Mika 3:3 - BAIBLO ALOO NGMAMI KLƆUKLƆU Ɔ

³ Nyɛ yeɔ ye ma mi bi ɔmɛ. Nyɛ kpɔɔ a he womi kɛ jeɔ a he. Nyɛ kuɔ a wuhi, nɛ nyɛ poɔ mɛ kpɔ nya kpɔ nya kaa lo nɛ a kɛ maa wo kutu mi.

Mika 3:3 ပူးပေါင်းရင်းမြစ်များ

La 14:4

Yawɛ ngɛ bie ke, “Yayami peeli nɛ ɔmɛ ɔ, anɛ a be juɛmi lo? A ní tsumi kɛkɛ ji kaa a fia ye ma a ojo, se imi, Yawɛ lɛɛ a tsɛ we ye biɛ.”

La 27:2

Ke ye he nyɛli, yayami peeli ba tua mi nɛ́ a gbe mi ɔ, a ma tɛ nɔ, nɛ a maa nɔɔ si.

Abɛ Womi 30:14

Ni komɛ sisiɔ ohiatsɛmɛ, kɛ nihi nɛ a ní ngɛ mɔbɔ, nɛ a kpɔɔ níhi ngɛ a dɛ. Bɔ nɛ jamɛatsɛmɛ ɔmɛ peeɔ kɛ yeɔ ní ji nɛ ɔ nɛ.

Yesaya 3:14

Yawɛ kɛ ma nimeli, kɛ ganɔ ɔmɛ lɛ na sane ɔ nɛ. Munyu nɛ e kɛ ba po a nya ji nɛ ɔ nɛ: “Nyɛ kpata wai ngmɔ ɔmɛ a hɛ mi, nɛ níhi nɛ nyɛ kpɔ ngɛ ohiatsɛmɛ a dɛ ɔ, nyɛ ngɔ kɛ to nyɛ wehi a mi.

Yesaya 3:15

Nyɛ be he blɔ kulaa kaa nyɛ waa ye ma a yi mi, loo nyɛ yeɔ ohiatsɛmɛ amimi. Imi Nyɔmtsɛ Tabohiatsɛ Mawu ɔ, lɛ i de.”

Ezekiel 11:3

A deɔ ke, ‘E sui be nɛ wa maa ma tsuhi lolo. Ma nɛ ɔ ngɛ kaa dade kutu agbo ko; nɛ wɔ nimli ɔmɛ wa ngɛ kaa lo ngɛ kutu ɔ mi!’

Ezekiel 24:4

Ngɔɔ lo nɛ o saa a tsuo kɛ wo mi; lo kpakpa a tsuo, kɔni ɔ kɛ fiɔ ɔ, kɛ wu kpakpa pe kulaa a hulɔ; ngɔɔ mɛ tsuo kɛ wo buɛ ɔ mi.

Amos 8:4

Nyɛ jua yeli nɛ nyɛ kpɔɔ níhi ngɛ dɛgutsɛmɛ a dɛ, nɛ nyɛ hlaa kaa nyɛ ma kpata ohiatsɛmɛ nɛ ngɛ zugba a nɔ ɔ a hɛ mi, nyɛɛ bu tue!

Mika 2:8

Yawɛ he nɔ ke, “Nyɛ te si kɛ wo ye ma a kaa nɔ́ nɛ wa he nyɛli ji nyɛ. Ta buli nɛ je ta kɛ ba, nɛ a susumi ji a ma na tue mi jɔmi ngɛ we ɔ, nyɛ kplɔ a tadehi ngɛ a he.

Zefania 3:3

Tsɔli ɔmɛ ngɛ kaa jatahi nɛ ngɛ huãe. Kojoli ɔmɛ hu ngɛ kaa ogbeteehi nɛ hwɔ gbe mɛ; gbɔkuɛ ɔ, a yeɔ ní tsuatsuaatsua, nɛ ke je na a, a si we nɔ́ ko nɔ́ ko.