ɔ mi ɔ, nyɛ ma tsɛ mi, se i be nɔ hee. Nyɛ ma hla ye se blɔ kɛ hɛdɔ, nɛ nyɛ be mi nae.

Ezekiel 8:18

Lɔ ɔ he ɔ, i kɛ abofu nɛ nya wa ma kple a nɔ. A be mɔbɔ nami ko kulaa nae ngɛ ye hɛngmɛ mi, nɛ i be a yi bae hulɔ. A maa fa kue boboobo kɛ tsɛ mi, se i be mɛ tue bue.”

La 18:41

A kpa ngmlaa kaa nɔ ko ma ba piɛ a he lo, se nɔ ko ji ngmlaa ha mɛ. A tsɛ Yawɛ, se e pui a nya mi.

Yakobo 2:13

Ejakaa nɔ nɛ nɛ́ mɔbɔ ɔ, benɛ a maa kojo lɛ ɔ, Mawu be lɛ mɔbɔ nae; se ke o naa mɔbɔ ɔ, Mawu be mo fɔ bue.

Mateo 7:22

Kojomi ligbi ɔ, nihi babauu ma bi mi ke, ‘Nyɔmtsɛ, Nyɔmtsɛ! Pi o biɛ mi nɛ wa fiɛ Mawu munyu ɔ ngɛ lo? Pi o biɛ mi nɛ wa hia mumi yayamihi ngɛ lo? Nɛ pi mo o biɛ mi nɛ wa pee nyakpɛ ní fuu ngɛ lo?’

Yesaya 3:11

Se yayami peeli lɛɛ musu tloo mɛ; yayami nɛ a pee ní kpahi ɔ, jehanɛ, a ma ngɔ pee mɛ nitsɛmɛ.

Yohane 9:31

Wa le kaa Mawu bui yayami peeli tue, se nɔ nɛ yeɔ lɛ gbeye, nɛ e peeɔ Mawu suɔmi nya ní ɔ, Mawu buɔ lɛ tue.

Luka 13:25

Be ma nɛ wetsɛ ɔ maa te si, nɛ e ma nga sinya a. Kɛkɛ ɔ, benɛ nyɛ daa si ngɛ we ɔ se ɔ, nyɛ ma bɔni sinya a simi. Nyɛ ma de ke, ‘Nyɔmtsɛ, bli wɔ oo, bli wɔ!’ Se e ma he nɔ ke, ‘I li he nɛ nyɛ je!’

Zakaria 7:13

Akɛnɛ ke i de nɔ́ ko nɛ a bui tue he je ɔ, ke a fa kue ɔ, i he we nɔ.

Yeremia 5:31

Gbali ɔmɛ a sɛ gbi ɔ, lakpa sɔuu; nɔ́ nɛ mɛɛ a fa osɔfo ɔmɛ ke a pee ɔ, lɔ ɔ osɔfo ɔmɛ peeɔ. Nɛ ye ma a hu suɔ ja. Se nyagbe ɔ, kɛ a maa pee kɛɛ?”

Abɛ Womi 28:9

Nɔ nɛ sume kaa e yeɔ mlaa nɔ ɔ, ke e fa kue ha Mawu po, e bɔ musu.

Samuel I, 8:18

Jamɛ a be ɔ, nyɛ maa wo yana ngɛ matsɛ ɔ nɛ nyɛ nitsɛmɛ nyɛ hla a e ní peepee he, se Yawɛ be nyɛ nya mi poe.”

Hiob 27:9

Ke haomi ba e nɔ, nɛ e fa kue ha Mawu ɔ, anɛ Mawu maa nu e kue fami ɔ lo?

Hiob 35:13

Niinɛ, Mawu bui yaka ngmlaa tue; Mawu Ope ɔ bui he akɔtaa.

Yeremia 11:11

Lɔ ɔ he ɔ, imi Yawɛ, i ngɛ mɛ dee ke, ma ha nɛ haomi maa ba a nɔ nɛ a he be mi jee. Ke a fa kue ha mi po, i be mɛ tue bue.

Yeremia 14:12

Ke a ha hwɔ tete po, i be a kue fami ɔ tue bue; nɛ ke a sã sami bɔ, kɛ niye ní bɔ ha mi hu, i be hee. Se mohu ɔ, níhi nɛ i kɛ ma kpata a hɛ mi ji ta, hwɔ, kɛ gbenɔ hiɔ.”

Mika 3:7

Zo maa gbe gbali ɔmɛ kɛ klaali ɔmɛ; mɛ tsuo pɛpɛɛpɛ a ma ma a nya. Ke a gba a, e be mi bae fɛɛ, ejakaa a be sɛ gbi ko nae kɛ je Mawu ngɔ hu.

Mika 7:13

Se zugba a hɛ mi ma kpata; ejakaa nihi nɛ ngɛ zugba a nɔ ɔ, yiwutsotsɛmɛ ji mɛ.